Red Wine Facial: రెడ్ వైన్‌తో ఫేషియల్.. రిజల్ట్ చూస్తే షాక్ అవడం గ్యారంటీ

Red Wine Facial: చర్మ సౌందర్యాన్ని పెంపొందించుకోవడానికి ప్రాచీన కాలం నుంచి రకరకాల సహజ సిద్ధమైన పద్ధతులను ఉపయోగిస్తున్నారు. అందులో ‘వైన్ ఫేషియల్’ (Wine Facial) ప్రస్తుతం ప్రపంచవ్యాప్తంగా బాగా ప్రాచుర్యం పొందింది. ముఖ్యంగా రెడ్ వైన్‌లో ఉండే యాంటీ ఆక్సిడెంట్లు చర్మాన్ని యవ్వనంగా.. కాంతివంతంగా మార్చడంలో అద్భుతంగా పనిచేస్తాయి. వైన్ ఫేషియల్ వల్ల కలిగే ప్రయోజనాలను గురించి వివరంగా ఇప్పుడు తెలుసుకుందాం.

1. యాంటీ ఏజింగ్ ప్రయోజనాలు:
రెడ్ వైన్‌లో ‘రెస్వెరాట్రాల్’ అనే శక్తి వంతమైన యాంటీ ఆక్సిడెంట్ ఉంటుంది. ఇది చర్మంపై ముడతలు, సన్నని గీతలు రాకుండా అడ్డుకుంటుంది. వయస్సు పెరగడం వల్ల వచ్చే చర్మ సమస్యలను తగ్గించి, చర్మాన్ని బిగుతుగా ఉంచుతుంది. ఇది కొల్లాజెన్ ఉత్పత్తిని పెంచి చర్మం యవ్వనంగా కనిపించేలా చేస్తుంది.

2. మొటిమల నివారణ :
వైన్‌లో యాంటీ సెప్టిక్ , యాంటీ బ్యాక్టీరియల్ గుణాలు పుష్కలంగా ఉంటాయి. ఇవి చర్మ రంధ్రాల్లోని బ్యాక్టీరియాను తొలగించి మొటిమలు రాకుండా చేస్తాయి. అలాగే మొటిమల వల్ల వచ్చే మంటను.. ఎరుపును తగ్గించడంలో వైన్ ఫేషియల్ బాగా సహాయ పడుతుంది.

3. చర్మ కాంతిని పెంచుతుంది:
వైన్ ఫేషియల్ చేయడం వల్ల చర్మంపై ఉన్న మృత కణాలు తొలగిపోతాయి. దీని వల్ల రక్త ప్రసరణ మెరుగుపడి, చర్మం సహజ సిద్ధమైన మెరుపును సంతరించుకుంటుంది. ఇది చర్మంపై ఉన్న ట్యాన్, నల్లని మచ్చలను తగ్గించి, ముఖాన్ని తెల్లగా, కాంతి వంతంగా మారుస్తుంది.

4. చర్మాన్ని శుభ్రపరుస్తుంది:
వైన్ ఫేషియల్‌లో భాగంగా చేసే మసాజ్ వల్ల చర్మ రంధ్రాలు తెరుచుకుని, లోపల ఉన్న ధూళి, కాలుష్య కణాలు బయటకు వచ్చేస్తాయి. ఇది చర్మాన్ని లోతుగా శుభ్ర పరిచి , తాజా అనుభూతిని ఇస్తుంది. నూనె చర్మం ఉన్న వారికి ఇది ఒక వరమనే చెప్పాలి, ఎందుకంటే ఇది చర్మంపై అదనపు జిడ్డును నియంత్రిస్తుంది.

5. సూర్యరశ్మి నుంచి రక్షణ:
సూర్యుడి నుంచి వచ్చే హానికరమైన UV కిరణాల వల్ల చర్మం దెబ్బ తింటుంది. వైన్‌ లోని ఫ్లేవనాయిడ్లు చర్మానికి ఒక రక్షణ కవచంలా పనిచేసి, సన్ బర్న్ కాకుండా కాపాడతాయి.

Also Read: మీ చర్మం అద్దంలా మెరవాలంటే.. ఈ కొరియన్ సీక్రెట్స్ తెలుసుకోండి

ఇంట్లోనే వైన్ ఫేషియల్ చేసుకునే విధానం:
క్లెన్సింగ్: ముఖాన్ని శుభ్రం చేసుకుని కొద్దిగా రెడ్ వైన్‌తో ముఖాన్ని తుడుచుకోవాలి.

స్క్రబ్బింగ్: వైన్‌లో కొద్దిగా చక్కెర లేదా కాఫీ పొడి కలిపి మెల్లగా ముఖంపై రుద్దాలి.

మసాజ్: రెడ్ వైన్‌తో 5-10 నిమిషాల పాటు ముఖాన్ని మసాజ్ చేయాలి.

ఫేస్ ప్యాక్: వైన్‌లో కొద్దిగా తేనె లేదా పెరుగు కలిపి ప్యాక్ వేసుకోవాలి. 15 నిమిషాల తర్వాత చల్లని నీటితో కడిగేయాలి.

వైన్ ఫేషియల్ అనేది చర్మానికి ఒక విలాస వంతమైన చికిత్స మాత్రమే కాదు.. ఇది ఒక గొప్ప పోషకం కూడా. అయితే.. దీనిని ఉపయోగించే ముందు ఒక సారి ప్యాచ్ టెస్ట్ చేసుకోవడం మంచిది. మీ చర్మం మరీ సెన్సిటివ్ అయితే నిపుణుల సలహా తీసుకోవాలి.