Mahavatar Narsimha Movie: పాక్‌ గడ్డపై మహావతార్‌ నరసింహా ప్రదర్శన.. భక్తి పారవశ్యంలో పాకిస్తానీలు‌

Mahavatar Narsimha Movie: ఈ ఏడాది వచ్చిన చిన్న సినిమాల్లో అత్యధిక లాభాలు గడించిన సినిమాల్లో మహావతార్‌ నరసింహా టాప్‌లో ఉందనడంలో సందేహం లేదు. పూర్తిగా యానిమిమేటేడ్‌ గా వచ్చిన ఈ చిత్రం బాక్సాఫీసు వద్ద ఊహించని వసూళ్లు రాబట్టింది. అతి తక్కువ బడ్జెట్‌ రూపొందిన ఈ సినిమాను మొదట కన్నడ భాషల్లో విడుదలైంది. థియేటర్లలోకి వచ్చిన ఈ సినిమాను ఆడియన్స్‌ బ్రహ్మరథం పట్టారు. భారీ రెస్పాన్స్‌ రావడంతో ఇతర భాషల్లోనూ విడుదల చేశారు.

రూ. 300 కోట్ల పైగా వసూళ్లు

అతి తక్కువ సమయంలోనే మహావతార్ నరసింహ సినిమాను తెలుగు హిందీ ఇతర భాషల్లో కూడా డబ్ చేసి విడుదలైన ఈ చిత్రం పెద్ద సినిమాలను సైతం వెనక్కి నెట్టింది. అదే టైంలో వార్‌ 2 లాంటి భారీ బడ్జెట్‌ మూవీ విడుదలైంది. కానీ, అలాంటి పెద్ద సినిమాను ఈ డబ్బింగ్‌ చిత్రం.. అది కూడా యానిమేషన్‌ డామినేట్‌ చేసింది. సుమారు రూ. 300 కోట్లతో వసూళ్లతో బాక్సాఫీసు వద్ద ప్రభంజనం సృష్టించింది. ఇప్పటికీ ఏదోక థియేటర్లలో ఈ చిత్రం ఆడుతూనే ఉంది. లాంగ్‌ రన్‌లో మహావతార్‌ నరసింహ దాదాపు రూ. 500పైగా కోట్ల గ్రాస్‌ కలెక్షన్స్‌ చేసినట్టు ట్రేడ్‌ వర్గాల అంచన. మైథలాజికల్‌ డ్రామాగా హిందు దేవుడైన నరసింహపై తీసిన ఈ చిత్రం పాకిస్తాన్‌ దేశంలో ప్రదర్శించడం ఇప్పుడు చర్చనీయాంశమైంది.

తన్మయత్వంలో మునిగిపోతున్న ఆడియన్స్

పాక్‌లోని కరాచీలో ఈ చిత్రాన్ని ప్రద్శించారు. ఈ సినిమా చూస్తూ పాకిస్తానీయులంత భక్తి భక్తి పారవశ్యంలో మునిగిపోయారు. ఈ సినిమా చూస్తూ తన్మయత్వంలో పులకించిపోతున్న వీడియోలు సోషల్‌ మీడియాలో తెగ వైరల్‌ అవుతున్నాయి. ముస్లింలు ఎక్కువగా ఉండే ఆ దేశంలో హిందు దేవుడి సినిమా ప్రదర్శించడం, దానికి ఆడియన్స్‌ నుంచి మంచి రెస్పాన్స్‌ రావడం విశేషం. పాకిస్తాన్‌ మహావతార్‌ నరసింహ ప్రదర్శిస్తున్న వీడియోలు ప్రస్తుతం సోషల్‌ మీడియాలో వైరల్‌ అవుతున్నాయి. మహావతార్ నరసింహ సినిమాకు పాకిస్తానీయుల నుంచి కూడా పాజిటివ్ రెస్పాన్స్ రావడం అందరిని ఆశ్చర్యపరుస్తుంది.

Also Read: Raju Weds Rambai OTT: అప్పుడే ఓటీటీకి ‘రాజు వెడ్స్‌ రాంబాయి‘.. స్ట్రీమింగ్‌ ఎప్పుడు? ఎక్కడంటే!

ఆస్కార్‌ బరిలో..

కరాచీలోని ఒక థియేటర్లో సినిమాను భక్తి భావంతో చూస్తూ దండం పెడుతున్న ప్రేక్షకుల వీడియోలు సోషల్ మీడియాలో వైరల్ అవుతున్నాయి.ఇదిలా ఉంటే ఈ యానిమేషన్‌ విభాగంలో మహావతార్‌ నరసింహ ఆస్కార్‌ అవార్డు నామినేషన్‌లో చో టు దక్కించుకున్న విషయం తెలిసిందే. ఈ సినిమా విడుదలైనప్పటి నుంచి అందరి దృష్టిని ఆకర్షించింది. అశ్విన్‌ కుమార్‌ దర్శకత్వంలో రూపొందిన ఈ చిత్రం హిందూ పురాణాల నేపథ్యంలో సాగింది. మహావతార్ సినిమాటిక్ యూనివర్స్ లో నరసింహ అనేది మొదటి చిత్రం మాత్రమే అని.. ముందు ముందు మరిన్ని అవతారాల్లో ఆ మహావిష్ణువుని చూపించబోతున్నట్లు మూవీ టీం తెలిపింది. హొంబలే ఫిల్మ్స్‌ ఈ చిత్రాన్ని నిర్మించిన సంగతి తెలిసిందే.