MAD Junior: ‘మ్యాడ్ జూనియర్’ పూజా కార్యక్రమాలు పూర్తి.. స్పీడు మీదున్న నాగ వంశీ!

MAD Junior: ఇటీవల కాలంలో సినిమా ఇండస్ట్రీలో పెద్ద ఎత్తున సినిమాలు ఫ్రాంచైజీలుగా ప్రేక్షకుల ముందుకు రాబోతున్న సంగతి తెలిసిందే. ఒక సినిమా సక్సెస్ అయ్యిందిఅంటే ఆ సినిమాకు వరుసగా ఫ్రాంచైజీ సినిమాలు ప్రేక్షకుల ముందుకు వస్తున్నాయి. ఈ నేపథ్యంలోనే నాగ వంశీ నిర్మాతగా కళ్యాణ్ శంకర్ దర్శకత్వంలో తెరకెక్కిన సూపర్ హిట్ సినిమాలలో మ్యాడ్ సినిమా(Mad) ఒకటి. రామ్ నితిన్, నార్నే నితిన్, సంగీత్ శోభన్ ప్రధాన పాత్రలలో నటించిన ఈ సినిమా ప్రేక్షకుల ముందుకు వచ్చి మంచి సక్సెస్ కావడంతో ఈ సినిమాకు సీక్వెల్ గా మ్యాడ్ స్క్వేర్ సినిమా ప్రేక్షకుల ముందుకు వచ్చి మరో విజయాన్ని అందుకుంది. ఇక ఈ సినిమాకు మూడో భాగం కూడా ఉండబోతుందని ఇటీవల చిత్ర బృందం తెలియచేశారు.

మ్యాడ్ జూనియర్..

తాజాగా ఈ సినిమాకు సంబంధించి పూజ కార్యక్రమాలను ఎంతో ఘనంగా నిర్వహించారు. ఇందుకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈ సినిమాకు మ్యాడ్ జూనియర్(Mad Junior) అనే టైటిల్ పెట్టబోతున్నట్లు తెలియజేశారు. ఇక ఈ సినిమా హర్రర్ కామెడీ నేపథ్యంలో ప్రేక్షకుల ముందుకు రాబోతుందని తెలియజేశారు. ఈ సినిమా పూజ కార్యక్రమాలు పూర్తి కావడంతో రెగ్యులర్ షూటింగ్ పనులు కూడా త్వరలోనే ప్రారంభం కానున్నాయి. త్వరలోనే ఈ సినిమాకు సంబంధించి మరిన్ని వివరాలను అధికారికంగా వెల్లడించనున్నారు.

నెట్ ఫ్లిక్స్ చేతికి డిజిటల్ హక్కులు..

ఇక ఈ సినిమా సితార ఎంటర్టైన్మెంట్ బ్యానర్లో ప్రొడక్షన్ నెంబర్ 37 సినిమాగా ప్రేక్షకుల ముందుకు రాబోతోంది. అయితే ఈ సినిమా డిజిటల్ హక్కులను నెట్ ఫ్లిక్స్ కైవసం చేసుకున్నట్టు ఇటీవల నెట్ ఫ్లిక్స్ కూడా ఈ విషయాన్ని వెల్లడించింది. ఇక గత ఏడాది పలు సినిమాల ద్వారా నాగ వంశీ ప్రేక్షకుల ముందుకు వచ్చినప్పటికీ ప్రేక్షకుల నుంచి నిరాశ ఎదుర్కొన్నారు. ఇక ఈ ఏడాది సంక్రాంతి పండుగ సందర్భంగా నాగ వంశీ నిర్మాణంలో తెరకెక్కిన అనగనగా ఒక రాజు అనే సినిమా ద్వారా ప్రేక్షకుల ముందుకు వచ్చారు. ఈ సినిమాతో హిట్ కొట్టిన నాగ వంశీ తదుపరి సినిమాని కూడా ప్రారంభించారు.

హర్రర్ కామెడీ నేపథ్యంలో..

ఇక మ్యాడ్ జూనియర్ సినిమా కూడా త్వరలోనే రెగ్యులర్ షూటింగ్ పనులను ప్రారంభించుకోతున్నట్టు తెలుస్తుంది. ఈ సినిమా ఈసారి హర్రర్ కామెడీ నేపథ్యంలో ప్రేక్షకుల ముందుకు రాబోతుండడం విశేషం. అయితే ఇటీవల కాలంలో పెద్ద ఎత్తున సినిమాలు హర్రర్ కామెడీ నేపథ్యంలోనే విడుదలవుతున్నాయి. ఇక ఈ సినిమా కూడా హర్రర్ కామెడీ సినిమాగా ప్రేక్షకుల ముందుకు రాబోతున్న నేపథ్యంలో నాగవంశీ సాహసం చేస్తున్నారా? లేదా ఇదివరకు సినిమాలు మాదిరిగా మ్యాడ్ జూనియర్
తో హిట్ కొట్టబోతున్నారా అనేది తెలియాల్సి ఉంది.

Also Read: Manaswini Balabommala: ‘ కొక్కొరొకో’ సినిమాతో సినీ రంగ ప్రవేశం చేయనున్న మనస్విని బాల బొమ్మల