Salaar: డైనోసార్ కోసం నెట్‌ఫ్లిక్స్ వెతుకులాట.. ‘సలార్’ టీమ్ మాస్ రిప్లై!

Salaar: రెబల్ స్టార్ ప్రభాస్ (Rebel Star Prabhas) క్రేజ్ గురించి ప్రత్యేకంగా చెప్పాల్సిన అవసరం లేరు. గ్లోబల్ వైడ్‌గా ఆయన పేరు మారుమోగుతోంది. ముఖ్యంగా ‘సలార్’ (Salaar) సినిమా టీజర్ రిలీజ్ అయ్యాక, అందులో ఉన్న ‘డైనోసార్’ డైలాగ్ వరల్డ్ వైడ్‌గా ఫేమస్ అయిపోయిన విషయం తెలిసిందే. ఇప్పుడంతా ‘సలార్’ పార్ట్ 2 (Salaar Part 2) ఎప్పుడెప్పుడు సెట్స్‌పైకి వెళుతుందా? అని వేచి చూస్తున్నారు. ఈ క్రమంలో ఓటీటీ ఛానల్ నెట్‌ఫ్లిక్స్ (Netflix) చేసిన ఓ పోస్ట్.. సోషల్ మీడియాలో క్రేజీ చాట్‌కు దారితీసింది. ‘సలార్’ డిజిటల్ పార్ట్‌నర్ అయిన ‘నెట్‌ఫ్లిక్స్ ఇండియా’ వేసిన ఒక ట్వీట్, దానికి ‘సలార్’ అఫీషియల్ హ్యాండిల్ ఇచ్చిన రిప్లై ఇప్పుడు నెట్టింట హల్చల్ చేస్తున్నాయి. అసలింతకీ ఏమా క్రేజీ ఛాట్ అనుకుంటున్నారా? విషయంలోకి వస్తే..

Also Read- South Cinema: థియేటర్లలో సినిమా మనుగడ కోసం ఫిల్మ్ ఛాంబర్స్ కీలక నిర్ణయం! ఏంటంటే?

అసలేం జరిగిందంటే?

నెట్‌ఫ్లిక్స్ ఇండియా తన ఎక్స్ అకౌంట్ వేదికగా.. ‘The Dinosaurs’ అనే ఒక డాక్యుమెంటరీ సిరీస్ స్క్రీన్ షాట్‌ను పోస్ట్ చేసింది. అందులో ‘నేను ఈ సిరీస్ సగం వరకు చూశాను కానీ, నాకు ఇంకా ప్రభాస్ ఎక్కడా కనిపించలేదేంటి?’ అంటూ ఒక ఫన్నీ క్యాప్షన్ ఇచ్చింది. అంటే డైనోసార్లు అనగానే నెట్‌ఫ్లిక్స్‌కు కూడా రెబల్ స్టార్ ప్రభాసే గుర్తొచ్చాడన్నమాట. నెట్‌ఫ్లిక్స్ వేసిన ఈ సెటైరికల్ ట్వీట్‌కు ‘సలార్’ అఫీషియల్ టీమ్ మరింత మాస్‌గా రిప్లై ఇచ్చింది. ‘రియల్ డైనోసార్‌ను చూడాలనుకుంటున్నారా? అయితే ఖాన్సార్ (Khansaar) లోకి అడుగు పెట్టండి’ అంటూ సవాల్ విసిరినట్లుగా అదిరిపోయే కౌంటర్ ఇచ్చింది. ఈ రిప్లై చూసిన ప్రభాస్ ఫ్యాన్స్.. పంచ్ అదిరింది మామా.. అంటూ ఈ పోస్ట్‌ను వైరల్ చేస్తున్నారు. దీంతో ‘సలార్’ ట్యాగ్ కాసేపు ట్రెండ్ అవడం విశేషం.

Also Read- Star Herione: పెళ్లికి సిద్ధమైపోయిన తెలుగు స్టార్ హీరోయిన్.. ప్రముఖ కొరియోగ్రాఫర్‌తో ప్రేమ..!

డైనోసార్ అంటే ప్రభాసే!

సలార్ సినిమాలో టిన్నూ ఆనంద్ చెప్పే డైలాగ్ గుర్తుండే ఉంటుంది. ‘సింహం, పులి, ఏనుగు అన్నీ డేంజరే.. కానీ జురాసిక్ పార్కులో కాదు. ఎందుకంటే అక్కడ ఉండేది.. డైనోసార్!’ అనే డైలాగ్.. బాగా పేలింది. అప్పటి నుంచి ప్రభాస్‌ను ఫ్యాన్స్ అంతా ‘మోస్ట్ వైలెంట్ డైనోసార్’ అని సందర్భం వచ్చిన ప్రతిసారి పోల్చుతుంటారు. ఇప్పుడు నెట్‌ఫ్లిక్స్ లాంటి దిగ్గజ ఓటీటీ ప్లాట్‌ఫామ్ కూడా అదే పేరుతో ప్రభాస్‌ను రిఫర్ చేయడం ఆయన గ్లోబల్ స్టార్‌డమ్‌కు నిదర్శనంగా చెప్పుకోవచ్చు. ప్రస్తుతం ఈ సరదా సంభాషణ స్క్రీన్ షాట్లు సోషల్ మీడియాలో తెగ వైరల్ అవుతున్నాయి. ‘నెట్‌ఫ్లిక్స్ మావా.. డైనోసార్ అంటే మన ప్రభాస్ అన్నే!’ అంటూ ఫ్యాన్స్ కామెంట్లతో రచ్చ రచ్చ చేస్తున్నారు. ప్రస్తుతం ప్రభాస్ చేతినిండా చిత్రాలతో బిజీబిజీగా ఉన్న విషయం తెలిసిందే. త్వరలోనే ఆయన ‘సలార్ 2’ సెట్స్‌పైకి వెళ్లనున్నారు.