కేవలం 5 నిమిషాల్లో ప్రశాంతత మీ సొంతం.. మహిళల కోసం స్ట్రెస్ రిలీఫ్ గైడ్

Stress relief for women: ప్రస్తుత కాలంలో.. మహిళలు బహుముఖ పాత్రలు పోషిస్తున్నారు. ఇంటి పనులు, కెరీర్, కుటుంబ అవసరాల మధ్య తమ గురించి తాము మర్చిపోవడం సర్వసాధారణం. దీనివల్ల తెలియకుండానే మానసిక ఒత్తిడి పేరుకుపోతుంది. ఒత్తిడి అనేది కేవలం మనసుకే కాదు. శారీరక ఆరోగ్యానికి కూడా చేటు చేస్తుంది. అయితే.. కొన్ని చిన్న చిన్న మార్పులు, అప్పటికప్పుడు పాటించే చిట్కాల ద్వారా ఈ ఒత్తిడి నుంచి కేవలం నిమిషాల వ్యవధిలో ఉపశమనం పొందవచ్చు.ఆ చిట్కాలు ఏమిటో ఇప్పుడు చూద్దాం.

ఒత్తిడిని త్వరగా తగ్గించుకునే మార్గాలు

1. లోతైన శ్వాస ప్రక్రియ :
ఒత్తిడి పెరిగినప్పుడు మన శ్వాస వేగం పెరుగుతుంది.దీన్ని నియంత్రించడానికి 4-7-8 పద్ధతిని పాటించండి. అంటే 4 సెకన్ల పాటు శ్వాస తీసుకోవడం, 7 సెకన్ల పాటు ఆపి ఉంచడం, 8 సెకన్ల పాటు నిదానంగా వదలడం. ఇది మీ మెదడుకు “అంతా బాగుంది” అనే సంకేతాన్ని పంపి, వెంటనే ప్రశాంతతను ఇస్తుంది.

2. సంగీతం వినండి:
సంగీతానికి మనసును మార్చే అద్భుతమైన శక్తి ఉంది. మీకు ఇష్టమైన మెలోడీ పాటలు లేదా ఇన్స్ట్రుమెంటల్ మ్యూజిక్ వినడం వల్ల శరీరంలో ‘డోపమైన్’ అనే హ్యాపీ హార్మోన్ విడుదలవుతుంది. ఇది ఒత్తిడిని క్షణాల్లో మాయం చేస్తుంది.

3. కాసేపు నడవండి:
ఒకే చోట కూర్చుని పని చేయడం వల్ల కూడా ఒత్తిడి పెరుగుతుంది. ఒక 5 నిమిషాల పాటు గది బయట లేదా బాల్కనీలో నడవండి. స్వచ్ఛమైన గాలి , శారీరక కదలిక వల్ల రక్త ప్రసరణ మెరుగుపడి మనసు తేలికపడుతుంది.

4. కెఫీన్‌కు బదులు గ్రీన్ టీ:
ఒత్తిడిలో ఉన్నప్పుడు పదే పదే కాఫీ లేదా టీ తాగడం వల్ల ఆందోళన పెరుగుతుంది. దానికి బదులుగా గ్రీన్ టీ లేదా హెర్బల్ టీ తాగండి. ఇందులో ఉండే యాంటీ ఆక్సిడెంట్లు మనసును ప్రశాంతంగా ఉంచుతాయి.

5. డిజిటల్ డిటాక్స్:
సోషల్ మీడియా నోటిఫికేషన్లు, మెసేజ్లు అప్పుడప్పుడు చిరాకును కలిగిస్తాయి. రోజులో కనీసం 15 నిమిషాల పాటు ఫోన్‌ను పక్కన పెట్టేయండి. స్క్రీన్ వైపు చూడకుండా కళ్లు మూసుకుని కూర్చోవడం వల్ల కళ్లకు, మెదడుకు విశ్రాంతి లభిస్తుంది.

6. మీ ప్రియమైన వారితో మాట్లాడండి:
మీకు నమ్మకమైన స్నేహితురాలు లేదా కుటుంబ సభ్యులతో మీ మనసులోని మాటను పంచుకోండి.మనసులో ఉన్న భారాన్ని మాటల రూపంలో బయటకు వదిలితే ఒత్తిడి సగం తగ్గిపోతుంది.

7. లావెండర్ ఆయిల్ లేదా సువాసనలు:
ఒత్తిడి తగ్గించడంలో ఇవి బాగా పనిచేస్తాయి. లావెండర్ లేదా చందనం వంటి సువాసనలు చూసే అగరబత్తీలు లేదా ఆయిల్స్ వాడటం వల్ల నాడీ వ్యవస్థ శాంతిస్తుంది.

దీర్ఘకాలిక ప్రశాంతత కోసం చిన్న సలహాలు:

నో చెప్పడం నేర్చుకోండి: అన్ని పనులను మీరే భుజాన వేసుకోకండి. అవసరమైనప్పుడు ఇతరుల సహాయం తీసుకోండి.

సరైన నిద్ర: రోజుకు 7-8 గంటల గాఢ నిద్ర మానసిక ఆరోగ్యానికి అత్యవసరం.

హాబీలకు ప్రాధాన్యత: మీకు ఇష్టమైన పెయింటింగ్, వంట లేదా పుస్తక పఠనం కోసం రోజులో కొంత సమయం కేటాయించండి.

మహిళలు తమ ఆరోగ్యాన్ని నిర్లక్ష్యం చేయడం వల్ల కుటుంబం మొత్తం ప్రభావితమవుతుంది. ఒత్తిడి అనేది జీవితంలో ఒక భాగమే అయినా.. దాన్ని మనపై హాని అవ్వకుండా చూసుకోవడం మన చేతుల్లోనే ఉంది. పైన పేర్కొన్న చిన్న చిన్న చిట్కాలను మీ లైఫ్ స్టైల్ భాగం చేసుకుంటే.. మీరు మరింత ఉత్సాహంగా, ప్రశాంతంగా పనులు చేసుకోగలరు. గుర్తుంచుకోండి. మీరు సంతోషంగా ఉంటేనే మీ ఇల్లు సంతోషంగా ఉంటుంది.