ఇరాన్ అమెరికా వార్…ఇబ్బందులలో అల్లు అర్జున్ అట్లీ సినిమా!

Allu Arjun -Atlee: ఐకాన్ స్టార్ అల్లు అర్జున్ ప్రస్తుతం డైరెక్టర్ అట్లీ (Atlee)దర్శకత్వంలో ఎంతో బిజీగా ఉన్న సంగతి తెలిసిందే. వీరిద్దరి కాంబినేషన్లు సైన్స్ ఫిక్షన్ సినిమా ప్రేక్షకుల ముందుకు రాబోతుంది ఈ సినిమా పాన్ ఇండియా స్థాయిలో ప్రేక్షకుల ముందుకు రావడానికి సిద్ధమవుతుంది. ఇప్పటికే ఈ సినిమా షూటింగ్ పనులు శర వేగంగా జరుగుతున్నాయి. ఈ సినిమాని కేవలం పాన్ ఇండియా స్థాయికి మాత్రమే పరిమితం చేయకుండా అట్లీ గ్లోబల్ రేంజ్ లో ప్రేక్షకుల ముందుకు తీసుకురావడానికి సిద్ధమవుతున్నారు. ఇలా ఈ సినిమా షూటింగ్ కోసం అట్లీ ప్రత్యేకమైన భారీ సెట్స్ కూడా వేయించారని తెలుస్తోంది.

బన్నీ సినిమాపై యుద్ధ ప్రభావం..

ఈ సినిమా కోసం ఇప్పటికే దుబాయిలో ప్రత్యేకమైన సెట్ వేశారట. ఇందులో కొంత భాగం షూటింగ్ కూడా పూర్తి చేసుకుంది. ఇక తదుపరి షెడ్యూల్ దుబాయిలో షూటింగ్ చేయాలని చిత్ర బృందం ప్లాన్ చేశారు. ఏప్రిల్ 8వ తేదీ అల్లు అర్జున్(Allu Arjun) పుట్టినరోజు కావడంతో ఈయన పుట్టినరోజును పూర్తిచేసుకుని ఏప్రిల్ 8వ తేదీ తరువాత దుబాయ్ షెడ్యూల్ చిత్రీకరణ ప్రారంభించాలని భావించారు. అయితే ఇప్పుడు ఈ షెడ్యూల్ షూటింగ్ వాయిదా పడిందని తెలుస్తోంది. ప్రస్తుతం అమెరికా(US) ఇరాన్ (Iran)మధ్య పెద్ద ఎత్తున యుద్ధ వాతావరణ పరిస్థితులు చోటు చేసుకున్నాయి. ఈ నేపథ్యంలోనే గల్ఫ్ దేశాలు కూడా ఈ యుద్ధ దాటికి ప్రభావితం అవుతున్న సంగతి తెలిసిందే.

దుబాయిలో కొత్త షెడ్యూల్ చిత్రీకరణ..

ఇలా గల్ఫ్ దేశాలపై యుద్ధ ప్రభావం ఉన్న నేపథ్యంలో అక్కడ విమాన రాకపోకలను కూడా నిలిపి వేస్తున్నారు. పలు వ్యాపార కార్యకలాపాలు కూడా మందగించాయి. ఇలాంటి పరిస్థితులలో చిత్ర బృందం దుబాయ్ వెళ్లి అక్కడ షూటింగ్ జరపడం అంటే గగనం అని చెప్పాలి. ఈ నేపథ్యంలోనే ప్రస్తుతం ఉన్న పరిస్థితులను దృష్టిలో పెట్టుకొని చిత్ర నిర్మాతలు దుబాయ్ షెడ్యూల్ చిత్రీకరణ నిలిపి వేశారని మరికొద్ది రోజుల తర్వాత పరిస్థితులు అనుకూలిస్తే దుబాయ్ కి వెళ్లి షూట్ చేయాలని భావిస్తున్నారట. ఇలా యుద్ధం కారణంగా అల్లు అర్జున్ సినిమా పై తీవ్రమైన ప్రభావం చూపుతోందని తెలుస్తోంది.

బన్నీ బర్త్ డే స్పెషల్.. టైటిల్ రివీల్..

ఇక ఈ సినిమా సైన్స్ ఫిక్షన్ నేపథ్యంలో ప్రేక్షకుల ముందుకు రాబోతుండడంతో భారీగా అంచనాలు ఉన్నాయి .ఈ సినిమా దాదాపు 70% షూటింగ్ పూర్తి చేసుకుందని తెలుస్తోంది. అయితే ఇప్పటివరకు సినిమాకు సంబంధించి ఎలాంటి చిన్న అప్డేట్ కూడా బయటకు రాకుండా అట్లీ జాగ్రత్త పడుతున్నారు. ఇక ఏప్రిల్ 8వ తేదీ అల్లు అర్జున్ పుట్టిన రోజు కావడంతో ఆ రోజున సినిమాకు సంబంధించిన టైటిల్ పోస్టర్ విడుదల కాబోతోందని తెలుస్తోంది. ఇప్పటివరకు ఈ విషయాన్ని చిత్ర బృందం వెల్లడించకపోయిన, ప్రముఖ నిర్మాత బన్నీ వాసు తెలియజేయడంతో అభిమానులు కూడా సంతోషం వ్యక్తం చేస్తున్నారు.

Also Read: పెద్ది వాయిదా పై చరణ్ క్లారిటీ.. లేట్ అవ్వట్లేదు కొంచం ప్రమోట్ చేయండంటూ!