Cleaning Hacks: సాధారణంగా కిచెన్లో వంట చేసేటప్పుడు లేదంటే పాత్రలు కడిగేటప్పుడు ఫ్లోర్ మీద లేదంటే కిటికీ అద్దాల పైన మరకలు పడుతుంటాయి. కిచెన్లోనే కాకుండా కొన్నిసార్లు హాల్లో కిటికీలకు ఉన్న అద్దాల పైన కూడా కొన్ని మొండి మరకలు కనిపిస్తుంటాయి. అయితే వాటిని ప్రతిసారీ క్లీన్ చేయడం అంత తేలిక కాదు. చాలాసేపు రుద్దాల్సి ఉంటుంది.
ఇప్పుడీ సమస్యకు ఒక సులువైన మార్గం దొరికింది. వైట్ వెనిగర్, డిష్వాష్ లిక్విడ్ కలిపి వాడితే ఖరీదైన కెమికల్ క్లీనర్లతో పనిలేకుండా ఇల్లు తలతలా మెరిసిపోతుందట. డిష్వాష్ లిక్విడ్ నూనె జిడ్డును సులువుగా తొలగిస్తే.. వెనిగర్ గట్టిపడిన నీటి మరకలను, మురికిని చాలా వేగంగా కరిగిస్తుంది.
ఈ మిశ్రమం వంటగది, బాత్రూమ్ క్లీనింగ్కు అద్భుతంగా పనిచేస్తుంది. వంటగదిలోని స్టవ్, కౌంటర్ టాప్లు, టైల్స్, చివరికి కలప క్యాబినెట్లపై పేరుకుపోయిన జిడ్డును ఇది తేలికగా వదిలిస్తుంది. అలాగే బాత్రూమ్లోని కుళాయిలు, గ్లాస్ డోర్లు, సింక్లు, టబ్లపై పడిన మొండి నీటి మరకలను క్లీన్ చేయడానికి ఇది చాలా బాగా ఉపయోగపడుతుంది.
Also Read: వాట్సప్లో ఫొటోలు, వీడియోలు ఆటోమేటిక్గా డౌన్లోడ్ కాకుండా ఎలా ఆపాలి?
ఒక కప్పు వైట్ వెనిగర్, ఒక కప్పు డిష్వాష్ లిక్విడ్ తీసుకోవాలి. ఈ రెండు మిశ్రమాన్ని ఒక ఖాళీ స్ప్రే బాటిల్లో నిదానంగా పోసి కలపాలి. ఎక్కువగా నురుగు రాకుండా జాగ్రత్త పడాలి. ఈ మిశ్రమాన్ని మురికి ఉన్న చోట స్ప్రే చేసి.. 5 నుంచి 10 నిమిషాల పాటు అలానే వదిలేయాలి. ఆ తర్వాత మంచి నీటితో శుభ్రంగా కడిగి, పొడి గుడ్డతో తుడిచేస్తే సరిపోతుంది.
ఈ మిశ్రమం ఇంట్లో తయారు చేసుకునేదే అయినా కొన్ని జాగ్రత్తలు తప్పనిసరి. దీన్ని బ్లీచ్ లేదా ఇతర కెమికల్ క్లీనర్లతో కలపకూడదు. అలా కలిపితే విషపూరితమైన వాయువులు విడుదలయ్యే ప్రమాదం ఉంది. అలాగే మార్బుల్, గ్రానైట్ లాంటి సహజమైన రాతి నేలలపై ఈ మిశ్రమాన్ని వాడకూడదు. వెనిగర్లోని యాసిడ్ వల్ల ఆ రాళ్ల షైనింగ్ పాడయ్యే అవకాశం ఉంది.
Also Read: 25 రోజుల బ్యాటరీ.. వాచ్ ఫీచర్లతో క్యాసియో ‘స్మార్ట్ రింగ్’ వచ్చేసింది, ధర ఎంతంటే?
Share
కామెడీ వదిలి థ్రిల్లర్ తీసిన అభి.. 'కర్మాఖ్య వర్కౌట్ అయ్యిందా?
అమెరికా, ఇరాన్ యుద్ధంలో ఇంతమంది భారతీయులు చనిపోయారా?
