Andhra King Taluka : రామ్ తో అనిల్ రావిపూడి సినిమా? ఆ షో లో ఆసక్తికర వ్యాఖ్యలు

Andhra King Taluka : తెలుగు ఫిలిం ఇండస్ట్రీలో సక్సెస్ఫుల్ డైరెక్టర్స్ ప్రస్తావన వస్తే మొదటి వినిపించే పేరు రాజమౌళి. ఆ తర్వాత వరుసలో ఉండేది అనిల్ రావిపూడి. ఇప్పటివరకు అనిల్ రావిపూడి చేసిన ప్రతి సినిమా బాక్స్ ఆఫీస్ వద్ద మంచి ఫలితాన్ని పొందుతుంది. కొంతమంది అనిల్ రావిపూడి ని మినీ రాజమౌళి అని కూడా అంటారు. అనిల్ సినిమా భగవంత్ కేసరి మినహాయిస్తే మిగతా అన్ని సినిమాలు కూడా మంచి ఎంటర్టైన్మెంట్ గా ఉంటాయి.

ఎంటర్టైన్మెంట్ సినిమాలను అనిల్ రావిపూడి చాలా అద్భుతంగా రాస్తాడు. బాక్స్ ఆఫీస్ వద్ద ఆ సినిమాలు కూడా మంచి సక్సెస్ సాధిస్తుంటాయి. ఫ్యామిలీ ఆడియన్స్ ఆ సినిమాలకు విపరీతంగా బ్రహ్మరాదం పడతారు. అందుకే సంక్రాంతికి వస్తున్నాం వంటి సినిమాలకు దాదాపు 300 కోట్లకు పైగా కలెక్షన్స్ వచ్చాయి. తను దర్శకుడు అవ్వడానికంటే ముందు రచయితగా తన ప్రస్తానాన్ని మొదలుపెట్టాడు.

రామ్ తో అనిల్ సినిమా

అనిల్ రావిపూడి రచయితగా చాలా సినిమాలకు పనిచేశాడు అందులో రామ్ పోతినేని నటించిన కందిరీగ సినిమా ఒకటి. సంతోష్ దర్శకత్వంలో వచ్చిన ఆ సినిమా బాక్స్ ఆఫీస్ వద్ద మంచి సక్సెస్ సాధించింది. ఆ సినిమాలో ఎంటర్టైన్మెంట్ కూడా అద్భుతంగా వర్కౌట్ అయింది. అయితే దానిలో మంచి ఇన్వాల్వ్మెంట్ అనిల్ రావిపూడి కి ఉంది.

అనిల్ రావిపూడి దర్శకుడు అయిపోయిన తర్వాత రామ్ హీరోగా సినిమా చేయలేదు. అనిల్ రావిపూడి దర్శకుడుగా సినిమాలు చేస్తూనే ఒక షోకి జడ్జ్ గా వ్యవహరిస్తున్న సంగతి తెలిసిందే. సరిగమప షో కి రామ్ పోతినేని గెస్ట్ హాజరయ్యారు.

మన షో కు వచ్చాడు రామ్, ఆంధ్ర కింగ్ తాలూకా సినిమా ధూమ్ ధామ్. మా కాంబినేషన్ ఎప్పుడు వస్తుందో తెలియదు కానీ వచ్చినప్పుడు మాత్రం బద్దలై పోతుంది అంటూ అనిల్ రావిపూడి రామ్ ను ఉద్దేశిస్తూ చెప్పాడు. అనిల్ ఇచ్చిన ఈ స్టేట్మెంట్ తో రామ్ పోతినేని తో అనిల్ సినిమా చేస్తాడు అని క్లారిటీ వచ్చేసింది.

అనిల్ రేంజ్ మారిపోతుందా?

అనిల్ రావిపూడి సినిమాలు వరుస సక్సెస్ అవ్వడంతో ఇప్పుడు యంగ్ హీరోస్ తో పాటు సీనియర్ హీరోస్ కూడా తనకు డేట్స్ ఇచ్చి సినిమాలు చేస్తున్నారు. ఇదివరకే వెంకటేష్ హీరోగా సక్సెస్ అందుకున్నారు, బాలకృష్ణ హీరోగా సినిమా చేసి కూడా సక్సెస్ అందుకున్నాడు. ఇప్పుడు మెగాస్టార్ చిరంజీవి హీరోగా మన శంకర్ వరప్రసాద్ గారు అనే సినిమా చేస్తున్న సంగతి తెలిసిందే.

సంక్రాంతి కనుక ఈ సినిమా విడుదల కానుంది. మెగాస్టార్ చిరంజీవి కి ఏ రేంజ్ ఫ్యాన్ బేస్ ఉందో కొత్తగా చెప్పాల్సిన అవసరం లేదు. ఈ సినిమా సంక్రాంతికి రాబోతున్న ఎంటర్టైన్మెంట్ సినిమా కాబట్టి దీనికి కూడా పెద్ద ఎత్తున సక్సెస్ అయితే కలెక్షన్స్ వస్తాయి. ఇక్కడితో అనిల్ రేంజ్ కూడా కంప్లీట్ గా మారిపోతుంది అని కొంతమంది అభిప్రాయం.

Also Read: Dhanush: ఆ పాటను కేవలం కామెడీగా చేశాం, అదే శాపం అయింది