Geetu Mohandas – Sandeep Vanga: సందీప్ రెడ్డి సినిమా స్టైల్ లో టాక్సిక్ టీజర్ ..ఆ సినిమాను గుర్తుచేస్తుందిగా!

Geetu Mohandas – Sandeep Vanga: టాలీవుడ్ సినీ ఇండస్ట్రీలో దర్శకుడుగా ఎంతో మంచి గుర్తింపు సంపాదించుకున్న వారిలో సందీప్ రెడ్డి ఒకరు. ఈయన చేసింది కేవలం రెండు సినిమాలే అయినప్పటికీ ఈ రెండు సినిమాల ద్వారా దర్శకుడుగా ఎంతో మంచి పేరు ప్రఖ్యాతలను సొంతం చేసుకున్నారు.. ఇక ప్రస్తుతం సందీప్ రెడ్డి (Sandeep Reddy)ప్రభాస్ తో స్పిరిట్ సినిమా చేస్తున్న సంగతి తెలిసిందే. ఈ సినిమా ప్రస్తుతం షూటింగ్ పనులను జరుపుకుంటున్నాయి. ఇదిలా ఉండగా తాజాగా మరొక పాన్ ఇండియా స్టార్ హీరో యష్ (Yash)నటిస్తున్న టాక్సిక్ (Toxic)సినిమా నుంచి ఆయన పుట్టినరోజు సందర్భంగా ఒక టీజర్ వీడియో విడుదల చేశారు.

ట్రెండింగ్ లో టాక్సిక్ టీజర్..

ఈ టీజర్ వీడియో సోషల్ మీడియాలో సంచలనాలను సృష్టించింది. పవర్ ఫుల్ యాక్షన్ సినిమాగా ఈ చిత్రం ప్రేక్షకుల ముందుకు రాబోతోందని ఈ టీజర్ చూస్తేనే స్పష్టం అవుతుంది. అలాగే ఈ టీజర్ వీడియోలో బోల్డ్ సన్నివేశాలను కూడా చూపించిన సంగతి తెలిసిందే. ఇలా ఈ టీజర్ ప్రస్తుతం సోషల్ మీడియాలో వైరల్ గా మారడంతో అభిమానులు నెటిజన్లు విభిన్న రీతిలో ఈ టీజర్ వీడియో పై స్పందిస్తూ కామెంట్లు చేస్తున్నారు. ఈ టీజర్ వీడియో చూస్తుంటే సందీప్ రెడ్డి గుర్తుకొస్తున్నారని కామెంట్లు పెడుతున్నారు.

సందీప్ రెడ్డిని గుర్తు చేసిన గీతు మోహన్ దాస్..

సాధారణంగా ఈ రేంజ్ లో ఎలివేషన్స్ ఇస్తూ ఇలాంటి బోల్డ్ యాక్షన్ ,సన్ని వేషాలను సందీప్ రెడ్డి ఎంతో అద్భుతంగా ప్రేక్షకుల ముందుకు తీసుకు వస్తారు. అచ్చం ఇదేవిధంగా గీతూ మోహన్ దాస్(Geethu Mohan Das) సైతం టాక్సిక్ సినిమాని ప్రేక్షకుల ముందుకు తీసుకు రాబోతున్నారని ఈ సినిమా టీజర్ చూస్తుంటే సందీప్ రెడ్డి డైరెక్షన్ వచ్చిన యానిమల్ సినిమా గుర్తుకు వస్తుందని అభిమానులు కామెంట్లు చేస్తున్నారు.. మరికొందరు మాత్రం ఈ టీజర్ చూస్తుంటే ఒక లేడీ డైరెక్టరా ఈ సినిమా చేసింది అంటూ ఆశ్చర్యం వ్యక్తం చేస్తున్నారు.

మార్చి 19న విడుదల..

ఈ టీజర్ వీడియో పై డైరెక్టర్ సందీప్ రెడ్డి వంగ స్పందిస్తూ సోషల్ మీడియా వేదికగా చేసిన పోస్ట్ కూడా వైరల్ అవుతుంది. ఇక టాక్సిక్ సినిమా డ్రగ్ మాఫియా నేపథ్యంలో ప్రేక్షకుల ముందుకు రాబోతుందని తెలుస్తుంది. ఇందులో యశ్ హీరోగా నటించగా కియారా అద్వాని, తారాసుతారియా, రుక్మిణి వసంత్, నయనతార వంటి తదితరులు హీరోయిన్లుగా నటిస్తున్నారు. ఇప్పటికే హీరోయిన్లకు సంబంధించిన ఫస్ట్ లుక్ పోస్టర్లు విడుదల చేస్తూ సినిమాపై మంచి అంచనాలను పెంచేశారు. ఇక ఈ సినిమా ఉగాది పండుగను పురస్కరించుకొని మార్చి 19వ తేదీ పాన్ ఇండియా స్థాయిలో ప్రేక్షకుల ముందుకు రాబోతోంది.

Also Read; BMW Pre Release: రవితేజ భర్త మహాశయులకు విజ్ఞప్తి ప్రీ రిలీజ్ ఈవెంట్ ఫిక్స్..