V.K.Naresh:ఘట్టమనేని వారసుడిగా, దివంగత నటుడు రమేష్ బాబు (Ramesh Babu) కొడుకుగా ఇండస్ట్రీలోకి అడుగుపెడుతున్న జయకృష్ణ (Jaya Krishna) ‘శ్రీనివాస మంగాపురం’ సినిమాతో జూలై 30న ప్రేక్షకుల ముందుకు రాబోతున్నారు. రవీనా టాండన్ (Raveena Tandon) కూతురు రషా తడానీ (Rasha Thadani) హీరోయిన్గా ఇండస్ట్రీకి పరిచయమవుతోంది. విడుదల తేదీ దగ్గర పడుతున్న నేపథ్యంలో హైదరాబాద్ ప్రసాద్ ల్యాబ్స్లో జరిగిన ‘శ్రీనివాస మంగాపురం’ సినిమా ప్రెస్ మీట్ సందడిగా సాగింది. ఈ చిత్రంతో ఘట్టమనేని వారసుడు జయకృష్ణ నటన, కృష్ణగారి సినీ వారసత్వంపై నరేష్ పంచుకున్న అభిప్రాయాలు సినిమాపై మంచి అంచనాలు పెంచాయి. అంతేకాదు ఈవెంట్లో వీకే నరేష్ (VK Naresh), నటుడు బ్రహ్మాజీ (Brahmaji)పై చేసిన వ్యాఖ్యల కారణంగా ఆయన స్టేజ్ దిగి వెళ్లిపోయారు. అందుకు సంబంధించిన వీడియో కూడా వైరల్ గా మారింది. మరి వీకే నరేష్ బ్రహ్మాజీని ఏమన్నారు? ఎందుకు ఆయన స్టేజ్ దిగి వెళ్లిపోయారు? అనే విషయాలు ఇప్పుడు చూద్దాం..
ప్రెస్ మీట్లో సీనియర్ నటుడు నరేష్ మాట్లాడుతూ.. జయకృష్ణను చిన్నప్పటి నుంచి చూస్తున్నానని చెప్పారు. జయకృష్ణ ఎదుర్కొంటున్న కృష్ణగారి లెగసీ గురించి ప్రస్తావిస్తూ.. “లెగసీ అనేది ఎప్పుడూ భారం కాదు, అది ఒక పెద్ద బాధ్యత” అని స్పష్టం చేశారు. ఈ సినిమాలో పాటలు, హీరో హీరోయిన్ల మధ్య ఉండే ఎమోషనల్ సీన్లు ప్రేక్షకులను థియేటర్లకు రప్పించడం ఖాయమని నరేష్ ధీమా వ్యక్తం చేశారు.
సినిమా షూటింగ్ విశేషాలను పంచుకుంటూ, దర్శకుడు అజయ్ భూపతి దగ్గర తాను చాలాసార్లు తిట్లు తినడానికి బ్రహ్మాజీయే కారణమని నరేష్ కామెంట్ చేశారు. “ఇలాంటి వాళ్లు ఇండస్ట్రీలో ఉండొచ్చా? ఉండకూడదా? నాకైతే తెలియదు” అంటూ నరేష్ బ్రహ్మాజీపై కామెంట్లు చేశారు.
also read:బాలకృష్ణను పరామర్శించిన ఏపీ ముఖ్యమంత్రి!
నరేష్ వ్యాఖ్యలకు స్పందిస్తూ.. బ్రహ్మాజీ స్టేజ్ పైనుంచి కిందకు వెళ్లిపోతుండగా, నరేష్ వెంటనే అందుకుని “హలో! నీకు పని ఉంటే వెళ్లిపో.. కానీ నా పేరు పెట్టి వెళ్లొద్దు. నీకు వేరే సినిమా షూటింగ్ ఉందనే వెళ్తున్నావని నాకు తెలుసు.. గడ్డం కూడా పెంచుతున్నావ్!” అంటూ ఆటపటాయించారు. దాంతో బ్రహ్మాజీ నవ్వుకుంటూ మళ్లీ స్టేజ్పైకి వెళ్లడంతో అక్కడ అంతా నవ్వుల పూవులు పూసాయి.
ఘట్టమనేని కుటుంబ వారసుడు జయకృష్ణ హీరోగా, ఆకట్టుకునే కథనాలతో మెప్పించే దర్శకుడు అజయ్ భూపతి తెరకెక్కించిన తాజా చిత్రం ‘శ్రీనివాస మంగాపురం’. ఈ సినిమాలో బాలీవుడ్ నటి రవీనా టాండన్ కుమార్తె రషా థడానీ కథానాయికగా నటిస్తుండగా, ఇప్పటికే విడుదలైన ట్రైలర్,పాటలు సినిమాపై మంచి అంచనాలను పెంచేశాయి. ఈ మోస్ట్ అవైటెడ్ మూవీ ఈ నెల 30న థియేటర్లలోకి రానుంది.
జయ్ భూపతి దర్శకత్వంలో తెరకెక్కిన ఈ ప్రేమకథా చిత్రంపై చిత్ర బృందం ఎంతో నమ్మకంతో ఉంది. సీనియర్ నటులు నరేష్, బ్రహ్మాజీల మధ్య ఉన్న మంచి స్నేహం, ఈ ప్రెస్ మీట్లో వారు పంచిన ఫన్ వాతావరణం నెటిజన్లను ఎంతగానో ఆకట్టుకుంది. ఈ సరదా సన్నివేశాల వీడియో ప్రస్తుతం సోషల్ మీడియాలో వైరల్ అవుతోంది.
ఇలాంటి వాళ్ళు ఇండస్ట్రీ లో ఉండొచ్చా ? ఉండకూడదా? నాకు తెలియదు..
Hello నీకు పని ఉంటే వెళ్లిపో నా పేరు పెట్టి వెళ్లొద్దు.
🤣🤣🤣🤣 pic.twitter.com/LE0cD964tQ
— Rajesh Manne (@rajeshmanne1) July 26, 2026
Share
మడ అడవుల సంరక్షణలో ఆంధ్రప్రదేశ్ రికార్డు.. అటవీ శాఖకు పవన్ కళ్యాణ్ ప్రశంసలు
సోషల్ మీడియా రీల్స్ నమ్మితే అంతే సంగతులు.. రాంచందర్ రావు!
