Vivek Athreya: టాలీవుడ్లో కాంబినేషన్లు మారడం, అనుకున్న ప్రాజెక్టులు అనూహ్యంగా హోల్డ్లో పడటం సర్వసాధారణం. తాజాగా ఫిల్మ్ నగర్ సర్కిల్స్లో ఇలాంటి ఒక క్రేజీ అప్డేట్ తెగ హల్చల్ చేస్తోంది. ‘సరిపోదా శనివారం’ సినిమాతో మంచి విజయాన్ని అందుకున్న టాలెంటెడ్ డైరెక్టర్ వివేక్ ఆత్రేయ, తదుపరి చిత్రాన్ని ‘గాడ్ ఆఫ్ మాసెస్’ నందమూరి బాలకృష్ణతో చేయబోతున్నారనే వార్త గత కొన్ని రోజులుగా సోషల్ మీడియాలో బాగా వైరల్ అయింది. మైత్రీ మూవీ మేకర్స్ ఈ భారీ ప్రాజెక్టును నిర్మించడానికి సన్నాహాలు కూడా చేసింది. అయితే, తాజా సమాచారం ప్రకారం ఈ క్రేజీ కాంబినేషన్ మూవీ ప్రస్తుతానికి ఆగిపోయినట్లుగా తెలుస్తోంది.
బాలయ్య ప్రాజెక్ట్ ఆగిపోవడానికి కారణాలేంటి?
నిజానికి వివేక్ ఆత్రేయ, బాలకృష్ణ బాడీ లాంగ్వేజ్కు సరిపోయేలా ఒక వైవిధ్యమైన మాస్ యాక్షన్ ఎంటర్టైనర్ స్క్రిప్ట్ను సిద్ధం చేశారని, ఇందులో బాలయ్య ద్విపాత్రాభినయం చేయబోతున్నారని టాక్ నడిచింది. కానీ, ప్రస్తుతం బాలకృష్ణ వరుస ప్రాజెక్టులతో ఎంతో బిజీగా ఉన్నారు. డేట్స్ సర్దుబాటు కాకపోవడం, అలాగే కథా చర్చల్లో కొన్ని మార్పులు చేర్పుల విషయంలో ఇరుపక్షాల మధ్య పూర్తి స్థాయి సమ్మతి కుదరకపోవడమే ఈ ప్రాజెక్ట్ హోల్డ్లో పడటానికి ప్రధాన కారణమని ఇండస్ట్రీ వర్గాలు అంటున్నాయి. దీంతో ఈ సినిమాను ప్రస్తుతానికి పక్కన పెట్టక తప్పలేదు.
మళ్లీ లైన్లోకి ‘మాస్ మహారాజా’..
బాలకృష్ణ ప్రాజెక్ట్ పట్టాలెక్కే పరిస్థితి లేకపోవడంతో, వివేక్ ఆత్రేయ ఏమాత్రం సమయం వృథా చేయకుండా తన తదుపరి సినిమాను పట్టాలెక్కించేందుకు సిద్ధమయ్యారు. ఇందులో భాగంగానే ఆయన గతంలో లైన్లో పెట్టిన ‘మాస్ మహారాజా’ రవితేజ ప్రాజెక్ట్ వైపు మళ్లీ మొగ్గు చూపినట్లు తెలుస్తోంది. ఇప్పటికే వివేక్ ఆత్రేయ రవితేజకు ఒక అద్భుతమైన లైన్ వినిపించారని, దానికి రవితేజ కూడా గ్రీన్ సిగ్నల్ ఇచ్చారని సమాచారం.
ఫస్ట్ టైమ్ సరికొత్త జానర్లో రవితేజ..
వివేక్ ఆత్రేయ – రవితేజ కాంబినేషన్లో రాబోయే ఈ చిత్రం ఒక డిఫరెంట్ ‘హారర్ థ్రిల్లర్’ జానర్లో ఉండబోతోందని ఇండస్ట్రీ టాక్. రవితేజ తన కెరీర్లో ఇప్పటివరకు పూర్తి స్థాయి హారర్ జోనర్ సినిమా చేయలేదు. ఎనర్జిటిక్ మాస్ పాత్రలకు కేరాఫ్ అడ్రస్ అయిన రవితేజను వివేక్ ఆత్రేయ లాంటి క్లాస్ అండ్ కంటెంట్ ఓరియెంటెడ్ డైరెక్టర్ ఎలా చూపించబోతున్నారనేది ఇప్పుడు ఆసక్తికరంగా మారింది. ఈ చిత్రంలో పవర్ఫుల్ విలన్ పాత్ర కోసం వర్సటైల్ యాక్టర్ ఎస్జే సూర్యను సంప్రదిస్తున్నట్లు ప్రచారం జరుగుతోంది.
మైత్రీ మూవీ మేకర్స్ సంస్థే ఈ చిత్రాన్ని కూడా భారీ బడ్జెట్తో నిర్మించబోతున్నట్లు సమాచారం. బాలయ్యతో సినిమా క్యాన్సిల్ అవ్వడం నందమూరి అభిమానులకు కొంత నిరాశ కలిగించినప్పటికీ, రవితేజతో వివేక్ ఆత్రేయ చేయబోయే హారర్ థ్రిల్లర్ మూవీపై టాలీవుడ్లో భారీ అంచనాలు నెలకొన్నాయి. త్వరలోనే ఈ క్రేజీ ప్రాజెక్టుకు సంబంధించిన అధికారిక ప్రకటన వెలువడే అవకాశం ఉంది.
Share
Gundeninda GudiGantalu Today episode: మలేషియా దంపతులు ఎంట్రీ.. గుణ పై మీనాకు అనుమానం..ఎపిసోడ్ కు హైలెట్ సీన్..
సామాన్యుడికి భారంగా దేశంలో పైపైకి పెట్రోల్ ధరలు.. ఆగేది అక్కడేనా!
