Pushpa 2: 70 వ ఫిల్మ్‌‌ఫేర్ అవార్డులను రూల్ చేసిన అల్లు అర్జున్ ‘పుష్ప 2’.. ఇది ఊచకోతే..

Pushpa 2: తెలుగు సినిమా ఖ్యాతిని ప్రపంచవ్యాప్తం చేసిన ‘పుష్ప 2: ది రూల్’ చిత్రం 70వ ఫిలింఫేర్ అవార్డుల వేడుకలో రికార్డు స్థాయిలో ఐదు పురస్కారాలను సొంతం చేసుకుంది. ఐకాన్ స్టార్ అల్లు అర్జున్ నటన, సుకుమార్ దర్శకత్వ ప్రతిభకు ‘బ్లాక్ లేడీ’ దాసోహమంది.

‘పుష్ప 2’ గెలుచుకున్న ఆ 5 అవార్డులు ఇవే

ఉత్తమ చిత్రం: ఏడాదిలోనే అత్యుత్తమ చిత్రంగా ‘పుష్ప 2: ది రూల్’ నిలిచింది. (మైత్రీ మూవీ మేకర్స్)

ఉత్తమ దర్శకుడు: తన అద్భుతమైన మేకింగ్‌తో ప్రేక్షకులను మంత్రముగ్ధులను చేసిన సుకుమార్ ఈ అవార్డును అందుకున్నారు.

ఉత్తమ నటుడు: ‘పుష్పరాజ్’ పాత్రలో పరకాయ ప్రవేశం చేసిన ఐకాన్ స్టార్ అల్లు అర్జున్ ఉత్తమ నటుడిగా నిలిచారు.

ఉత్తమ సంగీత ఆల్బమ్: చార్ట్‌బస్టర్ సాంగ్స్‌తో అలరించిన రాక్‌స్టార్ దేవి శ్రీ ప్రసాద్ (DSP) కు ఈ అవార్డు దక్కింది.

ఉత్తమ ప్రొడక్షన్ డిజైన్: అద్భుతమైన సెట్స్ రూపొందించిన రామకృష్ణ మరియు మోనిక ఈ పురస్కారాన్ని అందుకున్నారు.

ఐకాన్ స్టార్ అల్లు అర్జున్ హ్యాట్రిక్?

గతంలో ‘పుష్ప: ది రైజ్’ చిత్రానికి గాను నేషనల్ అవార్డ్ మరియు ఫిలింఫేర్ అందుకున్న అల్లు అర్జున్, ఇప్పుడు పార్ట్-2 తో కూడా అదే మ్యాజిక్‌ను రిపీట్ చేశారు. వరుసగా రెండోసారి కూడా పుష్పరాజ్ పాత్రకు ఉత్తమ నటుడిగా అవార్డు అందుకోవడం విశేషం. ఈ వేడుకలో ‘పుష్ప 2’ తో పాటు ‘కల్కి 2898 AD’, ‘లక్కీ భాస్కర్’, మరియు ‘హను-మాన్’ చిత్రాలు కూడా వివిధ విభాగాల్లో అవార్డులను గెలుచుకున్నాయి. అయితే, మేజర్ కేటగిరీలన్నీ ‘పుష్ప 2’ ఖాతాలోకే వెళ్లడం గమనార్హం.