Niharika Konidela: క్యాస్టింగ్ కౌచ్ పై చిరు కామెంట్స్…నిహారిక రియాక్షన్ ఇదే

Niharika Konidela: సినిమా ఇండస్ట్రీలో క్యాస్టింగ్ కౌచ్ ఉందంటూ ఇదివరకు ఎంతోమంది సెలబ్రిటీలో వారు ఎదుర్కొన్న చేదు అనుభవాల గురించి ఎన్నో సందర్భాలలో బయటపెట్టారు. అయితే కొంతమంది మాత్రం క్యాస్టింగ్ కౌచ్ ఇండస్ట్రీలో లేదంటూ వారి అభిప్రాయాలను తెలియజేసారు. ఈ నేపథ్యంలోనే మెగాస్టార్ చిరంజీవి సైతం క్యాస్టింగ్ కౌచ్ గురించి మాట్లాడుతూ చేసిన వ్యాఖ్యలు సంచలనంగా మారాయి. చిరంజీవి(Chiranjeevi) నటించిన మన శంకర వరప్రసాద్ గారు సినిమా సమయంలో ఈయన క్యాస్టింగ్ కౌచ్(Casting Couch) గురించి మాట్లాడుతూ ఇండస్ట్రీలో క్యాస్టింగ్ కౌచ్ అనేది మన బిహేవియర్ బట్టి ఉంటుందని, అలాంటిదేమీ ఇండస్ట్రీలో లేదంటూ చెప్పకనే చెప్పేశారు.

క్యాస్టింగ్ కౌచ్ పై చిరంజీవి కామెంట్స్..

ఇలా చిరంజీవి క్యాస్టింగ్ కౌచ్ గురించి మాట్లాడటంతో ఈయన వ్యాఖ్యలపై పలువురు స్పందిస్తూ కామెంట్లు చేశారు.. ముఖ్యంగా సింగర్ చిన్మయి ఈ విషయం గురించి మాట్లాడుతూ ఇండస్ట్రీలో మీ ఫ్యామిలీ ఎంతో ప్రొటెక్షన్ లో ఉంది కానీ అందరికీ అలాంటి ప్రొటెక్షన్ లేదని ఇండస్ట్రీలో క్యాస్టింగ్ కౌచ్ ఉందని ఆమె తన వాదన వినిపించారు. అయితే తాజాగా రాకాసా(Raakaasaa) సినిమా ప్రమోషన్ కార్యక్రమాలలో భాగంగా నిహారిక చిరంజీవి చేసిన వ్యాఖ్యల గురించి స్పందించారు. ఈ సందర్భంగా మెగాస్టార్ చిరంజీవి క్యాస్టింగ్ కౌచ్ గురించి చేసిన వ్యాఖ్యలపై నిహారిక (Niharika)మాట్లాడుతూ సినిమా ఇండస్ట్రీలో క్యాస్టింగ్ కౌచ్ ఉందని తెలిపారు.

మా ఫ్యామిలీ పై ప్రభావం లేదు..

ఒకప్పుడు ఈ విషయంలో కొంతమంది బలవంతం పెట్టేవారు, ఒప్పుకోకపోతే కెరియర్ నాశనం అయ్యేది కానీ ఇటీవల కాలంలో అది లేదని తెలిపారు. ఒకవేళ క్యాస్టింగ్ కౌచ్ ఇబ్బందులు ఎదురైతే కమిట్మెంట్ ఇవ్వడం అనేది పూర్తిగా వారి అభిప్రాయాలపై ఆధారపడి ఉంటుందని తెలిపారు. నా అభిప్రాయం ప్రకారం పెదనాన్న క్యాస్టింగ్ కౌచ్ ఇబ్బందులు ఎదుర్కోవడం, లేదు అనేది పూర్తిగా మన నిర్ణయం పైన ఆధారపడి ఉంటుందన్న ఉద్దేశంతోనే చెప్పి ఉంటారని నిహారిక తెలిపారు. అదేవిధంగా బయట వ్యక్తులతో పోలిస్తే ఈ ప్రభావం మా ఫ్యామిలీ మీద లేదని ఈ సందర్భంగా క్లారిటీ ఇచ్చారు.

ఇండస్ట్రీలో క్యాస్టింగ్ కౌచ్ ఉందన్న నిహారిక..

ఈ ఇంటర్వ్యూ సందర్భంగా నిహారిక క్యాస్టింగ్ కౌచ్ గురించి మాట్లాడుతూ చిరంజీవి మాటలను వ్యతిరేకించారు. ఇండస్ట్రీలో క్యాస్టింగ్ కౌచ్ ఉందనే విషయాన్ని నిహారిక తెలియజేయడంతో ఈ కామెంట్స్ కాస్త వైరల్ అవుతున్నాయి. ఇక ఇండస్ట్రీలో ఉన్నటువంటి ఈ ఇబ్బందుల గురించి ఇదివరకే ఎంతోమంది పలు సందర్భాలలో తెలియజేశారు. సీనియర్ హీరోయిన్ ల నుంచి మొదలుకొని నేటి తరం హీరోయిన్లు మహిళ ఆర్టిస్టులు కూడా ఇలాంటి ఇబ్బందులను ఎదుర్కొంటున్న సంగతి తెలిసిందే. అయితే ఈ క్యాస్టింగ్ కౌచ్ అనేది ఒక చిత్ర పరిశ్రమలోనే కాదు ప్రతి ఒక్క రంగంలో కూడా ఉందనే సంగతి తెలిసిందే.

Also Read: Niharika Konidela: పెళ్లి చేసుకోకపోవడానికి నేనేమైనా ముసలిదాన్నా.. రెండో పెళ్లి పై నిహారిక క్లారిటీ…