Sreeleela: పవన్ కళ్యాణ్ గురించి టాప్ సీక్రెట్ చెప్పేసిన శ్రీలీల.. ఆ పదం చెబితే ఏమైనా ఒప్పుకుంటారట!

Sreeleela:పవన్ కళ్యాణ్ హీరోగా, శ్రీలీల మరియు రాశికన్నా హీరోయిన్లుగా నటించిన ‘ఉస్తాద్ భగత్ సింగ్’ సినిమా త్వరలో ప్రేక్షకుల ముందుకు రానుంది. హరీష్ శంకర్ దర్శకత్వంలో తెరకెక్కిన ఈ చిత్రం మార్చి 19న విడుదలకు సిద్ధమైంది. సినిమా రిలీజ్ దగ్గరపడుతున్న నేపథ్యంలో ప్రమోషన్స్ జోరుగా సాగుతున్నాయి. ఈ ప్రమోషన్స్‌లో భాగంగా హీరోయిన్ శ్రీలీల చేసిన కొన్ని వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.

ఒక ఇంటర్వ్యూలో మాట్లాడుతూ శ్రీలీల పవన్ కళ్యాణ్ గురించి ఒక ఆసక్తికరమైన విషయం బయటపెట్టింది. ఆమె మాట్లాడుతూమీ.హరీష్ శంకర్ ఒక సీన్ లేదా డాన్స్ స్టెప్ గురించి చెప్పినప్పుడు మొదట పవన్ కళ్యాణ్ కొంచెం సంకోచంగా ఉంటారు. అయితే వెంటనే..ఇది ఫ్యాన్స్ కోసం సర్..అని చెప్పగానే ఆయన వెంటనే ఒప్పుకుని ఆ సీన్ చేస్తారు,” అని శ్రీలీల చెప్పింది.

పవన్ కళ్యాణ్ తన అభిమానులను ఎంతగా ప్రేమిస్తారో ఈ విషయం ద్వారా తెలుస్తుందని ఆమె చెప్పింది. అభిమానులు ఆనందపడతారంటే ఆయన ఎలాంటి సీన్ అయినా చేయడానికి సిద్ధంగా ఉంటారని ఆమె తెలిపింది.

సినిమాలో తన పాత్ర గురించి కూడా శ్రీలీల మాట్లాడింది. ఈ సినిమాలో తన పాత్ర ప్రేక్షకులకు గుర్తుండిపోయేలా ఉంటుందని ఆమె చెప్పింది. సినిమా మొత్తం చాలా ఎనర్జీతో, వినోదంతో సాగుతుందని తెలిపింది.

ఇక దర్శకుడు హరీష్ శంకర్ గురించి మాట్లాడినప్పుడు ఆమె ఆయనను చాలా ప్రశంసించింది. గతంలో హరీష్ శంకర్ తీసిన ‘గబ్బర్ సింగ్’ సినిమా ఎంత పెద్ద విజయాన్ని సాధించిందో అందరికీ తెలిసిందే. అదే విధంగా ఈ కొత్త సినిమా కూడా ప్రేక్షకులను బాగా ఆకట్టుకుంటుందని ఆమె నమ్మకం వ్యక్తం చేసింది.

హరీష్ శంకర్‌కు పవన్ కళ్యాణ్ స్టైల్ కూడా బాగా తెలుసని శ్రీలీల చెప్పింది. అంతేకాదు, అభిమానులు ఏమి చూడాలనుకుంటారో కూడా ఆయనకు స్పష్టంగా తెలుసని పేర్కొంది. అందుకే ఆయన ఒక నిజమైన ఫ్యాన్‌లా సినిమాను రూపొందిస్తారని ఆమె తెలిపింది.

ఇంటర్వ్యూలో మరో సరదా ప్రశ్న కూడా అడిగారు. పవన్ కళ్యాణ్ ఎక్కువగా ఉపయోగించే మాట ఏమిటి అని అడగగా, శ్రీలీల నవ్వుతూ సమాధానం ఇచ్చింది. ఆయన కొన్నిసార్లు ప్రశ్న అడిగితే కిందికి చూసి చిన్నగా నవ్వుతారని, అదే ఆయన ప్రత్యేకమైన స్టైల్ అని చెప్పింది.

మొత్తం పైన శ్రీలీల చెప్పిన ఈ మాటలు ఇప్పుడు పవన్ కళ్యాణ్ అభిమానుల్లో మరింత ఆసక్తిని పెంచుతున్నాయి. ఇక సినిమా విడుదలైన తర్వాత ప్రేక్షకుల స్పందన ఎలా ఉంటుందో చూడాలి.

ALSO READ: Sreeleela: శ్రీలీలా.. జబర్దస్త్ మహేష్‌ను ఎందుకలా చూసింది? అక్కడ అసలు ఏం జరిగిందంటే?