Nari Nari Naduma Murari Film: సెన్సార్ పూర్తి చేసుకున్న శర్వా నంద్ మూవీ.. రన్ టైం డీటెయిల్స్!

Nari Nari Naduma Murari Film: టాలీవుడ్ యంగ్ హీరో శర్వానంద్ సంక్రాంతి పండుగ సందర్భంగా నారీ నారీ నడుమ మురారి (Nari Nari Naduma Murari )అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా సంక్రాంతి పండుగను పురస్కరించుకొని జనవరి 15వ తేదీ విడుదల కాబోతోంది. జనవరి 14వ తేదీ సాయంత్రం ఈ సినిమా ప్రీమియర్లు ప్రసారం కాబోతున్నాయి. ఇక ఈ సినిమా సంక్రాంతి బరిలో దిగిన నేపథ్యంలో చిత్ర బృందం పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. హీరోయిన్లతో పాటు నిర్మాత అనిల్ సుంకర(Anil Sunkara) వరుస ఇంటర్వ్యూలలో పాల్గొంటూ బిజీగా ఉన్నారు.

U/A సర్టిఫికెట్ జారీ..

ఈ సినిమా విడుదలకు కొద్ది రోజులు సమయం మాత్రమే ఉన్న నేపథ్యంలో చిత్ర బృందం విడుదలకు సంబంధించి అన్ని ఏర్పాట్లను పూర్తి చేస్తున్నారు. అయితే తాజాగా ఈ సినిమా సెన్సార్ (Censor) కార్యక్రమాలను కూడా పూర్తి చేసుకుందని తెలుస్తుంది. సెన్సార్ సభ్యులు ఈ సినిమాని వీక్షించిన తర్వాత జీరో కట్స్ తో ఈ సినిమాకు U/A సర్టిఫికెట్ జారీ చేసినట్లు చిత్ర బృందం అధికారకంగా పోస్టర్ ద్వారా తెలియజేశారు. ఇక ఈ సినిమాకు 2:05 గంటల రన్ టైం లాక్ చేసినట్టు తెలుస్తుంది. ఇలా ఈ సినిమాలో ఎలాంటి సెన్సార్ కట్స్ లేకపోవడం విశేషం.. ఇక ఈ సినిమా మరొక వారం రోజులలో ప్రేక్షకుల ముందుకు రానున్న నేపథ్యంలో ప్రమోషన్లను కూడా మరింత వేగవంతం చేయనున్నారు.

త్వరలోనే ట్రైలర్ రిలీజ్…

ఇటీవల ఈ సినిమా నుంచి ఒక పాటను విడుదల చేయగా ఈ పాటకు మంచి ఆదరణ లభించింది. త్వరలోనే ట్రైలర్ తో పాటు ప్రీ రిలీజ్ వేడుకను కూడా ఘనంగా నిర్వహించబోతున్నారని తెలుస్తోంది. త్వరలోనే ప్రీ రిలీజ్ ఈవెంట్ కు సంబంధించిన వివరాలు వెల్లడి కానున్నాయి. ఇక ఈ సినిమా ఫ్యామిలీ ఎంటర్టైనర్ గా ప్రేక్షకుల ముందుకు రాబోతుందని తెలుస్తుంది. ఈ సినిమాలో శర్వానంద్ జోడిగా సంయుక్త మీనన్, సాక్షి వైద్య హీరోయిన్లుగా నటిస్తున్నారు. ఈ చిత్రాన్ని ఎంతో ప్రతిష్టాత్మకంగా ఏకే ఎంటర్టైన్మెంట్ బ్యానర్ పై అనిల్ సుంకర నిర్మించిన సంగతి తెలిసిందే. ఈ సినిమాకు రామ్ అబ్బరాజు దర్శకత్వం వహించారు.

గెస్ట్ రోల్ లో శ్రీ విష్ణు..

ఇక ఈ సినిమాలో మరో స్టార్ యంగ్ హీరో కూడా సందడి చేయబోతున్న సంగతి తెలిసిందే .ఇటీవల శ్రీ విష్ణు(Sree Vishnu) ఈ సినిమాలో భాగం అయ్యారంటూ చిత్ర బృందం ఒక స్పెషల్ వీడియో ద్వారా విడుదల చేశారు. ఇలా శ్రీ విష్ణు శర్వానంద్ కాంబోలో వచ్చే సీన్స్ ప్రేక్షకులను కడుపుబ్బ నవ్విస్తాయని తెలుస్తోంది. ఇలా ఈ సినిమాలో శ్రీ విష్ణు నటించబోతున్నారంటూ వీడియోని విడుదల చేయడంతో సినిమా పట్ల మరిన్ని అంచనాలు పెరిగిపోయాయి. గత కొద్దిరోజులుగా వరుస ఫ్లాప్ సినిమాలతో సతమతమవుతున్న శర్వానంద్ ఈసారైనా సక్సెస్ కొడతారా? లేదా? అనేది తెలియాల్సి ఉంది.

Also Read: Anaganaga Oka Raju: రిలీజ్‌కు ముందే పోలిశెట్టి సినిమాకు లాభాలు.. సేఫ్ జోన్‌లో నిర్మాత నాగవంశీ