Irumudi Glimpse: మాస్ మహారాజా రవితేజ, సెన్సిబుల్ డైరెక్టర్ శివ నిర్వాణ కాంబినేషన్లో తెరకెక్కుతున్న క్రేజీ ప్రాజెక్ట్ ‘ఇరుముడి’ (Irumudi). మైత్రీ మూవీ మేకర్స్, టి-సిరీస్ ఫిలిమ్స్ సంయుక్తంగా నిర్మిస్తున్న ఈ సినిమాపై ఇప్పటికే టాలీవుడ్లో భారీ అంచనాలు ఉన్నాయి. తాజాగా ఈ చిత్రం నుంచి ‘ది హార్ట్ ఆఫ్ ఇరుముడి’ (The Heart of Irumudi) పేరుతో విడుదల చేసిన గ్లింప్స్ ప్రస్తుతం సోషల్ మీడియాలో తెగ వైరల్ అవుతోంది.
Read also-‘పెళ్ళైంది కాని NO కహాని’ సినిమా పోస్టర్ లాంఛ్ చేసిన హీరో రాజ్ తరుణ్..
సాధారణంగా రవితేజ సినిమాలంటే ఎనర్జిటిక్ డైలాగ్స్, మాస్ యాక్షన్ ఆశిస్తారు. కానీ, ఈ గ్లింప్స్లో రవితేజ సరికొత్త మేకోవర్లో, ఎంతో ఇంటెన్స్గా కనిపించారు. ఒక వైపు బాధ్యత గల తండ్రిగా సున్నితమైన భావోద్వేగాలను పండిస్తూనే, మరోవైపు తనదైన యాక్షన్ మార్క్ను చూపించారు. ఆయన కెరీర్లో ఇదొక భిన్నమైన చిత్రంగా నిలవనుందని గ్లింప్స్ హింట్ ఇస్తోంది.
ఈ గ్లింప్స్ పూర్తిగా తండ్రి, కూతురి మధ్య ఉండే అమాయకమైన, అందమైన బంధం చుట్టూ తిరిగింది. కూతురితో రవితేజ గడిపే సరదా క్షణాలు ప్రతీ ఒక్కరినీ ఆకట్టుకునేలా ఉన్నాయి. ఈ సంతోషకరమైన ప్రయాణంలోకి అయ్యప్ప భక్తి నేపథ్యం ఎలా వచ్చింది? కూతురు తన తండ్రికి ఇరుముడి కట్టే ఆ ఎమోషనల్ సీన్ వెనుక ఉన్న కథ ఏంటి? అనే ఆసక్తిని ఈ గ్లింప్స్ రేకెత్తించింది. “స్వామియే శరణం అయ్యప్ప” అనే భక్తిపూర్వక శ్లోకాలు, అయ్యప్ప మాలధారణ సీన్స్ సినిమాకు ప్రధాన బలంగా మారనున్నాయి.
Read also-‘కిల్లర్’ మూవీ సెట్లో విషాదం.. గ్యాస్ సిలిండర్ పేలి టెక్నీషియన్ మృతి
శివ నిర్వాణ మార్క్ ఎమోషన్స్, రవితేజ మార్క్ ఇంటెన్సిటీ కలగలిసిన ఈ చిత్రం భారీ అంచనాల మధ్య ఆగస్టు 2026 లో ప్రపంచవ్యాప్తంగా థియేటర్లలో గ్రాండ్గా విడుదల కానుంది. ఈ గ్లింప్స్ సినిమాపై అంచనాలను ఒక్కసారిగా పెంచేసిందని చెప్పడంలో ఎలాంటి సందేహం లేదు.
Share
చిన్న కిచెన్ కోసం అదిరిపోయే.. 5 స్పేస్-సేవింగ్ చిమ్నీలు ఇవే!
దుర్గంచెరువు కేబుల్ బ్రిడ్జిపై ఘోరం.. యువతి ఆత్మహత్య!
