Mass Jathara: మాస్ జాతర నుంచి సూపర్ డూపర్ సాంగ్ రిలీజ్.. అర్థం పర్థం లేదంటూ!

Mass Jathara: రవితేజ(Ravi teja) హీరోగా నటించిన మాస్ జాతర(Mass Jathara) సినిమా అక్టోబర్ 31వ తేదీ ప్రేక్షకుల ముందుకు రాబోతున్న నేపథ్యంలో ఈ సినిమా నుంచి వరుస అప్డేట్స్ తెలియజేస్తున్నారు. ఈ క్రమంలోనే చిత్ర బృందం వరుస ఇంటర్వ్యూలకు హాజరవుతూ సినిమాకు సంబంధించిన విషయాలను తెలియజేస్తూ సినిమాపై భారీ స్థాయిలో అంచనాలను పెంచేస్తున్నారు. ఇకపోతే తాజాగా ఈ సినిమా నుంచి మరొక మాస్ సాంగ్ విడుదల చేశారు. సూపర్ డూపర్ హిట్టు సాంగ్ అంటూ సాగిపోయే ఈ పాటకు సంబంధించి ఫుల్ సాంగ్ విడుదలైంది. ఇక ఈ పాటలో రవితేజ, శ్రీ లీల (Sreeleela)పెర్ఫార్మెన్స్ అద్భుతంగా ఉందని చెప్పాలి.

డ్యాన్సింగ్ క్వీన్ శ్రీ లీల..

మాస్ ప్రేక్షకులను ఆకట్టుకునే విధంగా చిత్ర బృదం ఈ పాటను తీర్చిదిద్దారు. భీమ్స్ సంగీత సారధ్యంలో తెరకెక్కిన ఈ పాటకు సురేష్ గంగుల లిరిక్స్ అందించగా, భీమ్స్, రోహిణి ఈ పాటను ఆలపించారు. ఇక ఈ పాట ప్రస్తుతం సోషల్ మీడియాలో వైరల్ గా మారడంతో సినిమాపై భారీ స్థాయిలో అంచనాలను పెంచేసాయి. ఇక ఈ పాటకు డ్యాన్సింగ్ క్వీన్ శ్రీ లీల మరోసారి తన అద్భుతమైన స్టెప్పులతో డాన్స్ ఇరగదీశారు. ఇలా సినిమా నుంచి వరుస అప్డేట్స్ తెలియజేస్తూ భారీగా అంచనాలను పెంచేశారు. ఇక ఈ సినిమా అక్టోబర్ 31వ తేదీ రాబోతున్న నేపథ్యంలో అభిమానులు కూడా ఎంతో ఆతృతగా ఎదురుచూస్తున్నారు.

పోలీస్ యూనిఫామ్ వేస్తే సినిమా హిట్టే..

శ్రీ లీల రవితేజ హీరో హీరోయిన్లుగా నటించిన ధమాకా సినిమా ఎంతో బ్లాక్ బస్టర్ హిట్ గా నిలిచింది. ఈ సినిమా తరువాత రవితేజ పలు సినిమాలలో నటించిన అనుకున్న విధంగా సక్సెస్ మాత్రం అందుకోలేకపోయారు. దీంతో మాస్ జాతర సినిమా పైనే అభిమానులు ఆశలు పెట్టుకున్నారు. ఇక ఈ సినిమాలో రవితేజ మరోసారి పోలీస్ ఆఫీసర్ గా కనిపించబోతున్న సంగతి తెలిసిందే. ఇప్పటివరకు ఈయన పోలీస్ యూనిఫామ్ వేసిన సినిమాలన్నీ బాక్స్ ఆఫీస్ వద్ద సరికొత్త రికార్డులను సృష్టించాయి. ఈ క్రమంలోనే మాస్ జాతర సినిమాలో కూడా ఈయన రైల్వే పోలీస్ ఆఫీసర్ పాత్రలో కనిపించబోతున్న నేపథ్యంలో హిట్ సెంటిమెంట్ కచ్చితంగా రిపీట్ అవుతుందని అభిమానులు ధీమా వ్యక్తం చేస్తున్నారు.

ఇక ఈ సినిమా సెకండ్ హాఫ్ నుంచి ప్రేక్షకులకు కావాల్సిన ఫుల్ ఫుల్ ఎంటర్టైన్మెంట్ ఉంటుందని నిర్మాత నాగ వంశీ కూడా ఈ సినిమాపై భారీగా అంచనాలను పెంచేశారు. ఇక ఈ సినిమాకు మొదటిసారి భాను భోగవరపు దర్శకత్వం వహిస్తున్న సంగతి తెలిసినదే. ఇప్పటి వరకు కథ రచయితగా పనిచేసిన భాను మొదటిసారి దర్శకుడిగా మారి మాస్ జాతర సినిమా ద్వారా ప్రేక్షకుల ముందుకు రాబోతున్నారు. ఇక ఈ సినిమా అక్టోబర్ 31వ తేదీ విడుదల కావడంతో ఒకరోజు ముందుగానే అనగా అక్టోబర్ 30వ తేదీ ప్రీమియర్లు కూడా ప్రసారం అవుతాయని నాగ వంశీ వెల్లడించారు. మరి ఎన్నో అంచనాల నడుమ విడుదల కాబోతున్న ఈ సినిమా ఎలాంటి ఆదరణ సొంతం చేసుకుంటుందో తెలియాల్సి ఉంది.

Also Read: Ramya Krishnan: ఐటమ్ సాంగ్స్ మళ్లీ చేయాలని ఉంది.. ఈ వయసులో ఆ కోరికలేంటీ బాబోయ్!