నాస్తికత్వం అంటే దేవుడిని ఎగతాళి చేయటం కాదు.. ప్రకాష్ రాజ్ కు నాగబాబు కౌంటర్!

Nagababu: సినీ నటుడు ప్రకాష్ రాజ్ ఇటీవల కాలంలో తరచూ వ్యాఖ్యలు చేస్తూ వార్తల్లో నిలుస్తున్న సంగతి తెలిసిందే. ఈయన ఇటీవల ఒక ఇంటర్వ్యూలో భాగంగా శ్రీరామ లక్ష్మణల గురించి మాట్లాడుతూ సంచలన వ్యాఖ్యలు చేశారు శ్రీరాముడు(Lord Rama) వలస కూలీ అంటూ ప్రకాష్ రాజ్ (Prakash Raj)మాట్లాడినటువంటి వ్యాఖ్యలపై తీవ్ర దుమారం చెలరేగింది. ఈ నేపథ్యంలోనే ప్రకాష్ రాజ్ తీరు పట్ల హిందూ సంఘాలు తీవ్ర స్థాయిలో మండిపడుతున్నాయి. అంతేకాకుండా ఈయనపై కేసులు కూడా నమోదు చేస్తున్న సంగతి తెలిసిందే. ఇలా ప్రకాష్ రాజు చేసిన వ్యాఖ్యలపై ఇప్పటికే పలువురు సినీ రాజకీయ ప్రముఖులు స్పందిస్తూ తమదైన శైలిలోనే ఆయనకు కౌంటర్ ఇస్తూ వచ్చారు.

ప్రకాష్ రాజ్ పై నాగబాబు ఫైర్..

ఇకపోతే మెగా బ్రదర్ నాగబాబు (Nagababu)సైతం నిన్న ప్రకాష్ రాజ్ వ్యాఖ్యలపై స్పందిస్తూ ఒక ట్వీట్ వేశారు. రాముడిని విమర్శించిన వారు తమని తాము గాయపరచుకున్న వారు అవుతారు అంటూ ప్రకాష్ రాజ్ తీరును తప్పుపట్టారు. అయితే తాజాగా నాగబాబు సోషల్ మీడియా వేదికగా ప్రకాష్ రాజ్ గురించి మరోసారి ఆగ్రహం వ్యక్తం చేస్తూ చేసిన పోస్ట్ సోషల్ మీడియాలో వైరల్ అవుతుంది. నాగబాబు సోషల్ మీడియా వేదికగా స్పందిస్తూ…

క్రైస్తవ నాస్తికుడు..

ప్రకాష్ రాజ్ గారు మిమ్మల్ని మీరు క్రైస్తవ నాస్తికుడు అని చెప్పుకున్నప్పటికీ ఇటీవల మీ అమ్మగారు మరణించిన సమయంలో ఆమె నమ్మకాన్ని గౌరవించి అదే విధంగానే అంత్యక్రియలు నిర్వహించారు. ఒక కొడుకుగా అది మన కర్తవ్యంగా మేము కూడా ఆ విషయాన్ని గౌరవిస్తాము. ఏ విధంగా అయితే మీరు మీ అమ్మగారి నమ్మకాన్ని గౌరవించారో అదే స్ఫూర్తితోనే కోట్లాదిమంది నమ్మకాలను కూడా గౌరవించాలని నాగబాబు సూచించారు. నాస్తికత్వం అంటే దేవుళ్లను అలాగే నమ్మకాలను ఎగతాళి చేయటం కాదని సూచించారు. అలా ఆలోచించడం హేతుబద్ధమైన ఆలోచన అంటూ తెలిపారు. తన నాస్తిక తత్వాన్ని సిద్ధాంతాల ద్వారా స్వీకరించిన ఏకైక మతం హిందూమతం. అలాంటి సంప్రదాయాలను తోసి పుచ్చడం అంటే హిందూ మతాన్ని అగౌరవపరిచినట్లేనని నాగబాబు తెలిపారు. ఇలాంటి వ్యాఖ్యలు ఇతర దేశాలలో కనుక చేసి ఉంటే మీరు ఎన్నో ఇబ్బందులను ఎదుర్కొని ఉండేవారు అంటూ ఈయన ప్రకాష్ రాజ్ కు తనదైన శైలిలోనే కౌంటర్ ఇస్తూ చేసిన ఈ పోస్ట్ ప్రస్తుతం వైరల్ అవుతుంది.

Mr. Prakash Rai, though you call yourself a Christian atheist, you respected your mother’s faith at her funeral a gesture we honor as a son’s duty. In the same spirit, you must respect the beliefs of millions. Atheism is not mocking gods or believers,it is a rational way of…

— Naga Babu Konidela (@NagaBabuOffl) April 18, 2026

ఈ అంశం గురించి ఇప్పటికే ఎంతోమంది బీజేపీ నాయకులు కూడా స్పందిస్తూ ప్రకాష్ రాజ్ వ్యాఖ్యలను తప్పుపట్టారు. ఈయన బహిరంగంగా క్షమాపణలు చెప్పాలి అంటూ డిమాండ్ వ్యక్తం చేయడమే కాకుండా ఈయనపై పరువు నష్టం దావా కూడా దాఖలు చేసిన సంగతి తెలిసిందే. అయితే ఇటీవల కాలంలో ప్రకాష్ సినిమాల గురించి కాకుండా, హిందూ ధర్మం గురించి రాజకీయాల గురించి ఇలా వివాదాస్పద వ్యాఖ్యలు చేస్తూ పెద్ద ఎత్తున వార్తల్లో నిలుస్తున్నారు. ఇక ఈయన నటిస్తున్న సినిమాల నుంచి కూడా తనని తొలగించాలని డిమాండ్ చేస్తున్న సంగతి తెలిసిందే.

Also Read: ఘనంగా వంశీ పైడిపల్లి సల్మాన్ ఖాన్ సినిమా పూజ కార్యక్రమం..కొత్త అధ్యాయం ప్రారంభం అంటూ!