Danger Signs: మరణాన్ని ముందే పసిగట్టే అవకాశాలుంటే.. ఈ లోకంలో చాలా వరకు చావులను మనం ఆపేయొచ్చు. కానీ, అది అసాధ్యం. అయితే, మీరు తలచుకుంటే అది సాధ్యమే అంటున్నారు. అదెలా అనుకుంటున్నారా? తాజాగా ఓ అధ్యయనం.. పలు కీలక విషయాలను వెల్లడించింది. మరణానికి గంట ముందే మన శరీరం కొన్ని సిగ్నల్స్ ఇస్తుందట. అవేంటో తెలుసుకుంటే మాత్రం తప్పకుండా మరణం నుంచి తప్పించుకోవచ్చట. మరి ఏంటా సిగ్నల్స్? అవి ఎలా ఉంటాయో చూసేద్దామా?
మన మనస్సు ఏదైనా విషయాన్ని గుర్తించకముందే.. మన శరీరం ప్రతిస్పందిస్తుందని మీకు తెలుసా? ఒక్కో సారి మనకు తెలియకుండానే గుండె వేగంగా కొట్టుకోవడం, ఒళ్లు జలదరించడం లేదా కడుపులో ఏదో అలజడిగా అనిపించడం జరుగుతుంటుంది. దీనినే మనం ‘అంతర్వాణి’ అంటాము. మన శరీరం మనకంటే ముందే రాబోయే ప్రమాదాలను లేదా మార్పులను పసిగట్టగలదని చాలా పరిశోధనల్లో రుజువైంది. దీనికి సంబంధించిన ఆసక్తికరమైన అంశాలను ఇప్పుడు తెలుసుకుందాం.
1. మన శరీరం – ఒక అద్భుతమైన అలారం:
పరిశోధనల ప్రకారం.. మన మెదడులోని తార్కిక విభాగం ఒక విషయాన్ని విశ్లేషించడానికి ముందే, మన హృదయ స్పందనలు, మెదడు తరంగాల ప్రతిస్పందిస్తాయి. ఇది మన పూర్వీకుల నుంచి మనకు అందిన ఒక పురాతన మనుగడ వ్యవస్థ . అడవిలో ఉన్నప్పుడు ఏదైనా క్రూర మృగం కనిపిస్తుందని అనుమానం రాగానే.. శరీరం వెంటనే ‘ఫైట్ ఆర్ ఫ్లైట్’ మోడ్లోకి వెళ్లేది. నేటి ఆధునిక కాలంలో ఆ క్రూర మృగాలు లేకపోయినా.. మన బాడీ సిగ్నల్స్ మాత్రం అలాగే పని చేస్తున్నాయి.
2. ‘గట్ ఫీలింగ్’ అంటే ఏంటి ?
మన కడుపుని ‘రెండవ మెదడు’ అని పిలుస్తారు. మన పేగుల్లో మిలియన్ల కొద్దీ నరాల కణాలు ఉంటాయి. దీనినే ఎంటెరిక్ నెర్వస్ సిస్టమ్ అంటారు. మనం ఏదైనా ముఖ్యమైన నిర్ణయం తీసుకునేటప్పుడు లేదా ఎవరినైనా కొత్త వ్యక్తిని కలిసినప్పుడు కడుపులో ఒక రకమైన ఆందోళన కలిగితే.. అది మీ శరీరం మీకు ఇస్తున్న హెచ్చరిక కావచ్చు. మన అంతరాత్మ చెప్పే మాటలు తరచుగా ఈ శారీరక మార్పుల ద్వారానే వ్యక్తమవుతాయి.
3. సైన్స్ ఏం చెబుతోంది ?
అనేక అధ్యయనాల ప్రకారం.. మన కళ్ళు చూసే ప్రతి చిన్న విషయాన్ని మన మెదడు స్పృహతో గమనించలేదు. కానీ.. మన ఉపచేతన మనస్సు చుట్టు పక్కల ఉన్న సూక్ష్మమైన మార్పులను కూడా రికార్డ్ చేస్తుంది. ఉదాహరణకు.. ఒక వ్యక్తి ప్రవర్తనలో తేడాను మీ కళ్ళు గమనించినా.. మీ మెదడు దాన్ని గుర్తించకపోవచ్చు. కానీ మీ శరీరం మాత్రం ఆ వ్యక్తి నుంచి వచ్చే ‘నెగటివ్ వైబ్స్’ను పసిగట్టి మీకు చలి వేయడం లేదా అసౌకర్యంగా అనిపించేలా చేయడం చేస్తుంది.
4. నెగటివ్ వైబ్స్ని మీరు నమ్ముతారా?
చాలామంది నెగటివ్ వైబ్స్కు ప్రాధాన్యం ఇవ్వరు. “ఇది కేవలం నా భ్రమ” అని కొట్టిపారేస్తారు. కానీ.. జీవితంలో కీలక నిర్ణయాలు తీసుకునేటప్పుడు.. మీ ‘నెగటివ్ వైబ్స్’ను గమనించడం చాలా ముఖ్యం.
అపాయం పొంచి ఉన్నప్పుడు: ఎక్కడికైనా వెళ్తున్నప్పుడు మనసులో ఏదో కీడు శంకిస్తే.. ఒక్క క్షణం ఆగి ఆలోచించడం మంచిది.
సరైన నిర్ణయం కోసం: మీరు తీసుకుంటున్న నిర్ణయం సరైనదే అయితే.. మీ మనసు ప్రశాంతంగా ఉంటుంది. ఒకవేళ అది తప్పు అనిపిస్తే.. లోలోపల ఒక విధమైన సంఘర్షణ మొదలవుతుంది.
Also Read: వినడానికి వింతగా ఉన్నా.. ఫ్రిజ్లో టాయిలెట్ పేపర్ పెడితే జరిగే మ్యాజిక్ ఇదే !
5. జాగ్రత్తలు ?
నిశ్శబ్దంగా ఉండటం: ప్రతి రోజూ కొద్దిసేపు ధ్యానం చేయడం వల్ల మీ శరీరం ఇచ్చే సిగ్నల్స్ను మీరు సులభంగా పట్టుకోగలరు.
శరీరాన్ని గమనించడం: ఒత్తిడి కలిగినప్పుడు మీ శరీరంలో ఎక్కడ మార్పు వస్తుందో గమనించండి (ఉదాహరణకు తలనొప్పి లేదా కడుపులో తిప్పడం).
అనుభవాల నుంచి నేర్చుకోవడం: గతంలో మీరు మీ గట్ ఫీలింగ్’ విననప్పుడు ఏం జరిగిందో గుర్తు తెచ్చుకోండి
Share
Tripura Student Death: డెహ్రాడూన్లో దారుణం.. త్రిపుర విద్యార్థి హత్య! ఇది ద్వేషపూరిత నేరమే: రాహుల్ గాంధీ ఆగ్రహం
Bangladesh: బంగ్లాదేశ్లో హిందువుల ఇళ్లకు నిప్పు పెట్టిన అల్లరిమూకలు.. మరీ ఇంత దారుణమా?
