Action Thriller OTT: కంటికి కన్పించని అద్దం నుంచి మరో ప్రపంచంలోకి… దొంగతనానికి వెళ్తే బుర్రపాడు ట్విస్ట్

Action Thriller OTT : అమ్మాయిలతో నడిచే ఒక హీస్ట్ యాక్షన్ మూవీ ఓటీటీలో దుమ్ము లేపుతోంది. ఈ సినిమాలో యాక్షన్ సీన్స్ తో పాటు, కామెడీ సీన్స్ కూడా ఆడియన్స్ ను అలరిస్తాయి. ఈ సినిమా కేవలం యాక్షన్ మాత్రమే కాకుండా, స్నేహం, ఒకరికొకరు తోడుగా నిలిచే అంశాలను కూడా చక్కగా చూపిస్తుంది. ఈ ఫ్రెంచ్ యాక్షన్ కామెడీ ముగ్గురు లేడి ఖిలాడిల చుట్టూ తిరుగుతుంది. వీళ్ళు చేసే రచ్చ మాత్రం మామూలుగా ఉండదు. ఈ సినిమా పేరు, ఏ ఓటీటీలో ఉంది ? అనే వివరాలను తెలుసుకుందాం పదండి.

నెట్‌ఫ్లిక్స్ లో స్ట్రీమింగ్

ఈ ఫ్రెంచ్ యాక్షన్ కామెడీ చిత్రం పేరు ‘వింగ్‌వుమెన్’ (Wingwomen). ఈ సినిమాకి మెలానీ లారెంట్ దర్శకత్వం వహించడమే కాకుండా, అడెల్ ఎక్సార్‌చోపౌలోస్, మనోన్ బ్రెష్‌లతో కలిసి నటించింది కూడా. 2023లో వచ్చిన ఈ చిత్రం జెరోమ్ ములోట్, ఫ్లోరెంట్ రూపెర్ట్, బాస్టియన్ వైవ్స్ రచించిన గ్రాఫిక్ నవల ‘లా గ్రాండే ఒడాలిస్క్’ ఆధారంగా రూపొందింది. ఇది నెట్‌ఫ్లిక్స్ లో 2023 నవంబర్ 1 నుంచి అందుబాటులో ఉంది.

స్టోరీ ఏమిటంటే

కరోల్, అలెక్స్ ఇద్దరు అమ్మాయిలు కిలాడి గజదొంగలుగా పేరు తెచ్చుకుంటారు. అంతేకాక వీళ్ళు ప్రాణ స్నేహితులు కూడా. చాలా కాలంగా నేర ప్రపంచంలో ప్రమాదకరమైన జీవితాన్ని గడుపుతున్న వీళ్ళు ఇప్పుడు మారాలనుకుంటున్నారు. ఇక ఆ జీవితం నుండి విముక్తి పొంది ప్రశాంతంగా జీవించాలని నిర్ణయించుకుంటారు. అయితే వీళ్ళకి తమ క్రూరమైన బాస్ నుండి తప్పించుకోవడం అంత సులభం కాదని తెలుసు. అందుకే చివరగా ఒక భారీ పెయింటింగ్‌ను దొంగిలించే మిషన్‌ను పూర్తి చేస్తేనే ఇక్కడి నుంచి బయట పడే అవకాశం వస్తుందని దానికి స్కెచ్ వేస్తారు.

ఈ డేంజర్ ఆపరేషన్ కోసం, వాళ్ళు సామ్ అనే ఒక రేస్ డ్రైవర్‌ను తమ టీంలో చేర్చుకుంటారు. ఈ ముగ్గురు కలిసి చేసే ఈ దొంగతనం లో అనేక అడ్డంకులు ఎదురవుతాయి. క్లైమాక్స్ లో వచ్చే యాక్షన్ సీన్స్ కూడా అదిరిపోతాయి. ఇది కేవలం దొంగతనం మాత్రమే కాకుండా, స్వేచ్ఛ కోసం వాళ్ళు చసే పోరాటంతో సాగుతుంది. చివరికి వీళ్ళు ఆ దొంగతనం పూర్తి చేస్తారా ? వాళ్ళు స్వేచ్చగా బతుకుతారా ? అనేది ఈ ఫ్రెంచ్ యాక్షన్ కామెడీ సినిమాను చూసి తెలుసుకోవాల్సిందే.