Akhanda 2 Day 2 collections: రూ.50 కోట్ల క్లబ్ లో అఖండ 2.. పడిపోయిన కలెక్షన్లు!

Akhanda 2 Day 2 collections: నందమూరి బాలకృష్ణ (Balakrishna)నటించిన తాజా చిత్రం ఆఖండ 2(Akhanda 2). పాన్ ఇండియా స్థాయిలో ఈ సినిమా డిసెంబర్ 12వ తేదీ ప్రేక్షకుల ముందుకు వచ్చింది. అయితే ఈ సినిమా విడుదలకు ముందు భారీ స్థాయిలో అంచనాలు ఉన్నాయి కానీ విడుదలైన తర్వాత పెద్దగా ప్రేక్షకులను ఆకట్టుకోలేక పోయిందని చెప్పాలి. ఈ సినిమా డిసెంబర్ 11వ తేదీ ప్రీమియర్లు ప్రసారం కాగా 12వ తేదీ ప్రేక్షకుల ముందుకు వచ్చింది. ఇలా రెండు రోజులు విజయవంతంగా పూర్తి చేసుకున్న ఈ సినిమా అనుకున్న స్థాయిలో కలెక్షన్లను కూడా రాబట్ట లేకపోయిందని తెలుస్తుంది ఇక రెండో రోజు కలెక్షన్ల విషయానికి వస్తే ప్రపంచవ్యాప్తంగా ఈ సినిమా 58 కోట్ల కలెక్షన్లను రాబట్టినట్టు తెలుస్తుంది.

పడిపోయిన అఖండ 2 కలెక్షన్లు..

50 కోట్ల క్లబ్ లోకి అడుగుపెట్టినప్పటికీ రెండో రోజు మాత్రం భారీగా కలెక్షన్లు పడిపోయాయని తెలుస్తోంది. ట్రేడ్ వర్గాల సమాచారం ప్రకారం ఈ సినిమా రెండవ రోజు అయిన శనివారం కేవలం 15.50 కోట్ల నెట్ కలెక్షన్లను సాధించినట్లు తెలుస్తోంది. మొదటి రోజుతో పోలిస్తే రెండో రోజు కలెక్షన్లు భారీగా పడిపోయాయి. ఈ సినిమా విడుదలకు ముందు పెద్ద ఎత్తున అంచనాలు ఉన్న నేపథ్యంలో భారీ స్థాయిలో ప్రీ రిలీజ్ బిజినెస్ జరిగింది. ఈ క్రమంలోనే బ్రేక్ ఈవెన్ టార్గెట్ కూడా భారీగానే ఉందని తెలుస్తుంది.

భారీగా ప్రీ రిలీజ్ బిజినెస్..

ఈ సినిమా ప్రపంచ వ్యాప్తంగా 145 కోట్ల రూపాయల ప్రీ రిలీజ్ బిజినెస్ జరుపుకున్నట్టు సమాచారం. ఈ నేపథ్యంలోనే బాక్సాఫీస్ వద్ద ఈ సినిమా బ్రేక్ ఈవెన్ సాధించి లాభాల బాటలో పయనించాలి అంటే సుమారు 150 కోట్ల రూపాయల షేర్ కలెక్షన్లతో పాటు 300 కోట్ల రూపాయల గ్రాస్ కలెక్షన్లను కూడా రాబట్టాల్సి ఉందని తెలుస్తోంది.. అయితే ఈ సినిమా కలెక్షన్లు చూస్తుంటే మాత్రం బ్రేక్ ఈవెంట్ కు చాలా దూరంలోనే ఉందని తెలుస్తోంది. ఇక క్రిస్మస్ పండుగ వరకు ఎలాంటి సినిమాలు లేని నేపథ్యంలో కలెక్షన్లు పెరిగే అవకాశాలు ఉన్నాయని తెలుస్తోంది..

అఖండ 2 బ్రేక్ ఈవెన్ అయ్యేనా..

ఇక డిసెంబర్ 25వ తేదీ పెద్ద ఎత్తున సినిమాలు విడుదల కానున్న సంగతి తెలిసిందే. క్రిస్మస్ పండుగ సందర్భంగా విడుదలయ్యే సినిమాలకు మంచి పాజిటివ్ టాక్ వస్తే అఖండ 2 బ్రేక్ ఈవెన్ అవ్వటం కూడా కష్టమేనని తెలుస్తోంది. ఈ సినిమా రొటీన్ కథతో రావడమే సినిమాకు మైనస్ గా మారిందని చెప్పాలి. ఇక ఈ సినిమాలో బాలకృష్ణ ద్విపాత్రాభినయంలో నటించిన సంగతి తెలిసిందే. బోయపాటి బాలకృష్ణ కాంబినేషన్ లో సినిమా అంటేనే సినిమాల పట్ల మంచి అంచనాలు ఉంటాయి కానీ ఈ సినిమా మాత్రం అనుకున్న స్థాయిలో అంచనాలను చేరుకోలేకపోయింది. ప్రస్తుతం మిక్స్డ్ టాక్ తో ఈ సినిమా ప్రదర్శితమవుతుంది.

Also Read: Mowgli Day 1 collections: రోషన్ కనకాల మోగ్లీ డే 1 వరల్డ్ వైడ్ కలెక్షన్..