Dhurandhar 2 Telugu: ‘ధురంధర్ ది రివేంజ్’ తెలుగు ట్రైలర్ వచ్చేసింది చూశారా.. ఈ సారి రికార్డులు బద్దలే..

Dhurandhar 2 Telugu: పాన్ ఇండియా స్థాయిలో ప్రేక్షకులు ఆసక్తిగా ఎదురు చూస్తున్న సినిమా ‘ధురంధర్ ది రివేంజ్’. తాజాగా ఈ సినిమాకు సంబంధించి తెలుగు ట్రైలర్ విడుదలైంది. భారీ అంచనాలతో రాబోతున్న ఈ సినిమా ముందు భాగం ప్రపంచ వ్యాప్తంగా వెయ్యి కోట్లకు పైగా వసూలు చేసింది. రాబోతున్ ఈ సినిమా కూడా అదే స్థాయిలో కలెక్షన్ల వర్షం కురిపిస్తుందని అభిమానులు నమ్ముతున్నారు. ‘ఉరి: ది సర్జికల్ స్ట్రైక్’ వంటి సంచలన విజయాన్ని అందించిన ఆదిత్య ధర్ ఈ చిత్రానికి దర్శకత్వం వహిస్తున్నారు. రణవీర్ సింగ్‌తో పాటు సంజయ్ దత్, ఆర్. మాధవన్, అక్షయ్ ఖన్నా, అర్జున్ రాంపాల్ వంటి దిగ్గజ నటులు ఈ సినిమాలో కీలక పాత్రలు పోషిస్తున్నారు. ఒక పవర్‌ఫుల్ యాక్షన్ థ్రిల్లర్‌గా రూపొందిన ఈ చిత్రం, స్పై యూనివర్స్ తరహాలో ఉంటుందని విశ్లేషకులు భావిస్తున్నారు.

మొత్తానికి ‘ధురంధర్ 2’ తన అడ్వాన్స్ సేల్స్‌తో బాలీవుడ్‌లో కొత్త రికార్డుల దిశగా దూసుకుపోతోంది. భారీ ధరలు ఉన్నప్పటికీ ప్రేక్షకులు చూపిస్తున్న ఆసక్తిని బట్టి చూస్తే, ఈ చిత్రం బాక్సాఫీస్ వద్ద భారీ వసూళ్లను రాబట్టడం ఖాయంగా కనిపిస్తోంది. మార్చి 19న థియేటర్లలో విడుదల కానున్న ఈ చిత్రం రణవీర్ సింగ్‌కు ఒక భారీ విజయాన్ని అందిస్తుందో లేదో వేచి చూడాలి. ఇప్పటికే ఈ సినిమా పెయిడ్ ప్రీమియర్ ధరలు ఆకాశాన్నంటుతున్నాయి. దాదాపు రూ.2400 నుంచి రూ.2500 వరకూ పలుకుతుంది. అయితే సినిమా కోసం ప్రేక్షకులు వెనుకాడటం లేదు. సినిమా చూసేందుకు ఎంత అయితే ఖర్చు పెట్టేందుకు సిద్ధంగా ఉన్నారు.