Mrunal Thakur – Dhanush: హీరో ధనుష్ తో మృణాల్ పెళ్లి.. ఎప్పుడంటే..?

Mrunal Thakur – Dhanush: కోలీవుడ్ స్టార్ హీరో ధనుష్ గురించి ప్రత్యేకంగా పరిచయాలు అవసరం లేదు. తమిళ హీరో అయిన కూడా తెలుగులో ఆయన సినిమాలు డబ్ అయ్యాయి. దాంతో పాటుగా ఈ మధ్య తెలుగు లో డైరెక్ట్ గా సినిమాలు చేస్తున్నాడు. ఆయనకు తెలుగులో మంచి మార్కెట్ ఉంది. ధనుష్ ప్రస్తుతం బ్యాక్ టు బ్యాక్ సినిమాల్లో నటిస్తూ బిజీగా ఉన్నాడు.. ఇక ఈయన పర్సనల్ లైఫ్ విషయానికొస్తే.. తన భార్యతో విడాకులు తీసుకున్నాడు. ఇప్పుడు రెండో పెళ్లి చేసుకోబోతున్నాడని ఓ వార్త ఇండస్ట్రీ వర్గాల్లో చక్కర్లు కొడుతుంది. టాలీవుడ్ క్రేజీ హీరోయిన్ మృణాల్ ఠాకూర్ తో ఆయన డేటింగ్ లో ఉన్నట్లు తెలుస్తుంది. గతంలో వీరిద్దరి గురించి సోషల్ మీడియాలో ఎన్నో వార్తలు వినిపించాయి. ఇప్పుడు పెళ్లి అంటూ మరోసారి వార్తలు గుప్పుమంటున్నాయి. మరి ఇందులో నిజమేంత ఉందో తెలియదు కానీ ఈ న్యూస్ మాత్రం హాట్ టాపిక్ అవుతుంది.. నిజమేంటో ఒకసారి మనం వివరంగా తెలుసుకుందాం.

త్వరలో ధనుష్ – మృణాల్ పెళ్లి..?

టాలీవుడ్ ముద్దుగుమ్మ మృణాల్ ఠాకూర్ గురించి పరిచయాలు అవసరం లేదు. టాలీవుడ్ ఎంట్రీతోనే సూపర్ హిట్‌ కొట్టేసిన ఈ ముద్దుగుమ్మ.. ఆ తర్వాత వరుస సినిమాలు చేస్తోంది. ఈమె కేరెర్ సంగతి పక్కన పెడితే పెళ్లి పై గత కొన్ని రోజులుగా వార్తలు వినిపిస్తున్నాయి. కోలీవుడ్ స్టార్ ధనుష్ తో డేటింగ్‌లో ఉన్నారని వార్తలొచ్చాయి. అయితే వీటిపై ఇ‍ద్దరు కూడా స్పందించలేదు. ఆ తర్వాత మృణాల్ ధనుష్ సిస్టర్స్‌ కార్తీక కృష్ణమూర్తి, విమల గీతలను ఇన్‌స్టాగ్రామ్‌లో ఫాలో కావడంతో ఈ వార్తల్లో నిజముందని అభిప్రాయపడుతున్నారు..

అంతేకాదు త్వరలోనే వీరిద్దరి పెళ్లి అంటూ ఓ న్యూస్ చక్కర్లు కొడుతుంది. వచ్చేనెల 14న మృణాల్- ధనుశ్ ఒక్కటి కాబోతున్నారని సోషల్ మీడియాలో వైరలవుతోంది. అయితే ఈ పెళ్లికి కేవలం అత్యంత సన్నిహితులు, కుటుంబ సభ్యులు మాత్రమే హాజరు కానున్నట్లు తెలుస్తోంది. ఇక గతేడాది ఆగష్టు 1న మృణాల్ పుట్టినరోజు వేడుకలో ధనుష్ పాల్గొన్నారు. పార్టీ వీడియోలో ధనుష్ ఆమె చేతిని పట్టుకుని ఆమెతో ప్రేమగా మాట్లాడాడు.. దాంతో ప్రేమలో ఉన్నట్లు కన్ఫర్మ్ చేసుకుంటున్నారు. ఇందులో నిజమేంత ఉందో తెలియాలంటే ఎవరొకరు క్లారిటీ ఇచ్చే వరకు వెయిట్ చెయ్యాల్సిందే..

మృణాల్ కేరెర్ విషయానికొస్తే..

సీతారామం మూవీతో తెలుగు ప్రేక్షకులకు పరిచయమైంది ఈ ముద్దుగుమ్మ.. ఆ తర్వాత స్టార్ హీరోలందరితో జోడీ కట్టింది. కొన్ని సినిమాలు బ్లాక్ బాస్టర్ హిట్ కొట్టాయి. కొన్ని సినిమాలు యావరేజ్ టాక్ ను అందుకున్నాయి. ప్రస్తుతం యాక్షన్ చిత్రాల్లో నటిస్తుంది. అడివి శేష్ హీరోగా వస్తోన్న డకాయిట్ చిత్రంలో మెప్పించనుంది. ఈ సినిమా సమ్మర్‌లో ప్రేక్షకుల ముందుకు రానుంది..

Also Read :శుక్రవారం టీవీల్లోకి రాబోతున్న సినిమాలు.. అన్ని సూపర్ హిట్టే…

ధనుష్ సినిమాల విషయానికొస్తే..

తెలుగులో కుబేర చిత్రంలో నటించారు. ఆయన నటనకు మంచి మార్కులు పడ్డాయి. ప్రస్తుతం పలు సినిమాల్లో ధనుష్ బిజీగా ఉన్నారు. హిందీలో కూడా సినిమాలు చేస్తూ బిజీగా ఉన్నాడు. ప్రస్తుతం భారీ బడ్జెట్ సినిమాల్లో నటిస్తున్నాడు..