Film industry:సినీ ఇండస్ట్రీలో సెలబ్రిటీలు ఎప్పుడు ఎవరితో ప్రేమలో పడతారో తెలియదు. ఎవరిని పెళ్లి చేసుకుంటారో కూడా తెలియదు. అయితే అలా ప్రేమించి పెళ్లి చేసుకున్న కొన్ని జంటలు సంతోషంగా జీవిస్తూ.. అందరికీ ఆదర్శంగా నిలిస్తే.. మరికొన్ని జంటలు అనూహ్యంగా విడిపోయి ఆశ్చర్యపరుస్తున్నారు. ఈ క్రమంలోనే ప్రముఖ సంగీత దర్శకుడు, సినీ నటుడు జీవీ ప్రకాష్ కుమార్ (GV Prakash Kumar) , ప్రముఖ గాయని సైంధవి (Saindhavi ) ప్రేమించి పెళ్లి చేసుకున్న విషయం తెలిసిందే. అయితే 12 ఏళ్ల వైవాహిక బంధానికి స్వస్తి పలుకుతూ ఇటీవల విడాకులు కోరుతూ కోర్టును ఆశ్రయించారు. ఇక తాజాగా వీరికి చెన్నై ఫ్యామిలీ కోర్టు విడాకులు మంజూరు చేస్తూ తీర్పు ఇచ్చింది.. ఈ విషయం ఇప్పుడు సోషల్ మీడియాలో వైరల్ గా మారుతోంది.
2013లో జీవీ ప్రకాష్ కుమార్ తన స్కూల్ స్నేహితురాలు అయిన సైంధవిని ప్రేమించి మరీ వివాహం చేసుకున్నారు. వీరికి ఒక కుమార్తె కూడా ఉంది. కానీ 12 ఏళ్ల వివాహం బంధం తర్వాత విడిపోవాలని నిర్ణయించుకున్న వీరు.. విడాకుల కోరుతూ ఈ ఏడాది చెన్నై ఫ్యామిలీ కోర్టులో పిటిషన్ దాఖలు చేశారు. వీరిలో మార్పు వస్తుందని, కలిసిపోతారని ఫ్యామిలీ కోర్టు వీరికి కౌన్సిల్ కూడా ఇచ్చినా వీరు మాత్రం తమ నిర్ణయాన్ని మార్చుకోలేదు. దీంతో ఇప్పుడు వీళ్లకు విడాకులు మంజూరు చేసింది చెన్నై ఫ్యామిలీ కోర్టు.
జీవీ ప్రకాష్ కుమార్ కెరియర్ విషయానికి వస్తే.. మ్యూజిక్ డైరెక్టర్ గా, సింగర్ గా, నటుడిగా, నిర్మాతగా కూడా పేరు సొంతం చేసుకున్నారు. ముఖ్యంగా తమిళ్ సినీ ఇండస్ట్రీలో తనకంటూ భారీ పాపులారిటీ అందుకున్న ఈయన.. 2015లో వచ్చిన డార్లింగ్ అనే సినిమాతో నటన రంగంలోకి అడుగు పెట్టారు. కానీ 2006 లోనే వెయిల్ అనే చిత్రంతో భారీ పాపులారిటీ సొంతం చేసుకున్నారు. తన సినీ కెరియర్లో రెండు నేషనల్ అవార్డులు, మూడు ఫిలింఫేర్ అవార్డులు అందుకున్న ఈయన.. మూడు సైమా అవార్డులను కూడా దక్కించుకున్నారు. జీవి ప్రకాష్ కుమార్ ఎవరో కాదు దిగ్గజ ఆస్కార్ గ్రహీత, సంగీత దర్శకులు ఏఆర్ రెహమాన్ (AR Rahman) కు స్వయానా మేనల్లుడు అవుతారు. జీవి ప్రకాష్ తండ్రి ప్రకాష్ కుమార్ జి వెంకటేష్ , తల్లి భవానీ శ్రీ.. ఈమె కూడా చిత్ర పరిశ్రమలో కొనసాగుతున్నారు.
సైంధవి కెరియర్ విషయానికి వస్తే.. చెన్నై తమిళనాడులో జన్మించిన ఈమె సింగర్ గా మంచి పేరు సొంతం చేసుకుంది. ముఖ్యంగా కర్ణాటక సంగీత గాయనిగా, నేపథ్య గాయనిగా పేరు దక్కించుకున్న ఈమె.. 12 సంవత్సరాల వయసు నుండే ప్రదర్శనలు ఇస్తూ ఊహించని క్రేజ్ సొంతం చేసుకుంది. 2005లోనే తమిళంలో పాటలు పాడడం మొదలుపెట్టిన ఈమె.. పలు చిత్రాలకు అద్భుతమైన గాత్రాన్ని అందిస్తూ పేరు సొంతం చేసుకుంది. ఈ నేపథ్యంలోనే జీవి ప్రకాష్ తో పరిచయం ఏర్పడి పెళ్లి చేసుకోగా ఇప్పుడు విడాకులు తీసుకున్నారు.
ALSO READ:Dimple Hayathi:హీరోయిన్ డింపుల్ హయాతిపై క్రిమినల్ కేస్… అసలేం జరిగిందంటే?
Share
Dimple Hayathi:హీరోయిన్ డింపుల్ హయాతిపై క్రిమినల్ కేస్... అసలేం జరిగిందంటే?
Viral Video: కొండ మీది నుంచి కొడుకును విసిరేసిన ఇన్ఫ్లుయెన్సర్, ఆ తర్వాత ఏం జరిగిందంటే?
