Parasakthi Censor Cuts: పరాశక్తికి సెన్సార్ కష్టాలు..ఏకంగా 23 కోతలు.. విడుదల కష్టమేనా?

Parasakthi Censor Cuts: శివ కార్తికేయన్ హీరోగా సుధా కొంగర దర్శకత్వంలో తెరకెక్కిన చిత్రం పరాశక్తి(Parasakthi). శివ కార్తికేయన్ (Sivakarthikeyan) శ్రీ లీల(Sreeleela) హీరో హీరోయిన్లుగా నటించిన ఈ సినిమా సంక్రాంతి పండుగను పురస్కరించుకొని జనవరి 10వ తేదీ విడుదలకు సిద్ధమయింది. ఈ సినిమా విడుదలకు మరొక రోజు సమయం ఉన్న నేపథ్యంలో ఇప్పటికీ సినిమా సెన్సార్ పూర్తి చేసుకోలేదు. ఈ నేపథ్యంలోనే ఈ సినిమా విడుదల వాయిదా పడుతుంది అంటూ పెద్ద ఎత్తున సోషల్ మీడియాలో వార్తలు వస్తున్న, చిత్ర బృందం మాత్రం ఈ వార్తలపై ఎక్కడ అధికారకంగా స్పందించలేదు. అయితే ఈ సినిమాకు ఇప్పటివరకు సెన్సార్ సర్టిఫికెట్ రాని నేపథ్యంలో ఈ సినిమా వాయిదా పడుతుందని తెలుస్తోంది.

హిందీ వ్యతిరేక ఉద్యమం..

పరాశక్తి సినిమా 1965వ సంవత్సరంలో తమిళనాడులో జరిగిన హిందీ వ్యతిరేక ఉద్యమాల నేపథ్యంలో ఈ సినిమా ప్రేక్షకుల ముందుకు రాబోతుంది. ఈ సినిమా విడుదలకు అన్ని ఏర్పాట్లు చేశారు. చిత్ర బృందం పెద్ద ఎత్తున ప్రమోషన్ కార్యక్రమాలను కూడా నిర్వహిస్తూ వచ్చారు. అయితే సెన్సార్ సభ్యులు ఈ సినిమా చూసిన అనంతరం విడుదలకు అడ్డు వేశారని తెలుస్తోంది. పరాశక్తి సినిమాకు సెన్సార్ సభ్యులు ఏకంగా 23 కోతలు విధిస్తూ అభ్యంతరాలు తెలియజేశారని సమాచారం. ఈ సినిమా హిందీ వ్యతిరేక ఉద్యమాల నేపథ్యంలో ప్రేక్షకుల ముందుకు రాబోతున్న తరుణంలో హిందీ వ్యతిరేక నిరసనలకు సంబంధించిన కొన్ని సన్నివేశాలకు సెన్సార్ సభ్యులు అభ్యంతరం చెప్పినట్టు తెలుస్తుంది.

ఆ సన్నివేశాలను తొలగించాల్సిందే?

ఈ సన్నివేశాలను సినిమా నుంచి తొలగించడం లేదా వాటిని సవరించాలని సెన్సార్ బోర్డు వెల్లడించినట్టు తెలుస్తుంది . పరాశక్తి సినిమా విషయంలో సెన్సార్ అభ్యంతరాలు వచ్చిన నేపథ్యంలో దర్శకురాలు సుధా కొంగర(Sudha Kongara) ముంబైలోని సెన్సార్ బోర్డు రివైజింగ్ కమిటీని సంప్రదించారని తెలుస్తోంది. సెన్సార్ సభ్యులు విధించిన ఈ కట్స్ సినిమా కథనంపై తీవ్రమైన ప్రభావం చూపుతాయని సుధా కొంగర ముంబైలోని సెన్సార్ బోర్డు రివైజింగ్ కమిటీ ముందు తన ఆలోచనను వెల్లడించినట్టు తెలుస్తోంది. ఇలా ఈ సినిమాకి సెన్సార్ బోర్డు నుంచి క్లియరెన్స్ రాని నేపథ్యంలో విడుదల విషయంలో కూడా అభిమానులు అయోమయంలో పడ్డారు.

సెన్సార్ బోర్డు క్లియరెన్స్ ఇచ్చేనా?

ఈ సినిమాకు సెన్సార్ బోర్డు నుంచి రేపటిలోగా క్లియరెన్స్ వస్తే యధావిధిగా ఈ సినిమా జనవరి 10వ తేదీ విడుదలవుతుంది లేదంటే ఈ సినిమా కూడా వాయిదా పడుతుందని తెలుస్తోంది. ఇప్పటికే తమిళ ఇండస్ట్రీలో స్టార్ హీరోగా కొనసాగుతున్న నటుడు విజయ్ నటించిన జననాయగన్ సినిమా రేపు విడుదల కావలసి ఉండగా ఈ సినిమాకు సెన్సార్ తో పాటు ఫైనాన్స్ సమస్యలు కారణంగా చివరి నిమిషంలో వాయిదా పడింది. ఇక ఈ సినిమా తదుపరి విడుదల ఎప్పుడనేది త్వరలోనే ప్రకటించనున్నారు. ఇక శివ కార్తికేయన్ పరాశక్తి సినిమాకు కూడా దాదాపు ఇదే పరిస్థితి ఏర్పడిందని తెలుస్తోంది.

Also Read; Sobhita Dhulipala: పెళ్లి తర్వాత గుడ్ న్యూస్ చెప్పిన అక్కినేని పెద్ద కోడలు.. పోస్ట్ వైరల్!