New Love Trend: సోలో పాలిమరీ ట్రెండ్.. ఇదొక విచ్చలవిడి ప్రేమ పద్ధతి, ఎంతమందితోనైనా..

సోలో పాలిమరీ అనేది ఇప్పుడు యువతరంలో విపరీతంగా పాకిపోయిన ట్రెండ్. ఇదొక కొత్త డేటింగ్ ధోరణి అని కూడా చెప్పుకోవచ్చు. వీరి ప్రేమకు నిబద్ధత ఉండదు. పునాది చాలా బలహీనంగా ఉంటుంది. ఒకరిపై కాకుండా ఎక్కువ మందిపై ఈ ప్రేమ భావన కలుగుతుంది. దీనిలో బహుళ ప్రేమలు, ఎక్కువమందితో లైంగిక సంబంధాలు పెట్టుకోవడమే ఈ సోలో పాలిమరీ ట్రెండ్. అందుకే దీన్ని విచ్చలవిడి పద్ధతి అని చెప్పుకోవచ్చు. ఇది యువతరంలో బాగా ప్రజాదరణ పొందింది.

సోలో పాలిమరీ ట్రెండ్ అంటే
ఇప్పటి యువత స్వేచ్ఛను కోరుకుంటుంది. రోజుకొకరిని ఇష్టపడే వ్యక్తులు కూడా ఉన్నారు. ఒక్కరితోనే జీవితాంతం ఉండడం ఇష్టం లేనివారు ఈ సోలో పాలిమరీ ట్రెండును ఫాలో అవుతున్నారు. ఒక వ్యక్తితో ఒకరోజు లేదా ఒక వారం, ఒక నెలపాటు ప్రయాణం చేస్తారు. అతడిని వదిలేసి ఇతరులతో కూడా ప్రేమలో పడుతూ ఉంటారు. వారితో లైంగిక అనుబంధాలు కొనసాగిస్తారు. అయినా కూడా మాజీ ప్రేమికులు ఎలాంటి సమస్యలు తీసుకురారు. అదే సోలో పాలిమరీ ట్రెండ్.

ఎక్కువమంది భాగస్వాములతో ప్రేమ అనుబంధం కలిగి ఉండడం అనేది అనైతికమైనది. ఈ సోలో పాలిమరీ ట్రెండ్‌ను ఫాలో అయ్యేవారు బహిరంగంగా, నిజాయితీగా తమకు ఎక్కువ మంది ప్రేమికులు ఉన్నట్టు చెబుతారు. వారి జీవనశైలి కూడా అదే విధంగా ఉంటుంది. వ్యక్తిగత స్వేచ్ఛ విపరీతంగా ఉంటుంది. భావోద్వేగాలకు ఎలాంటి విలువ ఉండదు.

సోలో పోలోమరి ట్రెండ్ ఫాలో అయ్యేవారు జీవితంలో ఒక భాగస్వామితో జీవించలేక చాలా ఇబ్బంది పెడతారు. చివరికి వారు ఒంటరి వారిగా కూడా మారిపోతారు. ఎందుకంటే తమని తాము ఎవరికీ కట్టుబడి ఉంచుకోలేరు. ఎక్కువ మంది వ్యక్తులకు ఆకర్షితులు అవుతూ ఉంటారు. సాంప్రదాయ సంబంధాలకు విలువ ఇవ్వరు. ఇలాంటివారు ఎప్పటికైనా ఒంటరిగానే మిగులుతారు. దీర్ఘకాలిక అనుబంధాలు మాత్రమే ఈ ప్రపంచంలో శాశ్వతమైనవి, విలువైనవి. అందుకే ప్రతి దానికి ఒక నిబంధన, ఒక పద్ధతి అంటూ ఉంటుంది.

పెళ్లి చేసుకోరు
ఈ సోలో పాలిమరి ట్రెండును ఫాలో అయ్యే వారు పెళ్లి చేసుకోవడానికి ఇష్టపడరు. పెళ్లి వల్ల ఒకరితోనే జీవించాలన్నది వారిని భయాందోళనకు గురిచేస్తుంది. ఆ ఒక్కరిని కనుగొనలేక చాలా ఇబ్బంది పడతారు. పెద్దల బలవంతం మీద వివాహం చేసుకున్నా ఆ పెళ్లిల్లో ఇమడ లేక తక్కువకాలంలోనే విడాకులు తీసుకుంటారు.

స్త్రీలతో పోలిస్తే పురుషులే ఎక్కువగా సోలో పోలిమరి వైపు మొగ్గు చూపుతున్నారని అధ్యయనాలు చెబుతున్నాయి. డేటింగ్ ప్లాట్ ఫామ్ అయినా బంబుల్ నిర్వహించిన సర్వేలో 61 శాతం మంది భారతీయులు బహు భార్యత్వాన్ని కోరుకుంటున్నట్టు తేలింది.

Also Read: చైనా, జపాన్లో రాత్రిళ్లు మాత్రమే స్నానం చేస్తారెందుకు? ఎప్పుడు చేస్తే మంచిది?

ఈ సోలో పోలోమరి అనేది స్వేచ్ఛను నిర్వచించే పదంలా అనిపించవచ్చు. కానీ అది సాంప్రదాయ సంబంధాలకు విరుద్ధమైనది. ఈ సోలో పాలోమరి ట్రెండును ఫాలో అవుతున్నవారు తాత్కాలికంగా ఆనందంగా ఉండొచ్చు. కానీ శాశ్వతంగా వారికి ఎలాంటి ఆనందం దక్కదు.