Best Feel good korean series on OTT : కొరియన్ డ్రామాలకు ఇప్పుడు ప్రపంచవ్యాప్తంగా ఆదరణ లభిస్తోంది. అయితే వీటిలో కొన్ని సిరీస్ లు జీవితాన్ని కళ్ళముందు ఉంచుతాయి. ఒంటరితనంతో బాధపడేవాళ్లకు, మనసు ప్రశాంతతను కోరుకునేవాళ్లకు ఈ కొరియన్ సిరీస్లు ఒక దివ్యౌషధంలా పనిచేస్తాయి. గుండెకు హత్తుకునే ఎమోషన్స్ తో జీవితంపై నమ్మకాన్ని పెంచేలా ఉండే ఈ ఐదు కథలు నెట్ ఫ్లిక్స్ (Netflix) ఓటీటీలో ఉన్నాయి. వీటిని వీకెండ్ లో ఫ్యామిలీతో చూస్తే మంచి ఫీల్ ఉంటుంది.
జీవితంలో ఎలాంటి మలుపులు లేక, రోజువారీ రొటీన్ పనులతో విసిగిపోయిన ముగ్గురు తోబుట్టువుల కథ ఇది. వీళ్ళు తమకంటూ ఒక గుర్తింపును వెతుక్కునే ప్రయాణాన్ని ఇందులో చూపించారు. ఇందులో పాత్రలు మన పక్కింటి వాళ్లలాగే అనిపిస్తాయి. ప్రతి ఒక్కరి లైఫ్లో ఉండే వెలితిని, ఒంటరితనాన్ని ఈ సిరీస్ చాలా అందంగా చూపిస్తుంది. జీవితంలో బోర్ కొట్టేసినప్పుడు, ఒంటరిగా ఉన్నప్పుడు ఈ సిరీస్ చూస్తే ఒక తెలియని ఊరట లభిస్తుంది.
మానసిక వార్డులో కొత్తగా చేరిన ఒక నర్సు జీవితం చుట్టూ ఈ కథ తిరుగుతుంది. అక్కడ ఉండే రోగుల బాధలను, వాళ్ల మానసిక స్థితిని ఆమె ఎలా అర్థం చేసుకుంది, వాళ్లకు ఎలా సాయం చేసిందనేది ఇందులో మెయిన్ పాయింట్. మానసిక సమస్యలు, డిప్రెషన్, ఒంటరితనం అనేవి ఎంత ప్రమాదకరమో, వాటిని ప్రేమతో ఎలా నయం చేయవచ్చో ఇందులో చాలా సున్నితంగా చూపించారు. పేరుకు తగ్గట్టే ఈ సిరీస్ చూస్తుంటే మనసులోకి ఒక కొత్త వెలుగు, ఆశ వచ్చినట్లు అనిపిస్తుంది.
చనిపోయిన వాళ్ల గదులను సర్ది, వాళ్ల వస్తువులను జాగ్రత్త చేసే “ట్రామా క్లీనర్స్” కథ ఇది. ఆటిజం ఉన్న ఒక కుర్రాడు, అతని బాబాయ్ కలిసి ఈ పని చేస్తుంటారు. మరణం వెనుక ఉండే బాధను, బంధాల విలువను ఈ సిరీస్ కళ్లకు కడుతుంది. ప్రతి ఎపిసోడ్ మన కన్నీళ్లు తెప్పిస్తూనే, బతికున్నప్పుడు మనుషులను ఎలా ప్రేమించాలో నేర్పుతుంది. మీరు ఒంటరిగా ఉన్నప్పుడు మీ గుండెను బరువెక్కించి, ఆ వెంటనే తేలిక చేసే అద్భుతమైన కథ ఇది.
జీవితంలో తీవ్రమైన కష్టాలు అనుభవిస్తూ, సమాజంపై నమ్మకం కోల్పోయిన ఇరవై ఏళ్ల అమ్మాయి.. అన్ని ఉన్నా మానసిక ప్రశాంతత లేని ఒక నలభై ఏళ్ల వ్యక్తిని కలుస్తుంది. ఒకరినొకరు అర్థం చేసుకుంటూ వాళ్ల జీవితాలను ఎలా మార్చుకున్నారనేదే కథ. కొరియన్ డ్రామాల్లోనే ఇదొక మాస్టర్ పీస్. సమాజంలో ఒంటరిగా మిగిలిపోయిన వాళ్లకు తోడు దొరికితే లైఫ్ ఎంత బాగుంటుందో ఇందులో చూడొచ్చు. ఈ సిరీస్ చూశాక లోకంలో ఇంకా మంచి తనం మిగిలే ఉందనే నమ్మకం ఖచ్చితంగా కలుగుతుంది.
జీవితంపై విరక్తి చెంది ఆత్మహత్య చేసుకోవాలనుకునే వాళ్లను కాపాడటానికి నరకం నుంచి వచ్చిన కొంతమంది యమదూతలు ఏం చేశారనేదే ఈ సిరీస్ కాన్సెప్ట్. బతకడం కన్నా చావడం మేలు అనుకునే వాళ్లకు ఈ సిరీస్ ఒక కంటి తుడుపు లాంటిది. ఒంటరితనం, ఆందోళన వల్ల వచ్చే ఆత్మహత్య ఆలోచనలను దూరం చేసి, జీవితం ఎంత విలువైందో ఈ కథ గుర్తుచేస్తుంది.
Read Also : వారానికి ఒకసారి వచ్చే ఏకాంత సమయం… పెళ్ళి తర్వాత కూడా పక్క చూపులు… అన్నీ అలాంటి సీన్లే
Share
తల్లి మిస్సింగ్ తో మైండ్ బ్లోయింగ్ ట్విస్టులు... డిజిటల్ క్రైమ్స్ నేపథ్యంలో తెరకెక్కిన హాలీవుడ్ మిస్టరీ థ్రిల్లర్
ఇంటి కింద గుట్టలుగా పడి ఉన్న శవాలు... ఓటీటీలో సంచలనం సృష్టిస్తున్న ట్రూ క్రైమ్ వెబ్ సిరీస్
