జుట్టు పొడవుగా, బలంగా పెరగాలని ఎంతో మంది మహిళల కోరిక. కానీ కాలుష్యం, ఒత్తిడి, తప్పుడు ఆహారం, ఎక్కువగా కెమికల్ ఉత్పత్తుల వాడకం వల్ల జుట్టు బలహీనంగా మారుతోంది. అలాంటి జుట్టు మళ్లీ బలంగా పెరగాలంటే బావోబాబ్ ఆయిల్ వాడితే ఎంతో మంచిది.
బావోబాబ్ ఆయిల్ అంటే ఏమిటి?
బావోబాబ్ చెట్టు ప్రధానంగా ఆఫ్రికా ప్రాంతాల్లో కనిపిస్తుంది. ఈ చెట్టును ట్రీ ఆఫ్ లైఫ్ అని కూడా పిలుస్తారు. ఈ చెట్టు గింజల నుంచి తీసే నూనెనే బావోబాబ్ ఆయిల్. ఇందులో సహజ కొవ్వు ఆమ్లాలు, విటమిన్లు ఎక్కువగా ఉంటాయి. ముఖ్యంగా ఒమెగా 3, 6, 9 ఫ్యాటీ యాసిడ్స్, అలాగే విటమిన్ A, D, E, F లాంటి పోషకాలు ఉన్నాయి. ఈ ఆయిల్ జుట్టును నేరుగా వేగంగా పెంచదు. కానీ జుట్టు విరిగిపోకుండా కాపాడుతుంది. చాలా మందికి జుట్టు కొంత వరకు పెరిగి తర్వాత విరిగిపోతుంది. అందుకే పొడవు పెరగడం లేదని అనిపిస్తుంది. బావోబాబ్ ఆయిల్ వెంట్రుక లోపలికి చేరి తేమను నిలబెడుతుంది. దీంతో జుట్టు మృదువుగా, బలంగా మారుతుంది.
స్కాల్ప్ ఆరోగ్యానికి…
తల చర్మం ఆరోగ్యంగా ఉంటేనే జుట్టు బాగా పెరుగుతుంది. ఈ ఆయిల్లో ఉన్న పోషకాలు స్కాల్ప్ను మాయిశ్చరైజ్ చేస్తాయి. పొడిబారిన తల చర్మం, దురద, చిన్న చుండ్రు సమస్యలు తగ్గే అవకాశం ఉంది. అలాగే తలకు మసాజ్ చేస్తే రక్త ప్రసరణ మెరుగుపడుతుంది. ఇది జుట్టు వేర్లకు ఆక్సిజన్, పోషకాలు సరిగ్గా అందేలా చేస్తుంది.
ఎలా వాడాలి?
కొద్దిగా బావోబాబ్ ఆయిల్ తీసుకుని గోరువెచ్చగా చేసి తలకు నెమ్మదిగా మసాజ్ చేయాలి. వారానికి ఒకటి లేదా రెండు సార్లు ఇలా చేస్తే మంచిది. తలస్నానం చేయడానికి 30–45 నిమిషాల ముందు ఈ ఆయిల్ రాసుకుంటే జుట్టు పొడిబారకుండా ఉంటుంది. షాంపూ వల్ల సహజ నూనెలు పూర్తిగా పోకుండా కాపాడుతుంది. జుట్టు కడిగిన తర్వాత రెండు చుక్కలు మాత్రమే తీసుకుని జుట్టు చివర్లకు రాసుకుంటే స్ప్లిట్ ఎండ్స్ తగ్గుతాయి. ఆయిల్ కొద్దిగా వేడి చేసి తలకు రాసి టవల్తో కప్పి అరగంట పాటూ ఉంచి తర్వాత శుభ్రం చేస్తే జుట్టు మరింత మెత్తగా మారుతుంది.
Also read: Andhra Spicy Mutton Curry: ఆంధ్ర స్టైల్ స్పైసీ మటన్ కర్రీ.. దీన్ని స్టెప్ బై స్టెప్ ఇలా చేసేయండి
పొడిబారిన జుట్టు, కెమికల్ ట్రీట్మెంట్లు చేసిన జుట్టు, తరచుగా స్టైలింగ్ చేసే వారు ఈ ఆయిల్ వాడితే ప్రయోజనం ఉంటుంది. అలాగే సూర్యకాంతి, కాలుష్యం వల్ల దెబ్బతిన్న జుట్టుకు ఇది సహజ రక్షణలా పనిచేస్తుంది. ఏ ఆయిల్ అయినా అందరికీ ఒకేలా సరిపోదు. మొదట చిన్నగా పరీక్షించి చూసుకోవాలి. అలర్జీ లేకపోతేనే పూర్తి తలకు వాడాలి. జుట్టు అధికంగా ఊడిపోతుంటే లేదా తల చర్మంలో తీవ్రమైన సమస్యలు ఉంటే వైద్యుడిని సంప్రదించడం మంచిది.
ఖరీదైన హెయిర్ ప్రొడక్ట్స్కు బదులుగా సహజ మార్గాలు ప్రయత్నించాలని చూస్తున్న వారికి బావోబాబ్ ఆయిల్ ఒక మంచి ఎంపిక. సరైన పద్ధతిలో క్రమంగా వాడితే జుట్టు మెత్తగా, బలంగా మారే అవకాశం ఉందని నిపుణులు సూచిస్తున్నారు.
Share
Dasoju Sravan: గ్రూప్- 1లో అనేక తప్పులు.. ప్రభుత్వం ఏం చేస్తోంది.. దాసోజు శ్రవణ్ నిలదీత
Kalvakuntla Kavitha: హైడ్రా బుల్డోజర్లు ఇక్కడికి రావాల్సిందే.. కల్వకుంట్ల కవిత అరెస్ట్, పీఎస్కు తరలింపు
