హీరోయిన్ శ్రీలీలకు ఘోర అవమానం.. నెట్టింట వైరల్ అవుతున్న వీడియో!

Sreeleela controversy: అంతర్జాతీయ యోగా దినోత్సవ వేడుకల సందర్భంగా ముంబైలో జరిగిన ఒక సంఘటన ప్రస్తుతం సోషల్ మీడియాలో తీవ్ర చర్చనీయాంశమైంది. టాలీవుడ్ స్టార్ హీరోయిన్ శ్రీలీల పట్ల మహారాష్ట్ర డిప్యూటీ సీఎం దేవేంద్ర ఫడణవీస్ భార్య అమృతా ఫడణవీస్ ప్రవర్తించిన తీరుపై నెటిజన్లు తీవ్ర విమర్శలు గుప్పిస్తున్నారు. ఒక పబ్లిక్ ఈవెంట్‌లో సెలబ్రిటీ అని కూడా చూడకుండా శ్రీలీలను అవమానించేలా అమృత వ్యవహరించారంటూ నెట్టింట ఆగ్రహం వ్యక్తమవుతోంది.

అసలేం జరిగింది?

జూన్ 21న ముంబైలో నిర్వహించిన అంతర్జాతీయ యోగా దినోత్సవ ఈవెంట్‌కు అమృతా ఫడణవీస్, ఆమె కుమార్తె దివిజతో పాటు నటి శ్రీలీల కూడా ముఖ్య అతిథులుగా హాజరయ్యారు. కార్యక్రమం ముగిసిన తర్వాత మీడియా ప్రతినిధులు ఫొటోలు తీసుకునేందుకు ముందుకు వచ్చారు. మొదట అమృత, ఆమె కుమార్తె, శ్రీలీల ముగ్గురూ కలిసి కెమెరాలకు నవ్వుతూ పోజులిచ్చారు.

అయితే, ఆ తర్వాత అక్కడున్న జర్నలిస్టులు అమృత, ఆమె కుమార్తెను మాత్రమే విడిగా ఫొటో ఇవ్వాలని కోరారు. దాంతో అమృతా ఫడణవీస్ పక్కనే ఉన్న శ్రీలీలను ఉద్దేశించి, చేతి వేలితో సైగ చేస్తూ పక్కకు వెళ్లాలని చెప్పారు. అమృత అంతలా వేలు చూపించి మాట్లాడటంతో శ్రీలీల ఒక్కసారిగా షాక్‌కు గురైంది. కాస్త అసౌకర్యంగా ఫీలైనప్పటికీ, వెంటనే తేరుకుని చిరునవ్వుతో అక్కడి నుంచి పక్కకు తప్పుకుంది.

నెట్టింట వెల్లువెత్తుతున్న విమర్శలు

ఈ ఘటనకు సంబంధించిన వీడియో సోషల్ మీడియాలో వైరల్‌గా మారడంతో నెటిజన్లు, ముఖ్యంగా శ్రీలీల అభిమానులు అమృతా ఫడణవీస్ తీరుపై మండిపడుతున్నారు. అంత మంది మీడియా ప్రతినిధుల ముందు నోటితో గౌరవంగా చెప్పకుండా, అలా వేలు చూపించి పక్కకు వెళ్లమనడం అమృత అహంకారానికి, సంస్కారహీనతకు నిదర్శనమని నెటిజన్లు విమర్శిస్తున్నారు. అంత పెద్ద అవమానం జరిగినప్పటికీ శ్రీలీల ఏమాత్రం అసహనం ప్రదర్శించకుండా, చాలా హుందాగా నవ్వుతూ పక్కకు వెళ్లడాన్ని అందరూ మెచ్చుకుంటున్నారు. “శ్రీలీల తన మెచ్యూరిటీని చాటుకుంది” అని కొనియాడుతున్నారు. ప్రస్తుతం ఈ వీడియో ఇన్స్టాగ్రామ్, ఎక్స్ (ట్విట్టర్) వేదికల్లో విపరీతంగా ట్రోల్ అవుతోంది. విమర్శలు వస్తున్నప్పటికీ ఈ వివాదంపై అటు అమృతా ఫడణవీస్ గానీ, ఇటు శ్రీలీల గానీ ఇప్పటివరకు ఎలాంటి ప్రకటన చేయలేదు.

శ్రీలీలతో సీఎం భార్య ప్రవర్తనపై విమర్శలు

అంతర్జాతీయ యోగా దినోత్సవ వేడుకల్లో హీరోయిన్ శ్రీలీలతో మహారాష్ట్ర మాజీ సీఎం దేవేంద్ర ఫడణవీస్ భార్య అమృత ప్రవర్తించిన తీరుపై నెట్టింట విమర్శలు వ్యక్తమవుతున్నాయి. తొలుత అమృత, ఆమె కుమార్తె, శ్రీలీల కలిసి ఫొటోలకు పోజులిచ్చారు. ఆ తర్వాత… pic.twitter.com/NJEJoyxkE4

— ChotaNews App (@ChotaNewsApp) June 22, 2026