Netflix: నేరుగా ఓటీటీలో విడుదల కానున్న 7 సినిమాలు.. మీ ఫేవరెట్ మూవీ కూడా?

Netflix: కరోనా వచ్చిన తర్వాత ఓటీటీ ఫ్లాట్ ఫార్మ్స్ కి ఆదరణ ఏ రేంజ్ లో పెరిగిపోయిందో ప్రత్యేకంగా చెప్పాల్సిన పనిలేదు. ముఖ్యంగా థియేటర్లలో విడుదలైన 4 వారాలు లేదా 8 వారాలలోపే ఓటీటీలోకి వచ్చి ప్రేక్షకులను అలరిస్తున్నాయి. ఇంకొన్ని చిత్రాలు థియేటర్లో డిజాస్టర్ గా నిలిచాయి అంటే మాత్రం నెల తిరగకుండానే ఓటిటిలోకి వచ్చి ప్రేక్షకులను ఆకట్టుకునే ప్రయత్నం చేస్తున్న విషయం తెలిసిందే. అయితే మరికొన్ని చిత్రాలు మాత్రం థియేటర్లలో కాకుండా నేరుగా ఓటీటీలో విడుదలై ప్రేక్షకులను ఆకట్టుకుంటున్నాయి.. ఈ క్రమంలోనే ప్రముఖ లీడింగ్ ఓటీటీ ప్లాట్ ఫామ్ గా గుర్తింపు తెచ్చుకున్న నెట్ ఫ్లిక్స్ లో ఏకంగా ఏడు చిత్రాలు నేరుగా ఓటీటీలోనే విడుదలకు సిద్ధమవుతూ ఉండడం గమనార్హం. మరి ఆ చిత్రాలు ఏంటో ఇప్పుడు చూద్దాం..

సందీప్ కిషన్ – సూపర్ సుబ్బు:

ప్రముఖ టాలీవుడ్ యంగ్ హీరో సందీప్ కిషన్, మిథిలా పాల్కర్ కాంబినేషన్లో వస్తున్న చిత్రం సూపర్ సుబ్బు. ఈ సినిమా అధికారికంగా తెలుగు ఒరిజినల్ స్పేస్ లోకి నెట్ ఫ్లిక్స్ వేదికగా అడుగు పెట్టింది. అంతేకాదు ఫ్లాట్ ఫామ్ మొట్టమొదటి ఒరిజినల్ తెలుగు సీరీస్ గా కూడా సూపర్ సుబ్బు రికార్డు సృష్టించింది. ఈ చిత్రం త్వరలోనే నెట్ ఫ్లిక్స్ వేదికగా స్ట్రీమింగ్ కానుంది. ఇప్పటికే ఈ సినిమా నుండి విడుదలైన టీజర్ ప్రేక్షకులను ఆకట్టుకున్న విషయం తెలిసిందే.

ఆనంద్ దేవరకొండ – తక్షకుడు:

రౌడీ హీరో విజయ్ దేవరకొండ తమ్ముడిగా ఇండస్ట్రీలోకి అడుగుపెట్టిన ఆనంద్ దేవరకొండ ఇటీవల బేబీ చిత్రంతో మంచి విజయాన్ని తన ఖాతాలో వేసుకున్న విషయం తెలిసిందే. ప్రస్తుతం ఒక డిఫరెంట్ థ్రిల్లర్ గా తక్షకుడు అనే సినిమాతో ప్రేక్షకుల ముందుకు రానున్నారు. పక్కా రివేంజ్ డ్రామాగా వస్తున్న ఈ చిత్రాన్ని కూడా నేరుగా నెట్ ఫ్లిక్స్ లో రిలీజ్ చేయబోతున్నారు.

ALSO READ:Rakul Preet Singh: డబ్బులు ఇచ్చి మరీ అలాంటి పని చేయిస్తున్నారు.. నిజాలు బయటపెట్టిన రకుల్!

మాధవన్ – లెగసీ:

ప్రముఖ కోలీవుడ్ స్టార్ హీరో మాధవన్ పెరియవర్ లెగసీ సినిమాతో ప్రేక్షకుల ముందుకు రానున్నారు. ఈ చిత్రం కూడా నేరుగా నెట్ ఫ్లిక్స్ లో విడుదల కాబోతోంది. ఇందులో గౌతమ్ రామ్ కార్తీక్, గుల్షన్ దేవయ్య, అభిషేక్ బెనర్జీ తదితరులు కీలకపాత్రలు పోషించారు.

ప్రియాంక మోహన్ – మేడిన్ కొరియా:

ప్రముఖ హీరోయిన్ ప్రియాంక మోహన్ దక్షిణ కొరియాను సందర్శించాలనే కల నిజమయ్యే ఒక తమిళ యువతి షెన్బా పాత్రలో నటించారు. ఈ చిత్రం కూడా నేరుగా నెట్ ఫ్లిక్స్ లో ఈ ఏడాది విడుదల కాబోతోంది.

విజయ్ వర్మ – ఫ్యామిలీ బిజినెస్:

తమన్నా మాజీ ప్రియుడుగా పేరు దక్కించుకున్న విజయ్ వర్మ, రియా చక్రవర్తి కాంబినేషన్లో వస్తున్న చిత్రం ఫ్యామిలీ బిజినెస్. ఈ సినిమా కూడా నేరుగా నెట్ ఫ్లిక్స్ వేదికగా స్ట్రీమింగ్ కానుంది.

ఈ చిత్రాలతో పాటు సన్నీదేవోలు ఇక్కా, సైఫ్ అలీ ఖాన్ హమ్ హిందుస్తానీ చిత్రాలు కూడా నేరుగా ప్రముఖ ఓటీటీ ప్లాట్ఫామ్ నెట్ ఫ్లిక్స్ వేదికగా విడుదల కానున్నాయి. ఇవన్నీ కూడా ఈ ఏడాదే ఆడియన్స్ ముందుకు వస్తున్నట్లు నెట్ ఫ్లిక్స్ అధికారికంగా ప్రకటించింది. మరి ఈ చిత్రాలలో ఏ సినిమా ఎలాంటి రేటింగ్ అందుకుంటుందో చూడాలి.మరి ఈ ఏడు చిత్రాలలో మీ ఫేవరెట్ మూవీ కూడా త్వరలో విడుదల కాబోతోంది.