Orange Vs Amla: నారింజ Vs ఉసిరి.. బరువు తగ్గడానికి ఏది బెస్ట్ ?

Orange Vs Amla:బరువు తగ్గడానికి నారింజ, ఉసిరికాయ రెండూ అద్భుతమైన ప్రయోజనాలు అందిస్తాయి. రెండింటిలోనూ విటమిన్ సి, ఫైబర్ , యాంటీఆక్సిడెంట్లు పుష్కలంగా ఉంటాయి. ఇవి బరువు తగ్గడానికి సహాయపడతాయి. అయితే.. ఈ రెండింటిలో ఏది ఉత్తమమైనది అనే విషయం వాటి పోషక విలువలు, వాటిని ఎలా తీసుకుంటాం అనే అంశాలపై ఆధారపడి ఉంటుంది. బరువు తగ్గడానికి రెండిట్లో ఏ ఫ్రూట్ బెస్ట్ అనే విషయాలను గురించిన పూర్తి వివరాలను ఇప్పుడు తెలుసుకుందాం.

నారింజ :
నారింజ పండులో కేలరీలు తక్కువగా.. ఫైబర్ అధికంగా ఉంటుంది. నారింజలో ఉండే ఫైబర్ ఆకలిని నియంత్రిస్తుంది. అంతే కాకుండా ఎక్కువసేపు కడుపు నిండిన భావన కలిగిస్తుంది. దీనివల్ల అతిగా తినడం కూడా తగ్గుతుంది. నారింజలో నీటి శాతం కూడా ఎక్కువగా ఉంటుంది. ఫలితంగా ఇది శరీరానికి అవసరమైన హైడ్రేషన్ అందిస్తుంది. హైడ్రేషన్ మెరుగైన జీవక్రియకు సహాయపడుతుంది. మెరుగైన జీవక్రియ బరువు తగ్గడంలో ముఖ్యపాత్ర పోషిస్తుంది. నారింజలో విటమిన్ సి ఎక్కువగా ఉంటుంది. ఇది శరీరంలోని కొవ్వును కరిగించడానికి.. జీవక్రియను వేగవంతం చేయడానికి సహాయపడుతుంది.

ఉసిరికాయ:
ఉసిరికాయను ఆయుర్వేదంలో ఒక అద్భుతమైన ఔషధంగా పరిగణిస్తారు. బరువు తగ్గడానికి ఉసిరికాయ ఎంతో ప్రయోజనకరంగా ఉంటుంది. ఉసిరికాయలో నారింజ కంటే సుమారు 9 రెట్లు ఎక్కువ విటమిన్ సి ఉంటుంది. ఇది శరీరంలోని విషపదార్థాలను బయటకు పంపి, జీర్ణక్రియను మెరుగు పరుస్తుంది. ఉసిరికాయలో ఉండే యాంటీ-ఇన్ఫ్లమేటరీ లక్షణాలు శరీరంలోని వాపులను తగ్గించడంలో సహాయపడతాయి. అందుకే ఉసిరికాయ జ్యూస్ ఉదయాన్నే ఖాళీ కడుపుతో తీసుకోవడం వల్ల జీవక్రియ రేటు పెరిగి, బరువు తగ్గడం సులభం అవుతుంది. ఉసిరికాయలో ఉండే ఫైబర్ కూడా ఆకలిని తగ్గించి, కడుపు నిండినట్లు చేస్తుంది.

ఏది మంచిది?
నారింజ, ఉసిరికాయ రెండింటిలోనూ బరువు తగ్గడానికి అవసరమైన పోషకాలు ఉన్నాయి. అయితే.. కొన్ని అంశాలను పరిగణనలోకి తీసుకుంటే, ఉసిరికాయ కొంచెం మెరుగైనదిగా చెప్పవచ్చు.

విటమిన్ సి: ఉసిరికాయలో విటమిన్ సి శాతం నారింజ కంటే చాలా ఎక్కువ. బరువు తగ్గడంలో విటమిన్ సి కీలక పాత్ర పోషిస్తుంది.

లభ్యత: నారింజ పండ్లు ఏడాది పొడవునా అందుబాటులో ఉంటాయి. కానీ.. ఉసిరికాయలు సీజనల్‌గా మాత్రమే లభిస్తాయి. ఉసిరికాయను జ్యూస్ లేదా పౌడర్ రూపంలో నిల్వ చేసుకుని ఏడాది పొడవునా ఉపయోగించుకోవచ్చు.

Also Read: బ్రెక్ ఫాస్ట్‌లో రోజుకో కివీ ఫ్రూట్ తింటే.. ఈ సమస్యలన్నీ పరార్ !

పోషకాలు: ఉసిరికాయలో విటమిన్ సితో పాటు క్రోమియం, ఐరన్, కాల్షియం వంటి పోషకాలు కూడా అధికంగా ఉంటాయి. ఇవి శరీరానికి మేలు చేస్తాయి.

తక్కువ కేలరీలు: ఉసిరికాయలో కేలరీలు ఇంకా తక్కువగా ఉంటాయి. ఇది బరువు తగ్గేవారికి ఒక అద్భుతమైన ఎంపిక.

చివరగా, నారింజ, ఉసిరికాయ రెండూ ఆరోగ్యానికి, బరువు తగ్గడానికి మంచివే. అయితే.. వేటిని ఎంచుకోవాలి అనేది వ్యక్తిగత అభిరుచి, లభ్యత, ఆరోగ్య లక్ష్యాలపై ఆధారపడి ఉంటుంది. ఉసిరికాయ ఎక్కువ విటమిన్ సి మరియు ఇతర పోషకాలను కలిగి ఉంటుంది. నారింజ కూడా సులభంగా లభించే అద్భుతమైన ఎంపిక. బరువు తగ్గాలంటే.. ఈ రెండింటిలో ఏదో ఒకదానిని లేదా రెండింటినీ మీ ఆహారంలో చేర్చుకోవడం మంచిది. కానీ ఏది తీసుకున్నా.. మోతాదు మించకుండా చూసుకోవడం ముఖ్యం. అంతేకాకుండా.. కేవలం పండ్లపై మాత్రమే ఆధారపడకుండా.. సరైన ఆహారం, వ్యాయామం, క్రమం తప్పకుండా నిద్ర పోవడం అవసరం.