పెళ్లి పీటలెక్కబోతున్న అనిరుధ్ రవిచంద్రన్!.. పెళ్లి కూతురు ఎవరో తెలిస్తే షాక్ అవుతారు!

Anirudh Kavya: ప్రముఖ సంగీత దర్శకుడు అనిరుధ్ రవిచందర్, సన్‌రైజర్స్ హైదరాబాద్ (SRH) కో-ఓనర్ కావ్య మారన్‌ల గురించిన తాజా పుకార్లు సోషల్ మీడియాలో మళ్లీ హల్‌చల్ చేస్తున్నాయి. వీరిద్దరూ త్వరలోనే వివాహం చేసుకోబోతున్నారని గత కొన్ని రోజులుగా పలు ఆన్‌లైన్ పోస్ట్‌లు, అభిమానుల పేజీలు క్లెయిమ్ చేస్తున్నాయి. ఈ ఏడాది చివరలోగా వీరి వివాహం జరగవచ్చని, అది కూడా భారతదేశంలో కాకుండా మరెక్కడైనా జరగవచ్చని ఊహాగానాలు వినిపిస్తున్నాయి. అయితే, సోషల్ మీడియాలో వీరి పెళ్లి గురించి ఇన్ని వార్తలు చక్కర్లు కొడుతున్నప్పటికీ, అనిరుధ్ కానీ, కావ్య మారన్ కానీ దీనిపై ఎలాంటి అధికారిక ప్రకటన చేయలేదు.

అనిరుధ్, కావ్య పెళ్లిపై..

తాజా పుకార్ల ప్రకారం.. వీరిద్దరి తల్లిదండ్రులు ఈ పెళ్లికి అంగీకరించారని, వివాహం స్పెయిన్‌లో జరగనుందని, ఆ తర్వాత చెన్నైలో గ్రాండ్‌గా రిసెప్షన్ వేడుక నిర్వహించనున్నారని ప్రచారం జరుగుతోంది.

అయినప్పటికీ, ప్రస్తుతం ఈ పెళ్లి వార్తలన్నీ కేవలం పుకార్లు మాత్రమేనని స్పష్టమవుతోంది. అనిరుధ్ రవిచందర్ గానీ, కావ్య మారన్ గానీ తమ సంబంధం గురించి లేదా పెళ్లి ప్లాన్స్ గురించి ఎక్కడా బహిరంగంగా మాట్లాడలేదు. నిజానికి, ఇలాంటి పుకార్లు రావడం ఇది మొదటిసారి కాదు. గతంలో కూడా సోషల్ మీడియా ప్లాట్‌ఫారమ్‌లలో ఇలాంటి వార్తలు జోరుగా ప్రచారం అయ్యాయి, కానీ ఎలాంటి అధికారిక అప్‌డేట్ లేకపోవడంతో ఆ తర్వాత అవి సద్దుమణిగాయి.

పుకార్లపై స్పందించిన అనిరుధ్

గతంలో కూడా ఇలాంటి పెళ్లి పుకార్లు వచ్చినప్పుడు, అనిరుధ్ రవిచందర్ ‘X’ (ట్విట్టర్) వేదికగా స్పందించారు. ఆ గాసిప్స్‌కు సమాధానమిస్తూ.. “కల్యాణమా? (పెళ్లా?) లోల్… కామ్ గా ఉండండి ఫ్రెండ్స్, ఇలాంటి పుకార్లను వ్యాప్తి చేయడం ఆపండి” అని రాశారు. అప్పట్లో ఆయన ఇచ్చిన సమాధానం వైరల్‌గా మారి, ఆ ఊహాగానాలకు తాత్కాలికంగా బ్రేక్ వేసింది. ఇప్పుడు మళ్లీ ఈ పుకార్లు తెరపైకి రావడంతో, అభిమానులు ఆయన పాత పోస్ట్‌కు సంబంధించిన స్క్రీన్‌షాట్‌లను సోషల్ మీడియాలో షేర్ చేస్తున్నారు. వీరిద్దరి మధ్య రిలేషన్ ఉందంటూ చాలా మంది ఊహిస్తున్నప్పటికీ, ప్రస్తుతం ఇంటర్నెట్‌లో చక్కర్లు కొడుతున్న పెళ్లి వార్తలకు ఎలాంటి నమ్మదగిన ఆధారాలు లేవు.

అభిమానుల రియాక్షన్స్

ఎలాంటి అధికారిక స్పష్టత లేనప్పటికీ, సోషల్ మీడియా వినియోగదారులు ఈ పుకార్లపై గట్టిగానే స్పందిస్తున్నారు. కొంతమంది అభిమానులు ఎంతో ఉత్సాహంగా “ఫైనల్‌గా బ్రో పెళ్లి జీవితంలోకి అడుగుపెడుతున్నాడు” అని కామెంట్లు పెడుతుండగా, మరికొందరు ఈ వార్త నిజమా లేక అబద్ధమా? అని ప్రశ్నిస్తున్నారు. త్వరలోనే అధికారిక ప్రకటన వచ్చే అవకాశం ఉందని కొన్ని పోస్ట్‌లు పేర్కొంటున్నాయి, కానీ వీటిలో దేనికీ ఎలాంటి ఆధారాలు లేవు. ఒకవేళ ఈ వార్తలు నిజమైతే, అనిరుధ్ రవిచందర్, కావ్య మారన్‌లు సంతోషంగా ఉండాలని పలువురు అభిమానులు ఆకాంక్షిస్తున్నారు. ఏదేమైనా, ఇరుపక్షాల నుండి అధికారిక ప్రకటన వచ్చే వరకు ఈ పెళ్లి వార్త కేవలం ఒక ఊహాగానం మాత్రమే.