Nagabandham: ‘నాగబంధం’‌కు టాలీవుడ్ సూపర్ స్టార్ సపోర్ట్.. విషయమిదే!

Nagabandham: టాలీవుడ్‌లో ప్రస్తుతం ఎక్కడ చూసినా ‘నాగబంధం’ (Nagabandham) మూవీ గురించే చర్చ జరుగుతోంది. పీరియాడికల్ యాక్షన్ డ్రామాగా, పురాతన రహస్యాల నేపథ్యంలో తెరకెక్కుతున్న ఈ సినిమాపై అంచనాలు ఓ రేంజ్‌లో ఉన్నాయి. తాజాగా ఈ సినిమాకు సంబంధించి ఒక సెన్సేషనల్ అప్‌డేట్‌ను మేకర్స్ వదిలారు. ఈ చిత్ర టీజర్‌ను టాలీవుడ్ సూపర్ స్టార్ మహేష్ బాబు (Super Star Mahesh Babu) లాంచ్ చేయబోతున్నారు. సాధారణంగానే విజువల్ వండర్‌గా తెరకెక్కుతున్న సినిమాలకు భారీగా హైప్ ఉంటుంది.. అలాంటి హైప్‌కు సూపర్ స్టార్ సపోర్ట్ తోడైతే ఆ క్రేజ్ వేరే లెవల్‌లో ఉంటుంది. ఇప్పుడు ‘నాగబంధం’ విషయంలో కూడా అదే జరుగుతోంది. అభిషేక్ నామా దర్శకత్వంలో విరాట్ కర్ణ హీరోగా రూపుదిద్దుకుంటున్న ఈ పాన్ ఇండియా మూవీ టీజర్‌ను ఫిబ్రవరి 15న మహా శివరాత్రి సందర్భంగా ఉదయం 11:11 గంటలకు మహేష్ బాబు సోషల్ మీడియా వేదికగా విడుదల చేయనున్నారు. ఈ వార్తతో సినిమాపై ఉన్న బజ్ ఒక్కసారిగా డబుల్ అయిందంటే ఆశ్చర్యపోవాల్సిన అవసరమే లేదు.

Also Read- Vishwambhara: ‘విశంభర’ ఫైనల్ అవుట్‌పుట్‌ చిరుకు నచ్చలేదా? నిర్మాతలు కూడా చేతులెత్తేశారా?

1750 నాటి రహస్యం

ఈ సినిమా కేవలం ఒక యాక్షన్ మూవీ మాత్రమే కాదు, భారతీయ సంప్రదాయాల్లో దాగి ఉన్న ‘నాగబంధం’ అనే పురాతన రహస్యం చుట్టూ తిరిగే కథ అని మేకర్స్ చెబుతూ వస్తున్నారు. 1750వ కాలం నాటి సెటప్‌తో, చారిత్రక అంశాలను జోడిస్తూ ఈ చిత్రాన్ని అద్భుతమైన విజువల్స్‌తో నిర్మిస్తున్నారు. ముఖ్యంగా ఇటీవల విలన్ పాత్రలో రిషబ్ సాహ్నీని ‘అబ్దాలి’ అనే ఆఫ్ఘన్ పాలకుడిగా పరిచయం చేసిన తీరు అందరినీ ఆకట్టుకుంది. పురాతన నిధి రహస్యాన్ని కాపాడే క్రమంలో జరిగే పోరాటమే ఈ చిత్ర ప్రధాన ఇతివృత్తం అని తెలుస్తోంది. ఈ సినిమాలో గ్లామర్‌తో పాటు పెర్ఫార్మెన్స్‌కు కూడా పెద్దపీట వేశారు. నభా నటేష్, ఐశ్వర్య మీనన్ తమ అందచందాలతో, నటనతో మెప్పించనున్నారు. జగపతి బాబు, మురళి శర్మ, జయప్రకాష్, బి.ఎస్. అవినాష్ వంటి దిగ్గజ నటులు ఇందులో కీలక పాత్రల్లో కనిపించనున్నారు.

Also Read- Tollywood star heroes’ wives: బిజినెస్ రంగంలో రాణిస్తున్న తెలుగు స్టార్ హీరోల భార్యలు వీళ్లే..!

సమ్మర్ రేసులో ‘నాగబంధం’

టెక్నికల్‌గా కూడా ఈ సినిమా హై స్టాండర్ట్స్‌లో ఉండనుంది. సౌందర్ రాజన్ సినిమాటోగ్రఫీ ఈ చిత్రానికి ప్రధాన ఆకర్షణగా నిలవనుంది. కిషోర్ అన్నపురెడ్డి, నిషిత నాగిరెడ్డి అత్యంత భారీ బడ్జెట్‌తో, ఎక్కడా కాంప్రమైజ్ కాకుండా ఈ విజువల్ వండర్‌ను నిర్మిస్తున్నారు. ప్రస్తుతం షూటింగ్ తుది దశకు చేరుకున్న ఈ చిత్రాన్ని ఈ వేసవిలో భారీ ఎత్తున విడుదల చేసేందుకు మేకర్స్ సన్నాహాలు చేస్తున్నారు. మహా శివరాత్రి నాడు వచ్చే టీజర్, సినిమా ఏ రేంజ్‌లో ఉండబోతుందో శాంపిల్ చూపించనుంది. సూపర్ స్టార్ మహేష్ బాబు ఈ ప్రాజెక్ట్‌ను ప్రమోట్ చేస్తుండటంతో, నేషనల్ వైడ్‌గా ఈ సినిమా ట్రేడ్ వర్గాల్లో హాట్ టాపిక్‌గా మారింది.

Also Read- Markandeya: ‘మార్కండేయ’తో యూనివర్స్ క్రియేట్ చేస్తున్నారా? బాబోయ్.. పెద్ద స్కెచ్చే!