Rashmika – Vijay Devarakonda : టాలీవుడ్ రౌడీ స్టార్ విజయ్ దేవరకొండ, నేషనల్ క్రష్ రష్మిక మందన్న.. ఈ పేర్లు వింటేనే ఫ్యాన్స్కు ఒక రకమైన పూనకం వస్తుంది. తెరపై వీరి కెమిస్ట్రీ ఎంత హిట్టో, తెర వెనుక వీరి స్నేహం అంతకంటే హాట్ టాపిక్. తాజాగా వీరిద్దరూ కలిసి విదేశీ పర్యటనకు బయలుదేరడం సినీ సర్కిల్స్లో సరికొత్త చర్చకు దారితీసింది.
ఎయిర్పోర్ట్లో ప్రత్యక్షం
హైదరాబాద్ అంతర్జాతీయ విమానాశ్రయంలో విజయ్, రష్మిక జంటగా కనిపించి అందరినీ ఆశ్చర్యపరిచారు. ఇద్దరూ మాస్కులు ధరించి గుర్తుపట్టకుండా జాగ్రత్త పడినప్పటికీ, డేగ కళ్ల నెటిజన్లు వారిని వెంటనే గుర్తుపట్టేశారు. దీనికి సంబంధించిన వీడియోలు, ఫొటోలు సోషల్ మీడియాను షేక్ చేస్తున్నాయి. గత కొంతకాలంగా వరుస షూటింగ్స్తో ఊపిరి సలపకుండా ఉన్న ఈ స్టార్స్, కాస్త గ్యాప్ దొరకడంతో ఇలా హాలిడే మూడ్లోకి వెళ్లిపోయారు.
విజయ్ ఆసక్తికర క్యాప్షన్
విజయ్ దేవరకొండ తన ఇన్స్టాగ్రామ్ స్టోరీలో షేర్ చేసిన ఒక ఫొటో ఇప్పుడు వైరల్ అవుతోంది. అందులో విజయ్ రిలాక్స్డ్గా కూర్చుని ఉండగా, రష్మిక ఒక పోలరాయిడ్ కెమెరాతో అతడిని ఫొటో తీస్తున్నట్లు కనిపిస్తోంది. ఫుల్ సినిమా షూటింగ్స్ తర్వాత.. ఇప్పుడు హాలిడే టైమ్ అంటూ విజయ్ ఇచ్చిన క్యాప్షన్ వీరి వెకేషన్ను కన్ఫర్మ్ చేసింది.
నిశ్చితార్థం నిజమేనా?
అక్టోబర్లో వీరిద్దరికీ రహస్యంగా నిశ్చితార్థం జరిగిందని, వచ్చే ఏడాది వీరు పెళ్లి పీటలు ఎక్కబోతున్నారని ఇండస్ట్రీ టాక్. ఇప్పుడు ఈ న్యూ ఇయర్ వేడుకల కోసం జంటగా వెళ్లడం చూస్తుంటే, త్వరలోనే ఏదో ఒక గుడ్ న్యూస్ వింటామేమో అని అభిమానులు ఆశపడుతున్నారు. మరి ఈ వెకేషన్ నుంచి రష్మిక ఏవైనా అందమైన ఫోటోలను షేర్ చేస్తుందా? ఈ రౌడీ జంట తమ రిలేషన్పై అఫీషియల్ అనౌన్స్మెంట్ ఇస్తుందా? అనేది వేచి చూడాలి.
Share
Mouni Roy: ఆరేంజ్ చీరలో మౌనీ హాట్ ఫోజులు.. మతిపోతుందంటున్న నెటిజన్స్
Bangladesh: బంగ్లాదేశ్లో ఆగని హింస.. మరో హిందూ యువకుడి దారుణ హత్య
