Suriya Upcoming Movie: సూర్య డ్రీమ్ ప్రాజెక్ట్ వాయిదా.. 350 కోట్ల బడ్జెట్ భయంతోనే..!

Suriya Upcoming Movie: తమిళ స్టార్ హీరో సూర్య డ్రీమ్ ప్రాజెక్ట్ మరోసారి వాయిదా పడిందనే వార్త ఇప్పుడు సోషల్ మీడియాలో పెద్ద చర్చగా మారింది. ఈ సినిమాకు దర్శకుడు రాకేష్ ఓం ప్రకాష్ మెహ్రా కావడం విశేషం. ఆయన చివరిసారిగా సినిమా విడుదల చేసి దాదాపు ఐదేళ్లు అవుతోంది. తాజాగా ఇచ్చిన ఇంటర్వ్యూలో మహాభారతంలోని కర్ణుడు కథ ఆధారంగా ఓ భారీ సినిమా ప్లాన్ చేస్తున్నానని వెల్లడించారు.

ఈ ప్రాజెక్ట్ కోసం తాను ఆరు సంవత్సరాల పాటు కథను అర్థం చేసుకునే ప్రయత్నం చేశానని రాకేష్ ఓం ప్రకాష్ మెహ్రా చెప్పారు. ముఖ్యంగా వ్యాస మహర్షి రాసిన అసలు మహాభారత గ్రంథాన్ని మళ్లీ చదివి, దాని ఆధారంగా స్క్రిప్ట్‌ను రూపొందిస్తున్నానని తెలిపారు. ఇంకా స్క్రిప్ట్ పూర్తిగా సిద్ధం కాలేదని, అయితే త్వరలోనే షూటింగ్ మొదలయ్యే అవకాశాలు ఉన్నాయని ఆయన స్పష్టం చేశారు.

ఈ సినిమాకు సంగీత దర్శకుడిగా ఏ.ఆర్. రెహమాన్ పని చేస్తున్నారు. ఇప్పటికే ఆయన ఆరు పాటలు కంపోజ్ చేశారని సమాచారం. ఇది తెలిసిన వెంటనే సినిమాపై అంచనాలు మరింత పెరిగాయి.

ఈ సినిమాలో హీరోగా సూర్య నటిస్తారని గతంలో వార్తలు వచ్చాయి. కానీ ఈ సినిమా ఒకే భాషలో తీస్తారా? లేక ద్విభాషా చిత్రమా? అనే విషయంలో ఇంకా స్పష్టత లేదు. కొందరు ఇది పాన్ ఇండియా స్థాయిలో విడుదల అవుతుందని, హిందీ డబ్బింగ్‌తో కూడా ప్రేక్షకుల ముందుకు వస్తుందని భావిస్తున్నారు.

సూర్య సినిమా డౌటేనా?

అయితే సోషల్ మీడియాలో కొందరు నెటిజన్లు సూర్య ఎంపికపై సందేహాలు వ్యక్తం చేస్తున్నారు. కరోనా తర్వాత ఆయన నటించిన సినిమాలు బాక్సాఫీస్ వద్ద ఆశించిన స్థాయిలో విజయాన్ని అందుకోలేదని వారు చెబుతున్నారు. ముఖ్యంగా భారీ బడ్జెట్‌తో వచ్చిన ‘కంగువ’ సినిమా ఫలితం ఆశించిన విధంగా లేదని గుర్తు చేస్తున్నారు. ఈ కొత్త సినిమా బడ్జెట్ సుమారు 350 కోట్ల రూపాయలు అని ప్రచారం జరుగుతుండటంతో, అంత పెద్ద మొత్తాన్ని రికవరీ చేయడం కష్టమనే అభిప్రాయం వ్యక్తమవుతోంది.

సూర్య కొత్త సినిమాల లైనప్..

మరికొందరు దర్శకుడు రాకేష్ ఓం ప్రకాష్ మెహ్రా కూడా భాగ్ మిల్ఖా భాగ్ తర్వాత పెద్ద హిట్ ఇవ్వలేదని అంటున్నారు. ఆయన సినిమాలు మాస్ ప్రేక్షకుల కంటే పరిమిత వర్గానికే ఎక్కువగా నచ్చుతాయని కామెంట్లు చేస్తున్నారు. అందుకే సూర్య తాజా సినిమాల కలెక్షన్లు చూసి ఈ ప్రాజెక్ట్‌ను కొంతకాలం వాయిదా వేసి ఉండొచ్చని టాక్ వినిపిస్తోంది.

మొత్తానికి..ఈ అప్‌డేట్ సినిమాపై ఆసక్తిని పెంచినా, మరోసారి ఆలస్యం అయ్యే అవకాశాలపై ఇంకా అనిశ్చితి కొనసాగుతోంది. ఈ సినిమా నిజంగా ఎప్పుడు సెట్స్ పైకి వెళ్తుందో చూడాల్సిందే.

Also Read: Prabhas Upcoming Movie: మారుతీతో మళ్ళీ ప్రభాస్ సినిమా.. ఇదేం కర్మ రా బాబు..!