వేసవిలో జుట్టు సమస్యలు ఎక్కువగా కనిపిస్తాయి. అధిక వేడి, చెమట, కాలుష్యం వల్ల స్కాల్ప్ బలహీనంగా మారుతుంది. జుట్టు రాలడం, డ్రైనెస్, రఫ్ టెక్స్చర్ వంటి సమస్యలు ఇబ్బంది పెడతాయి. ఈ పరిస్థితిలో సహజ పద్ధతులు ఉపయోగిస్తే మంచి ఫలితం కనిపిస్తుంది అని నిపుణులు సూచిస్తున్నారు. అలాంటి సింపుల్ సొల్యూషన్గా ఇప్పుడు పంప్కిన్ సీడ్ ఆయిల్ పై దృష్టి పెరుగుతోంది. చిన్న గింజలతో తయారయ్యే ఈ ఆయిల్ జుట్టు పెరుగుదలకి సహాయం చేస్తుందని తాజా సమాచారం చెబుతోంది.
గుమ్మడి గింజల్లో జింక్, మాగ్నీషియం, హెల్తీ ఫ్యాట్స్ ఎక్కువగా ఉంటాయి. ఇవి స్కాల్ప్కు అవసరమైన పోషణ అందిస్తాయి. జుట్టు రూట్స్ బలంగా ఉండేలా చేస్తాయి. ముఖ్యంగా జుట్టు పలుచబడటానికి కారణమైన హార్మోన్ ప్రభావాన్ని తగ్గించడంలో ఈ గింజలు సహాయం చేస్తాయని పరిశోధనలు చెబుతున్నాయి. దాంతో హెయిర్ ఫాల్ తగ్గే అవకాశం ఉంటుంది. అలాగే జుట్టు మందంగా, హెల్తీగా పెరగడానికి కూడా ఇది ఉపయోగపడుతుంది. అందుకే హెయిర్ కేర్లో ఈ ఆయిల్ ట్రెండ్ అవుతోంది.
Also read: Japanese Secrets: మొటిమలు, మచ్చలు తగ్గించాలా? జపనీస్ సీక్రెట్స్ ట్రై చేయండి
ఇలా తయారు చేయండి
ఇంట్లోనే ఈ ఆయిల్ తయారు చేయడం చాలా ఈజీ. పూర్తి శుద్ధమైన ఆయిల్ తయారు చేయడం కాస్త కష్టం అయినా, ఇన్ఫ్యూజ్డ్ ఆయిల్ సింపుల్గా తయారు చేయవచ్చు. రెండు స్పూన్ల పంప్కిన్ గింజలను తీసుకుని కొద్దిగా నలిపి ఒక కప్పు కొబ్బరి నూనెలో లేదా ఆలివ్ ఆయిల్లో కలపాలి. ఈ మిశ్రమాన్ని స్లో ఫ్లేమ్పై కొన్ని నిమిషాలు వేడి చేయాలి. తర్వాత చల్లారిన తర్వాత వడకట్టి బాటిల్లో నిల్వ చేసుకోవాలి. మరో విధంగా గింజలను ఆయిల్లో వేసి కొన్ని రోజులు ఉంచి తర్వాత వడకట్టినా సరిపోతుంది.
ఆయిల్ వాడే విధానం
ఈ ఆయిల్ వాడే విధానం కూడా చాలా ముఖ్యం. కొద్దిగా ఆయిల్ తీసుకుని స్వల్పంగా వేడి చేసి స్కాల్ప్పై రాయాలి. జుట్టు పలుచగా ఉన్న చోట్ల ప్రత్యేకంగా అప్లై చేయాలి. తర్వాత మెల్లగా మసాజ్ చేయాలి. ఈ మసాజ్ వల్ల రక్త ప్రసరణ మెరుగవుతుంది. కనీసం ఒకటి రెండు గంటలు ఉంచి తర్వాత మైల్డ్ షాంపూతో కడగాలి. వారం లో రెండు లేదా మూడు సార్లు ఇలా చేస్తే మంచి ఫలితం కనిపిస్తుంది. ఇలా రెగ్యులర్గా వాడితే స్కాల్ప్ హెల్తీగా మారుతుంది.
Also read: Red vs Green Apples: రెడ్ ఆపిల్ vs గ్రీన్ ఆపిల్.. ఏది తింటే త్వరగా బరువు తగ్గుతారు?
కొన్ని వారాల తర్వాత జుట్టులో మార్పులు గమనించవచ్చు. మొదట జుట్టు రాలడం తగ్గుతుంది. తర్వాత కొత్త వెంట్రుకలు పెరగడం ప్రారంభమవుతుంది. అయితే ఓపిక చాలా ముఖ్యం. ఒకటి రెండు రోజుల్లో ఫలితం కనిపించదు. అలాగే మంచి ఆహారం తీసుకోవడం కూడా అవసరం. ప్రోటీన్, విటమిన్లు ఉన్న ఆహారం తీసుకుంటే జుట్టు ఆరోగ్యం ఇంకా మెరుగవుతుంది. ఇలా సింపుల్ హోమ్ రిమెడీతో వేసవిలో కూడా జుట్టును బలంగా, అందంగా ఉంచుకోవచ్చు.
Share
కోసిన ఉల్లిపాయలు మిగిలిపోయాయా?
ఒక్కసారి చూస్తే జన్మలో మర్చిపోలేని సైన్స్ ఫిక్షన్ సినిమాలు... డోంట్ మిస్
