Samudra Warning: ”దానికి నాకు ఎలాంటి సంబంధం లేదు…నన్ను గాని మధ్యలోకి లాగారో మాములుగా ఉండదు” అంటూ ఘాటుగా వార్నింగ్ వదిలాడు డైరెక్టర్ సముద్ర. ఇంతకీ సముద్రకి కోపం తెప్పించిన ఈ న్యూస్ ఏంటో తెలుసా…భూ దందాల్లో ఆయన పేరుని కొంతమంది వాడుకుని ఆయన ఇమేజ్ ని డ్యామేజ్ చేయడమే.
అవును …ఆంద్రప్రదేశ్ ప్రభుత్వం ఏపీ సినీ వర్కర్స్ హౌసింగ్ సొసైటీ పేరుతో సినీ కార్మికులకి ఇళ్ళ స్థలాలు ఇస్తుందంటూ కొంతమంది అమాయకులైన కార్మికుల నుండి లక్షల రూపాయలు వసూలు చేస్తున్నారట. అయితే దీని వెనకాల ఉన్నది ఆంధ్రప్రదేశ్ చలనచిత్ర అభివృద్ధి సంస్థ (APFDC) నూతన డైరెక్టర్ అయిన సముద్రే అంటూ ఆ కేటుగాళ్ళు ప్రచారం చేయడంతో ఫైర్ అయ్యాడు ఈ వెటరన్ డైరెక్టర్.తనకు గాని, తన పదవికి కాని ఇందులో ఎలాంటి పాత్రా లేదని కుండ బద్దలు కొట్టేశాడు.
ఇంకా ఈ విషయంపై క్లారిటీ ఇస్తూ ఇదంతా కొందరు పనిగట్టుకుని ఆంద్రప్రదేశ్ ప్రభుత్వాన్ని ,APFDC పరువు తీసేందుకు ప్రయత్నిస్తున్నారని అసలు ఆంధ్రప్రదేశ్ చలనచిత్ర అభివృద్ధి సంస్థ ఎవరికీ ఎలాంటి స్థలాలు కేటాయించలేదని తేల్చి చెప్పాడు.ఎవరైనా అమ్మయకులైన సినీ కార్మికులని ఇలా ఇళ్ళ స్థలాల పేరుతో చీటింగ్ చేస్తే చూస్తూ ఊరుకోబోమని, తన పాత్ర ఇందులో ఉందని ఎవరైనా చెప్పినా, మీడియాలో వైరల్ చేసినా తగిన చర్యలు తీసుకుంటాయనంటూ మండిపడ్డాడు.
ఇక ఇలాంటి వసూళ్ళ రాయుళ్ళకి దూరంగా ఉండాలని, అలాంటి ఇళ్ళ స్థలాలని ఏమైనా కేటాయించేది ఉంటె అఫీషియల్ గా అనౌన్స్ చేస్తామని చెప్పుకొచ్చారు.కొత్తగా ఏర్పాటైన ఈ APFDC ఆంద్రప్రదేశ్ ముఖ్యమంత్రి నారా చంద్రబాబు ఆశయాలకి అనుగుణంగా ఏంతో పారదర్శకంగా పనిచేస్తుందని,ముందు ముందు వైజాగ్, రాజమండ్రి ప్రాంతాల్లో సినిమా ఇండస్ట్రీ మరింత డెవలప్ అయ్యేలా కృషి చేస్తామని తెలిపారు.ఇక ఇదే విషయమై ఏమైనా అనుమానాలు ఉంటె ఎఫ్డీసీ అధికారులను అడిగి తెలుసుకోవచ్చని తెలిపాడు.
ఇక సముద్ర విషయానికి వస్తే సింహరాశి సినిమాతో టాలీవుడ్ లో సాలిడ్ హిట్ తో ఎంట్రీ ఇచ్చాడు,ఇక శివరామరాజు, ఎవడైతే నాకేంటి,పంచాక్షరి,మహానంది,టైగర్ హరిశ్చంద్రప్రసాద్ వంటి పలు మంచి సినిమాలు ఈయన దర్శకత్వంలో తెరకెక్కినవే. క్రమంగా కాకతీయుడు, వైభవం అంటూ వరుసప్లాపులని తెరకెక్కించి ప్రస్తుతం ఏపీ ఎఫ్డీసీ డైరెక్టర్గా పగ్గాలు అందుకున్నాడు.చూడాలి మరి సముద్ర ఇచ్చిన వార్నింగ్ తో నైనా ఈ దందాలకి ఫుల్ స్టాప్ పడుతుందో లేదో !
also read:టాలీవుడ్లో రూ.1100 కోట్ల జూదం.. ఆ ఆరు సినిమాలు తేడా కొడితే అంతే సంగతులా?
Share
Chennai: రాఘవ లారెన్స్ డ్రాప్.. తిరుచ్చి నుంచి త్రిష ఖాయం?
IAS Transfers: 28 నెలలు.. 23 సార్లు ఇవి ప్రభుత్వ బదిలీలా.. లేక వారాంతపు సంతలా..?
