Nani Bloody Romeo: బ్లడీ రోమియో కోసం డైరెక్టర్ మాస్టర్ ప్లాన్.. ఒకరు కాదు ఏకంగా ముగ్గురు!

Nani Bloody Romeo:నేచురల్ స్టార్ నాని(Nani ) ఒకవైపు హీరోగా.. మరొకవైపు నిర్మాతగా వరుస సినిమాలు చేస్తూ దూసుకుపోతున్నారు. అందులో భాగంగానే తాజాగా ఆయన నటిస్తున్న చిత్రం ‘ది ప్యారడైజ్’. శ్రీకాంత్ ఓదెలా దర్శకత్వంలో వస్తున్న ఈ సినిమా ఆగస్టు 21వ తేదీన ప్రేక్షకుల ముందుకు రానున్నట్లు మేకర్స్ ప్రకటించారు. ఈలోపు ఆయన తన బర్త్డే సందర్భంగా మరో సినిమాను ప్రకటించారు. ప్రముఖ డైరెక్టర్ సుజిత్ దర్శకత్వంలో ‘బ్లడీ రోమియో’ అంటూ ఒక చిన్న టైటిల్ గ్లింప్స్ రిలీజ్ చేస్తూ సినిమాపై ఊహించని అంచనాలు పెంచేశారు సుజీత్. స్టైలిష్ టేకింగ్ తో సినిమాపై క్యూరియాసిటీని పెంచేశారు. ఇకపోతే ఇందులో చెఫ్ అలాగే గ్యాంగ్స్టర్ పాత్రలో నాని నటిస్తున్నట్లు సుజీత్ రివీల్ చేశారు.

బ్లడీ రోమియో కోసం సుజీత్ మాస్టర్ ప్లాన్..

ఇదిలా ఉండగా తాజాగా ఈ సినిమాకు సంబంధించి డైరెక్టర్ సుజీత్ మాస్టర్ ప్లాన్ చేస్తున్నట్లు తెలుస్తోంది. ఏకంగా ఈ సినిమా మ్యూజిక్ విషయంలో ఒక సరికొత్త ప్రయోగానికి తెర లేపుతున్నట్లు సమాచారం. విషయంలోకి వెళ్తే.. సాధారణంగా ఒక చిత్రానికి ఒక సంగీత దర్శకుడు మాత్రమే ఉంటారు. కానీ నాని బ్లడీ రోమియో కోసం మల్టిపుల్ మ్యూజిక్ డైరెక్టర్ లతో పని చేయించాలని డైరెక్టర్ సుజీత్ భావిస్తున్నారట. ముఖ్యంగా కథలోని విభిన్న షేడ్స్ ,ఎమోషన్స్ కి తగ్గట్టుగా ఇద్దరు లేదా ముగ్గురు మ్యూజిక్ డైరెక్టర్లను ఆయన రంగంలోకి దింపబోతున్నట్లు తెలుస్తోంది.

ఏకంగా ముగ్గురు మ్యూజిక్ డైరెక్టర్లు..

ఈ సినిమాలో యాక్షన్, రొమాన్స్ , డ్రామా కలగలిసి ఉంటాయని.. అందుకే ఒక్కో విభాగానికి ఒక్కో స్పెషలిస్ట్ ని రంగంలోకి దింపాలని సుజీత్ ప్లాన్ చేస్తున్నారట. ముఖ్యంగా బ్యాక్ గ్రౌండ్ స్కోర్ కి ఒకరు, పాటలకు ఒకరు, డిఫరెంట్ జానెర్ సాంగ్స్ కోసం ఇంకొకరు ఇలా వేర్వేరు ట్యూన్స్ కి మేకర్స్ ఉండేలా ప్లాన్ చేస్తున్నట్లు తెలుస్తోంది. సాధారణంగా నాని సినిమాలలో సంగీతానికి ఒక ప్రత్యేకమైన ప్రాధాన్యత ఉంటుంది. కానీ ఇలా ఒకే సినిమాకి ముగ్గురు మ్యూజిక్ డైరెక్టర్లు పనిచేయడం అనేది నాని కెరియర్ లోనే ఇదొక విశేషంగా నిలవబోతోంది అని చెప్పవచ్చు. సినిమాలలో మ్యూజిక్ అలాగే సౌండ్ డిజైనింగ్ చాలా స్టైలిష్ గా ఉంటుంది కాబట్టి ఇప్పుడు ఈ మల్టిపుల్ మ్యూజిక్ డైరెక్టర్ల కాన్సెప్ట్ ను సినిమాకి పెద్ద ప్లస్ అయ్యేలా చేయాలని సుజిత్ భావిస్తున్నారట . ఇక త్వరలోనే దీనిపై అధికారిక ప్రకటన కూడా చేయనున్నట్లు తెలుస్తోంది. ఏదేమైనా సుజీత్, నాని కోసం పక్కా ప్రణాళికతో ముందుకు వెళ్తున్నారు. మరి ఈ సినిమా ఎలాంటి రికార్డ్స్ క్రియేట్ చేస్తుందో చూడాలి.

also read:Akhanda 2: నష్టాల్లో అఖండ2 నిర్మాతలు.. జీఎస్టీ కూడా చెల్లించలేని పరిస్థితి

నాని సినిమాలు..

నాని తదుపరి చిత్రాల విషయానికి వస్తే బ్లడీ రోమియోతో పాటు హిట్ : ది ఫోర్త్ కేసులో తన సొంత నిర్మాణంలోనే ఈ చిత్రంలో నటిస్తున్నారు. ఈ సినిమా ఏప్రిల్ 10న సినిమా షూటింగ్ ప్రారంభం కానున్నట్లు ఒకవైపు హీరోగా సినిమాలు చేస్తూనే.. మరొకవైపు నిర్మాతగా కూడా సినిమాలు నిర్మిస్తూ మరింత బిజీగా మారిపోయారు నాని.