ఇంట్లో ఇడ్లీలు చేస్తే చాలా మందికి ఒకే సమస్య ఎదురవుతుంది. ఇడ్లీలు గట్టిగా వస్తూ ఉంటాయి. బయట హోటల్లో తింటే మాత్రం ఇడ్లీలు చాలా సాఫ్ట్గా, నోట్లో కరిగేలా ఉంటాయి. ఇదే తేడా ఎందుకు వస్తుంది అని చాలామంది ఆశ్చర్యపడతారు. అసలు కారణం మనం చేసే చిన్న చిన్న తప్పులు. ఒక సౌత్ ఇండియన్ కేటరర్ చెప్పిన కొన్ని సింపుల్ టిప్స్ పాటిస్తే ఇంట్లో కూడా అదే రుచితో సాఫ్ట్ ఇడ్లీలు సులభంగా చేసుకోవచ్చు.
ఈ తప్పులు చేయకండి
మొదటగా సరైన పదార్థాలు ఎంచుకోవడం చాలా ముఖ్యం. చాలా మంది సాధారణ బియ్యం వాడుతారు. అలా చేస్తే ఇడ్లీలు గట్టిగా అవుతాయి. అందుకే ఇడ్లీ కోసం ప్రత్యేకంగా ఉండే ఉప్పుడు బియ్యం వాడితే మంచి ఫలితం వస్తుంది. మినప పప్పు కూడా ఫ్రెష్గా ఉండాలి. పాత పప్పు వాడితే పిండి సరిగ్గా అవదు. ఇడ్లీలు సాఫ్ట్గా రావు. మంచి క్వాలిటీ పదార్థాలు వాడితే ఇడ్లీ టేస్టీగా వస్తుంది. బియ్యం, మినప ప్పు ఎంత తీసుకోవాలి అనేది చాలా కీలకం. సాధారణంగా రెండు భాగాలు బియ్యం, ఒక భాగం మినప పప్పు తీసుకోవడం బెస్ట్. ఈ నిష్ఫత్తి తప్పితే ఇడ్లీలు సరైన రుచి రావు. కొందరు పప్పు ఎక్కువ వాడతారు, మరికొందరు తక్కువ వాడతారు. సరైన కొలతలు పాటించడం తప్పనిసరి.
Also read: Migraine: మైగ్రేన్ నొప్పి తట్టుకోలేకపోతున్నారా? ఈ ఆకులను వాడారంటే వెంటనే తగ్గుతుంది
ఇంకా ఒక పెద్ద కారణం ఫర్మెంటేషన్. పిండి బాగా పులిస్తేనే ఇడ్లీలు సాఫ్ట్గా వస్తాయి. పిండి కనీసం 8 నుంచి 10 గంటలు వేడి ప్రదేశంలో ఉంచాలి. చల్లటి ప్రదేశంలో ఉంచితే ఫర్మెంటేషన్ సరిగ్గా జరగదు. బ్యాటర్ పైకి ఎగిసి బబుల్స్ కనిపిస్తే అది రెడీ అయినట్టు అర్థం. అప్పుడే ఇడ్లీలు వండుకోవాలి. రుబ్బే పద్ధతి కూడా చాలా కీలకం. మినప పప్పును స్మూత్గా, క్రీమీగా గ్రైండ్ చేయాలి. పిండి చాలా గట్టిగా ఉంటే ఇడ్లీలు కూడా గట్టిగా అవుతాయి. స్టీమింగ్ కూడా ఎక్కువసేపు చేయకూడదు. ఎక్కువగా ఉడికిస్తే ఇడ్లీలు డ్రై అవుతాయి.
Also read: Dates with Milk: పాలు ఖర్జూరం కలిపి తింటే అద్భుత ప్రయోజనాలు.. తెలిస్తే ఇప్పుడే తినడం ప్రారంభిస్తారు
ఈ చిన్న చిన్న టిప్స్ కూడా చాలా ఉపయోగపడతాయి. కొద్దిగా మెంతులు కలిపితే ఇడ్లీలు మరింత సాఫ్ట్గా వస్తాయి. కొందరు పోహా లేదా సగ్గుబియ్యం కూడా కలుపుతారు. ఇవి ఫ్లఫీనెస్ పెంచుతాయి. ఈ చిన్న మార్పులు చేస్తే ఇంట్లో చేసిన ఇడ్లీలు కూడా హోటల్ స్టైల్లో సాఫ్ట్గా, టేస్టీగా వస్తాయి. కాబట్టి ఈ సింపుల్ టిప్స్ ఫాలో అయితే ఇక గట్టి ఇడ్లీలు సమస్య ఉండదు.
Share
బీఆర్ఎస్ అసంపూర్తి ఇండ్ల పై మంత్రి పొంగులేటి సమీక్ష.. త్వరలో వాటికి..?
ముగ్గురమ్మాయిలతో బలవంతంగా అలాంటి పనులు... ఓటీటీలోకి వచ్చేస్తున్న వివాదల సోషల్ థ్రిల్లర్
