Aryan Khan: ఆర్యన్ ఖాన్ పై పరువు నష్టం దావా.. కోర్టు తీర్పు ఏంటంటే?

Aryan Khan: బాలీవుడ్ బాద్‌షా షారుఖ్ ఖాన్ (Shahrukh Khan) తనయుడు ఆర్యన్ ఖాన్ (Aryan Khan) డ్రగ్స్ కేసు అప్పట్లో దేశవ్యాప్తంగా ఎంతటి సంచలనం సృష్టించిందో మనందరికీ తెలిసిందే. ఆ కేసుకు, దాన్ని దర్యాప్తు చేసిన అధికారి సమీర్ వాంఖడేకు మధ్య జరిగిన వివాదం ఇప్పుడు కోర్టు గడప తొక్కింది. ఒక వెబ్ సిరీస్ నిర్మాణాన్ని అడ్డుకోవాలని ఆయన వేసిన పిటిషన్‌పై ఢిల్లీ హైకోర్టు ఇచ్చిన తీర్పు ఇప్పుడు హాట్ టాపిక్‌గా మారింది. అసలు పూర్తి వివరాలు ఇలా వున్నాయి..

సమీర్ వాంఖడేకు చుక్కెదురు:

నెట్‌ఫ్లిక్స్‌లో స్ట్రీమింగ్ అవుతున్న ‘ది బ్యాడ్స్ ఆఫ్ బాలీవుడ్’ అనే వెబ్ సిరీస్‌పై ఐఆర్ఎస్ అధికారి సమీర్ వాంఖడే తీవ్ర అభ్యంతరం వ్యక్తం చేశారు. ఆర్యన్ ఖాన్ డ్రగ్స్ కేసులో తన పాత్రను, తన వ్యక్తిత్వాన్ని ఈ సిరీస్‌లో అవమానకరంగా చిత్రీకరించారని, ఇది తన పరువుకు భంగం కలిగిస్తుందని ఆయన ఢిల్లీ హైకోర్టును ఆశ్రయించారు. అయితే, ఈ పిటిషన్‌ను విచారించిన న్యాయస్థానం ఆయన వాదనను తోసిపుచ్చింది. సిరీస్ ప్రసారాన్ని ఆపలేమని స్పష్టం చేస్తూ, రెడ్ చిల్లీస్ ఎంటర్‌టైన్‌మెంట్, నెట్‌ఫ్లిక్స్‌లకు పెద్ద ఊరటనిచ్చింది. వాస్తవ సంఘటనల ఆధారంగా తెరకెక్కే సృజనాత్మక పనులను ప్రాథమిక దశలోనూ అడ్డుకోలేమని కోర్టు అభిప్రాయపడింది.

also read:Tollywood: 17 ఏళ్ల కల.. స్టేజ్ పై కన్నీళ్లు పెట్టుకున్న బిగ్ బాస్ బ్యూటీ!

వివాదం నేపథ్యం:

ఇక ఈ గొడవకు పునాది 2021లో జరిగిన ముంబై క్రూయిజ్ డ్రగ్స్ దాడి. అప్పట్లో ఎన్సీబీ జోనల్ డైరెక్టర్‌గా ఉన్న సమీర్ వాంఖడే ఆర్యన్ ఖాన్‌ను అరెస్ట్ చేశారు. కానీ కాలక్రమేణా ఆర్యన్ ఖాన్‌పై తగిన ఆధారాలు లేవని తేలడం, మరోవైపు వాంఖడేపైనే అవినీతి ఆరోపణలు రావడం కథను మలుపు తిప్పింది. ఇప్పుడు అదే అంశాలను స్పృశిస్తూ వస్తున్న వెబ్ సిరీస్ తన ప్రతిష్టను దిగజారుస్తుందని వాంఖడే ఆందోళన చెందారు. అయితే సినిమాటిక్ లిబర్టీ, కోర్టు కేవలం ఊహల ఆధారంగా స్టే ఇవ్వలేమని తేల్చి చెప్పింది. ఇది షారుఖ్ ఖాన్ నిర్మాణ సంస్థకు చట్టపరంగా లభించిన విజయం అని చెప్పవచ్చు.

బాలీవుడ్ మరియు బ్యూరోక్రాట్ల మధ్య సాగుతున్న ఈ పోరు ఇప్పుడు నెటిజన్లలో ఆసక్తిని రేపుతోంది. ఒక అధికారిగా తన విధిని తాను నిర్వర్తించానని వాంఖడే అంటుంటే, చట్టం ముందు అందరూ సమానమేనని కోర్టు తీర్పులు స్పష్టం చేస్తున్నాయి. ఏది ఏమైనా, ఈ కోర్టు తీర్పుతో ‘ది బ్యాడ్స్ ఆఫ్ బాలీవుడ్’ సిరీస్‌కు లైన్ క్లియర్ అయింది.

దర్శకుడిగా తొలి ప్రయత్నంలోనే సక్సెస్..

ఇకపోతే ఆర్యన్ దర్శకుడిగా తొలి ప్రయత్నంలోనే మంచి విజయాన్ని అందుకున్నారు. ముఖ్యంగా ఈ బ్యాట్స్ అఫ్ బాలీవుడ్ లో చాలామంది బాలీవుడ్ తారలు నటించారు కరణ్ జోహార్ అమీర్ ఖాన్ రాజమౌళి లాంటి దిగ్గజాలు కూడా ఇందులో నటించారు. ఈ సిరీస్ కి వీరంతా ప్రత్యేక ఆకర్షణగా నిలిచారు. స్టార్ హీరో కొడుకుగా ఇండస్ట్రీలోకి అడుగుపెట్టిన ఈయన దర్శకుడిగా మంచి విజయం సొంతం చేసుకున్నారు.