Ram Charan Dhurandhar: బాలీవుడ్ స్టార్ నటుడు రణ్వీర్ సింగ్ కథానాయకుడిగా, ప్రతిభావంతుడైన దర్శకుడు ఆదిత్య ధర్ తెరకెక్కించిన ప్రతిష్టాత్మక ‘ధురంధర్’ ఫ్రాంచైజీపై గ్లోబల్ స్టార్ రామ్ చరణ్ ప్రశంసల జల్లు కురిపించారు. ఇటీవల జరిగిన రిపబ్లిక్ సదస్సులో పాల్గొన్న రామ్ చరణ్, ఈ చిత్రం సాధించిన ఘనవిజయాన్ని అభినందిస్తూ పలు ఆసక్తికర వ్యాఖ్యలు చేశారు. తాజా సమాచారం ప్రకారం, ఈ చిత్రంపై ఆయన వ్యక్తంచేసిన సానుకూల స్పందన ఇప్పుడు అటు బాలీవుడ్లో, ఇటు టాలీవుడ్లో పెద్ద ఎత్తున చర్చనీయాంశంగా మారింది.
ఈ సదస్సులో రామ్ చరణ్ మాట్లాడుతూ, తాను ఇటీవల ఓటీటీ వేదికగా ‘ధురంధర్’ చిత్రాన్ని వీక్షించానని, ఇందులో ప్రతి అంశం సరైన రీతిలో, అద్భుతమైన టెంపోతో కుదిరిందని పేర్కొన్నారు. కేవలం ఒక సినిమాగా మాత్రమే కాకుండా, దేశవ్యాప్తంగా ఉన్న ప్రజలను ఒక్కతాటిపైకి తీసుకురావడంలో ఈ చిత్రం కీలక పాత్ర పోషించిందని ఆయన కొనియాడారు. భవిష్యత్తులో వచ్చే సినిమాల్లో ‘ఇండియా ఫస్ట్’ అనే జాతీయ సమగ్రత భావన ఎంతో ముఖ్యమని, ఈ సినిమా ఆ భావాన్ని ప్రతిబింబిస్తూ దేశాన్ని ఏకం చేసిందని ప్రశంసించారు.
బాక్స్ ఆఫీస్ వద్ద ఈ ఫ్రాంచైజీ సాధిస్తున్న అసాధారణ వసూళ్లపై కూడా రామ్ చరణ్ స్పందించారు. ‘ధురంధర్’ సీక్వెల్ ‘ధురంధర్: ది రివెంజ్’ ఏకంగా రూ. 1,800 కోట్లకు పైగా వసూళ్లు సాధించి రికార్డు సృష్టించడంపై ఆయన ఆనందం వ్యక్తం చేశారు. బాక్స్ ఆఫీస్ నంబర్లు అనేవి థియేటర్లకు వచ్చే ప్రేక్షకుల ఆదరణకు ప్రతీకలని, భారతీయ ప్రేక్షకులు ఒక సినిమాను ఇంతగా ఓన్ చేసుకుంటే అది దేశ చిత్ర పరిశ్రమకే ఎంతో మంచిదని చరణ్ స్పష్టం చేశారు.
Share
అన్నతో అలాంటి పని... బుర్రపాడు రొమాంటిక్ మూవీ
రాయలసీమలో బంగారం అమ్మకం, జొన్నగిరి గోల్డ్ మైన్స్ ప్రాజెక్టు.. మరో యూనిట్కు సీఎం చంద్రబాబు చేతుల మీదుగా
