Jetlee Trailer Review: గాల్లోనే గందరగోళం… సత్య స్టైల్‌లో జెట్‌లీ ట్రైలర్ అదుర్స్

Jetlee Trailer Review: రిటేష్ రానా దర్శకత్వంలో రూపొందుతున్న తాజా సినిమా జెట్‌లీ. గతంలో మత్తు వదలరాతో.. పెద్ద విజయం అందుకున్న రిటేష్ రానా.. ఈసారి కూడా తనదైన శైలిలో వినూత్న కథతో ప్రేక్షకుల ముందుకు రానున్నారు. ఈ సినిమా మొత్తం ఒక విమానం నేపథ్యంగా సాగుతుండటం.. ప్రత్యేకంగా చెప్పుకోవాలి.

ఈ చిత్రంలో ప్రముఖ హాస్య నటుడు సత్య హీరోగా నటిస్తున్నారు. ఇప్పటివరకు చేసిన పాత్రలకు భిన్నంగా, లాంగ్ హెయిర్‌తో, కొంచెం రఫ్ లుక్‌లో సత్య కనిపించబోతున్నారు. గ్లింప్స్‌లో ఆయన కామెడీ టైమింగ్‌తో పాటు నటన కూడా ఆకట్టుకుంటుంది. మత్తు వదలరా సినిమాల్లో కూడా సత్యా క్యారెక్టర్ హైలెట్గా నిలిచిన సంగతి తెలిసిందే. ఇప్పుడు మరోసారి ఈ సినిమాలో కూడా అదే వినోదం పంచేలా కనిపిస్తున్నారు. ఈరోజు రిలీజ్ అయిన టీజర్ లో..విమానం గాల్లో ఊగిపోతున్న సమయంలో.. సత్య చేసే ఎంట్రీతో సినిమా టోన్ ఎలా ఉండబోతుందో స్పష్టంగా అర్థమవుతుంది.

ఈ సినిమాతో రియా సింగ్ తెలుగులో హీరోయిన్‌గా పరిచయం అవుతున్నది. మిస్ యూనివర్స్ ఇండియా 2024గా గుర్తింపు పొందిన రియా సింగ్.. గ్లింప్స్‌లో స్టైలిష్ యాక్షన్ సీన్స్ చేస్తూ కనిపించారు. ఆమె పాత్ర సినిమాలో ముఖ్యమైనదిగా ఉండబోతుందనే సంకేతాలు గ్లింప్స్‌లోనే కనిపించాయి.

ALSO READ: Mana Shankara Vara Prasad Garu: ప్రభాస్ లానే ప్లాన్ చేసిన చిరంజీవి.. ఏ విషయంలో అంటే..

కామెడీకి మరింత బలం చేకూర్చే పాత్రలో వెన్నెల కిశోర్ నటిస్తున్నారు అని కూడా ఈ తేజ చూస్తే అర్థమవుతుంది. “నువ్వు హీరోవా?” అని అడిగి.. “టియర్ వన్, టియర్ టూ, టియర్ త్రీ?” అని ప్రశ్నించగా..సత్య “జనరల్ కంపార్ట్మెంట్” అని సమాధానం చెప్పే సన్నివేశం ప్రేక్షకులను నవ్విస్తుంది. ఈ డైలాగ్ సినిమాకు హైలైట్‌గా నిలవనుంది.

ఈ చిత్రంలో అజయ్, వివా హర్ష, కబీర్ దుహన్ సింగ్ కీలక పాత్రల్లో నటిస్తున్నారు. ఈ సినిమాను చరణ్జీవి, హేమలత పెడమల్లు నిర్మిస్తున్నారు. క్లాప్ ఎంటర్‌టైన్‌మెంట్ బ్యానర్‌పై తెరకెక్కుతున్న ఈ చిత్రాన్ని మైత్రీ మూవీ మేకర్స్ ప్రెజెంట్ చేస్తున్నారు. సంగీతాన్ని కాల భైరవ అందించారు.

విమానంలో జరిగే అనూహ్య సంఘటనలు, హాస్యం, ఉత్కంఠభరితమైన సన్నివేశాలతో జెట్‌లీ ప్రేక్షకులకు కొత్త అనుభూతిని ఇవ్వబోతుందనే నమ్మకాన్ని ఈ గ్లింప్స్ కలిగిస్తోంది. నవ్వులతో పాటు ఉత్కంఠను కూడా అందించే సినిమాగా ఇది నిలవనుందని.. అంచనాలు పెరుగుతున్నాయి. మరి ఈ సినిమా బాక్స్ ఆఫీస్ దగ్గర ఎలాంటి విజయం సాధిస్తుందో వేచి చూడాలి.