Dil Raju: టాలీవుడ్లో ప్రస్తుతం ఒక ఆసక్తికరమైన చర్చ బాగా నడుస్తోంది. అదేంటి అంటే ప్రముఖ నిర్మాత దిల్ రాజు ఇంకా ఔట్డేటెడ్ అని విమర్శలు ఎదుర్కొంటున్న దర్శకులపై ఎందుకు నమ్మకం పెట్టుకుంటున్నారు? అనే ప్రశ్న. దీనికి కారణం తాజాగా బయటకు వచ్చిన సూర్య కొత్త సినిమాల వార్తలే.
తమిళ స్టార్ హీరో సూర్య ఇప్పుడు బలంగా తెలుగు సినిమాలపై ఫోకస్ పెట్టారు. ఇప్పటికే ఆయన వెంకీ అట్లూరి దర్శకత్వంలో ఒక స్ట్రైట్ తెలుగు సినిమా చేస్తున్నారు. ఈ సినిమాకు “విశ్వనాథం అండ్ సన్స్” అనే టైటిల్ను ఫైనల్ చేసినట్లు సమాచారం. ఈ సినిమాలో సూర్యకు జోడీగా మమితా బైజు నటిస్తోంది. షూటింగ్ కూడా వేగంగా జరుగుతుండటంతో త్వరలోనే రిలీజ్కు సిద్ధం చేస్తున్నారని టాక్.
ఈ సినిమా రిలీజ్ కాకముందే మరో పెద్ద వార్త ఇండస్ట్రీలో చక్కర్లు కొడుతోంది. సూర్య మరో స్ట్రైట్ తెలుగు సినిమాకు గ్రీన్ సిగ్నల్ ఇచ్చారని, ఆ సినిమాకు దర్శకుడు పరశురామ్ అని అంటున్నారు. ఇది నిజమైతే, ఈ సినిమాను కూడా దిల్ రాజే నిర్మించనున్నారని సమాచారం. ఇదే ఇప్పుడు హాట్ టాపిక్గా మారింది.
పరశురామ్ కెరీర్ను చూస్తే, “గీత గోవిందం” పెద్ద హిట్ అయింది. ఆ తర్వాత మహేశ్ బాబుతో చేసిన “సర్కారు వారి పాట”కు మిక్స్డ్ నుంచి నెగటివ్ టాక్ వచ్చింది. ఆపై విజయ్ దేవరకొండతో చేసిన “ది ఫ్యామిలీ స్టార్” బాక్సాఫీస్ దగ్గర పెద్ద డిజాస్టర్ అయింది. థియేటర్లలోనే కాదు, ఓటీటీలో కూడా ఈ సినిమాకు తీవ్ర ట్రోలింగ్ ఎదురైంది.
దీంతో చాలామంది పరశురామ్ను ‘ఔట్డేటెడ్ డైరెక్టర్’గా భావిస్తున్నారు. ఆయన కథలు, సీన్లు పాత ఫార్మాట్లోనే ఉంటాయని విమర్శలు ఉన్నాయి. అయినా సరే, దిల్ రాజు మరోసారి ఆయనకు అవకాశం ఇవ్వడం అందరినీ ఆశ్చర్యానికి గురిచేస్తోంది.
ఈ సూర్య–పరశురామ్ ప్రాజెక్ట్ పరశురామ్కు “డూ ఆర్ డై” సినిమా అని ఇండస్ట్రీలో మాట్లాడుకుంటున్నారు. ఈ సినిమా హిట్ అయితే ఆయన తిరిగి ఫామ్లోకి వస్తారు. అదే ఫ్లాప్ అయితే, దర్శకుడిగా ఆయన కెరీర్పై పెద్ద ప్రశ్నార్థకం పడే అవకాశం ఉంది. అధికారిక ప్రకటన త్వరలో రానుందని టాక్. అప్పటివరకు టాలీవుడ్లో ఈ చర్చ ఆగేలా లేదు.
Share
Hydra demolition: నార్సింగిలో హైడ్రా యాక్షన్.. పార్కు స్థలం కబ్జా చేస్తే కూల్చివేత తప్పదు!
Additional SP Mahender: మున్సిపల్ ఎన్నికల్లో ఓటర్లు స్వేచ్ఛగా ఓటు హక్కును వినియోగించుకోవాలి : అదనపు ఎస్పీ మహేందర్!
