టాయిలెట్ క్లీనింగ్‌కు ఈ ఒక్కటి చాలు..15 నిమిషాల్లో గారపట్టిన మరకలన్నీ క్లీన్!

Natural Toilet Cleaning Hacks: ఇల్లు ఎంత నీట్‌గా ఉంచినా.. బాత్‌రూమ్‌లో టాయిలెట్ బౌల్ లోపల గోధుమ రంగు మరకలు ఉంటే.. అస్సలు నచ్చదు. చాలా మంది ఇవి మామూలు మురికి అనుకుని రోజూ బ్లీచింగ్ లిక్విడ్స్ వేసి గట్టిగా రుద్దుతుంటారు. కానీ.. ఎంత క్లీన్ చేసినా ఆ మరకలు మళ్లీ మళ్లీ వచ్చేస్తుంటాయి. నిజానికి అవి సాధారణ మురికి కాదు.. నీటి వల్ల పేరుకు పోయే లైమ్‌స్కేల్ , రస్ట్ మరకలు. మరి ఎలాంటి ఘాటైన కెమికల్స్, బ్లీచింగ్ వాడకుండా కేవలం ఒకే ఒక్క సాధారణ వస్తువుతో కేవలం 15 నిమిషాల్లో ఈ మొండి మరకలను ఎలా వదిలించవచ్చో ఇప్పుడు తెలుసుకుందాం.

బ్లీచింగ్ ఎందుకు పని చేయదు?

మనం సాధారణంగా వాడే బ్లీచింగ్ లిక్విడ్స్ టాయిలెట్‌లోని బ్యాక్టీరియాను చంపడానికి, ఆ గోధుమ రంగు మరకలను తాత్కాలికంగా తెల్లగా మార్చడానికి మాత్రమే పని కొస్తాయి. బ్లీచింగ్ వేసినప్పుడు మరకలు పోయినట్లు అనిపించినా.. లోపల పేరుకుపోయిన ఖనిజ లవణాలు అలాగే ఉంటాయి. దీని వల్ల కొద్ది రోజులకే ఆ మరకలు మళ్లీ మరింత ఘోరంగా తయారవుతాయి. అంతే కాదు.. ఈ లైమ్‌స్కేల్ పొరల మధ్య బ్యాక్టీరియా, బూజు చాలా ఈజీగా చేరుకుంటాయి.

15 నిమిషాల మ్యాజిక్ క్లీనింగ్ ప్రాసెస్:
ఈ సింపుల్ ట్రిక్‌ను మీరు ఎలా ఉపయోగించాలో ఇక్కడ స్టెప్-బై-స్టెప్ చూద్దాం.

స్టెప్ 1: ముందుగా టాయిలెట్ బౌల్‌లో ఎక్కడైతే గోధుమ రంగు గార మరకలు ఎక్కువగా ఉన్నాయో.. అక్కడ నీళ్లు లేకుండా వీలైనంత వరకు డ్రైగా చేయండి.

స్టెప్ 2: ఇప్పుడు ఒకటి లేదా రెండు కప్పుల ప్యూర్ వైట్ వినెగర్‌ను తీసుకుని.. ఆ మరకలు ఉన్న ప్రాంతంలో బాగా పోయండి.

స్టెప్ 3: వెనిగర్ పోసిన తర్వాత దాన్ని అలాగే 15 నుంచి 20 నిమిషాల పాటు వదిలేయండి. మరకలు మరీ మొండిగా ఉంటే గంట పాటు లేదా రాత్రంతా కూడా అలానే ఉంచేయవచ్చు. వెనిగర్ ఆ హార్డ్ వాటర్ మరకలను లూజ్ చేస్తుంది.

స్టెప్ 4: సమయం అయిపోయాక.. టాయిలెట్ బ్రష్ తీసుకుని లైట్‌గా స్క్రబ్ (రుద్దడం) చేయండి. కెమికల్స్ వాడినప్పుడు పడే కష్టం లేకుండా.. ఆ బ్రౌన్ మరకలన్నీ చాలా ఈజీగా ఊడిపోతాయి. చివరగా ఫ్లష్ చేస్తే మీ టాయిలెట్ సరికొత్తగా మెరిసి పోతుంది.

ఈ టిప్ వల్ల లాభాలు:
నో కెమికల్స్: మార్కెట్లో దొరికే యాసిడ్స్, బ్లీచింగ్ లాగా దీని నుంచి ఎలాంటి ఘాటైన వాసన రాదు. కళ్లకు, చర్మానికి చాలా సురక్షితం.

తక్కువ ఖర్చు: వందల రూపాయల క్లీనర్స్ కంటే వినెగర్ చాలా తక్కువ ధరకే లభిస్తుంది.

లాంగ్ లాస్టింగ్ క్లీన్‌నెస్: ఇది లైమ్‌స్కేల్‌ను బేస్ నుండి క్లీన్ చేస్తుంది కాబట్టి.. మరకలు మళ్లీ అంత త్వరగా రావు.

కెమికల్ క్లీనర్లతో మీ చేతులను, టాయిలెట్ పింగాణీని పాడుచేసుకునే కంటే, ఈసారి ఈ సింపుల్ వెనిగర్ ట్రిక్‌ను ట్రై చేసి చూడండి. వారానికి ఒకసారి ఇలా చేస్తే చాలు, మీ బాత్‌రూమ్ ఎప్పుడూ హైజీనిక్‌గా, సరికొత్తగా మెరుస్తూ ఉంటుంది.