రాక్ స్టార్ దేవి శ్రీ ప్రసాద్ అంటే మనకు ముందుగా గుర్తొచ్చేది ఆయన అదిరిపోయే ఎనర్జీ, ఊపు ఇచ్చే సంగీతం. కొన్ని సినిమాల్లో స్పెషల్ సాంగ్స్ లో మెరిసిన డీఎస్పీ, ఇప్పుడు ఫుల్ లెంగ్త్ హీరోగా ‘ఎల్లమ్మ’ అనే సినిమాతో ప్రేక్షకులను పలకరించబోతున్నారు. దిల్ రాజు నిర్మాణంలో, వేణు ఎల్దండి దర్శకత్వంలో తెరకెక్కుతున్న ఈ సినిమా గ్లింప్స్ ఇప్పటికే సోషల్ మీడియాలో వైరల్ అవుతోంది. ఈ క్రమంలో తన సినిమా ప్రయాణానికి, దైవచింతనకు ఉన్న విడదీయలేని సంబంధం గురించి డీఎస్పీ ఎమోషనల్ అయ్యారు. ఆ వివరాలు చూద్దాం..
దేవి శ్రీ ప్రసాద్ హీరోగా మారుతున్నారనే వార్త చాలా ఏళ్లుగా వినిపిస్తోంది. కానీ ఇప్పుడు ‘బలగం’ సినిమాతో దర్శకుడిగా తన సత్తా చాటిన వేణు ఎల్దండి చెప్పిన ‘ఎల్లమ్మ’ కథ డీఎస్పీని కట్టిపడేసింది. నిజానికి ఈ స్క్రిప్ట్ తొలుత ఇద్దరు ముగ్గురు స్టార్ హీరోల దగ్గరకు వెళ్లినప్పటికీ, చివరకు అది దేవి శ్రీ ప్రసాద్ దగ్గరికే వచ్చింది. ఆ కథ విన్న వెంటనే ఆయనకు ఒక రకమైన పాజిటివ్ వైబ్ కలిగిందని, అందుకే హీరోగా చేసేందుకు గ్రీన్ సిగ్నల్ ఇచ్చానని డీఎస్పీ వెల్లడించారు.
తను ఈ సినిమా ఒప్పుకోవడానికి గల కారణాలను వివరిస్తూ డీఎస్పీ తన కెరియర్ ఆరంభాన్ని గుర్తు చేసుకున్నారు. దేవి శ్రీ ప్రసాద్ సంగీత దర్శకుడిగా పరిచయమైన మొదటి సినిమా పేరు ‘దేవి’. అది అమ్మవారి పేరుతో ఉన్న సినిమా. ఇక ఆయన కెరియర్లో ఎంతో ప్రతిష్టాత్మకమైన 50వ చిత్రం ‘ఢమరుకం’ కూడా శివుడి నేపథ్యంలో సాగే కథే. ఇప్పుడు హీరోగా పరిచయమవుతున్న సినిమా ‘ఎల్లమ్మ’ కూడా గ్రామ దేవత, అమ్మవారి కథ కావడం యాదృచ్ఛికం కాదని ఇది దైవ సంకల్పం అని దేవి తెలిపారు.
తన జీవితంలో అమ్మవారి దయ ఎప్పుడూ ఉంటుందని డీఎస్పీ బలంగా విశ్వసిస్తారు. “దేవి అనే సినిమాతో మ్యూజిక్ స్టార్ట్ అయ్యింది, ఇప్పుడు అమ్మవారి కథతోనే హీరోగా కెరియర్ మొదలవుతోంది. ఇదంతా దైవ సంకల్పంలా అనిపిస్తోంది” అని ఆయన అన్నారు. అందుకే ‘ఎల్లమ్మ’ స్క్రిప్ట్ తన కోసం రాసి పెట్టినట్టుగా ఉందని, అమ్మ దయ ఉంటే తన ప్రయాణం సుఖంగా సాగుతుందని ఆయన ఎమోషనల్ అయ్యారు. దేవుడిపై ఆయనకున్న అచంచలమైన నమ్మకం ఈ ప్రాజెక్ట్ మీద అంచనాలను మరింత పెంచేసింది.
also read:Youtuber Vaishnavi: యూట్యూబర్ వైష్ణవి హత్య అందుకోసమేనా.. విస్తుపోయే నిజాలు!
స్టేజ్ మీద తన డాన్సులతో, పాటలతో అందరినీ ఉర్రూతలూగించే దేవి శ్రీ ప్రసాద్, వెండితెరపై నటుడిగా ఎలా రాణిస్తారో చూడాలని ఫ్యాన్స్ ఆసక్తిగా ఎదురుచూస్తున్నారు. వేణు ఎల్దండి మార్క్ ఎమోషన్స్, దిల్ రాజు ప్రొడక్షన్ వాల్యూస్ ఈ సినిమాకు పెద్ద ప్లస్ కానున్నాయి. మొత్తానికి అమ్మవారి దీవెనలతో డీఎస్పీ తన కొత్త ఇన్నింగ్స్ ను గ్రాండ్గా స్టార్ట్ చేస్తున్నారు. మరి ‘మ్యూజిక్ డైరెక్టర్’ గా అదరగొట్టిన మన రాక్ స్టార్, ‘హీరో’గా కూడా బాక్సాఫీస్ వద్ద మ్యాజిక్ చేస్తారని ఆశిద్దాం.
Share
Sreeleela: శ్రీలీలను చెల్లెమ్మా అంటూ పిలిచిన అభిమాని...భలే కౌంటర్ ఇచ్చిన నటి!
Iran Missile Power: ఆకాశంలో ఇరాన్ 'తాండవం'.. రాడార్ల కళ్లుగప్పి దూసుకెళ్తున్న 'డ్యాన్సింగ్ మిసైల్'!
