Head Lice Infestation: తలలో పేలు.. మనుషులను చంపేస్తాయా? ఆ బాలిక మరణానికి కారణం పేలేనా?

Head Lice Infestation: తాజాగా ఒడిశాలో ఒక చిన్నారి స్క్రబ్ టైఫస్ అనే వ్యాధితో మరణించడం మనందరినీ కలిచివేసింది. అసలు పేలు అనగానే మనందరం ఏమనుకుంటాం? అవి కేవలం అప్పుడప్పుడూ మన తలలో దురద పెట్టడమో, ఎక్కువగా కుక్కలకో, ఆవులకో ఉంటాయని అనుకుంటుంటాం. కానీ ఇవి పచ్చని గడ్డిలో, చెట్ల పొదల్లో కూడా దాగి ఉంటాయని చాలామందికి తెలియదు. నిజానికి ఈ పేలు నేరుగా మనుషుల ప్రాణాలు తీయవు కానీ, ఇవి కుట్టినప్పుడు వీటి ద్వారా వచ్చే విషపూరిత బ్యాక్టీరియా మన రక్తంలో కలిస్తేనే పరిస్థితి విషమిస్తుంది. ముఖ్యంగా పిల్లల విషయంలో చాలా అలర్ట్‌గా ఉండాలని చెబుతున్నారు నిపుణులు.

పేలు ఎక్కడి నుంచి వస్తాయి?

మనం ఇంటి ముందు పెరట్లో గడ్డిలో తిరిగినా లేదా పొలాలకు వెళ్లినా ఈ పేలు మన శరీరానికి అతుక్కుంటాయి. వీటిలో ఉన్న పెద్ద చిక్కు ఏంటంటే.. ఇవి కుట్టినప్పుడు అస్సలు నొప్పి తెలియదు. రక్తాన్ని పీలుస్తూ గంటల తరబడి అవి మన శరీరానికి అతుక్కుని ఉన్నప్పుడే, మెల్లగా వ్యాధికారక క్రిములను మన లోపలికి పంపిస్తాయి. మన దేశంలో వీటి వల్ల ప్రధానంగా స్క్రబ్ టైఫస్, మంకీ ఫీవర్ వంటి జబ్బులు వస్తుంటాయి. వీటిని ముందుగానే గుర్తిస్తే మందులతో సులభంగా నయం చేయొచ్చు, కానీ నిర్లక్ష్యం చేస్తేనే ప్రాణాల మీదకు వస్తుంది.

Also Read: జ్ఞాపకశక్తి పెరగాలంటే ఉదయాన్నే ఈ 5 పనులు చేసేయండి!

ఈ లక్షణాలు కనిపిస్తే?

చెట్ల పొదల్లో ఉన్న పేలు కుట్టిన వెంటనే మనకేం జబ్బు చేసినట్లు అనిపించదు. కుట్టిన మూడు రోజుల నుంచి నెల రోజుల లోపు ఎప్పుడైనా లక్షణాలు బయటపడొచ్చు. విపరీతమైన జ్వరం, తలనొప్పి, ఒళ్లు నొప్పులు, నీరసం వంటివి కనిపిస్తాయి. కొన్నిసార్లు పురుగు కుట్టిన చోట ఎర్రటి మచ్చ లేదా చిన్న బొబ్బ లాంటిది కూడా ఏర్పడుతుంది. ఈ క్రమంలో పిల్లలకు జ్వరం వచ్చినప్పుడు సాధారణ వైరల్ ఫీవర్లే కదా అని ఇంట్లోనే ఉండిపోకుండా, సమస్య పెద్దది కాకముందే డాక్టరుకు చూపించడం ఉత్తమం.

ముప్పును తప్పించుకోవాలంటే?

ఇలాంటి పేల బారిన పడకుండా ఉండాలంటే కొన్ని జాగ్రత్తలు పాటించాలి. పొలాలకు లేదా పార్కులకు వెళ్లేటప్పుడు పిల్లలకు కాళ్లు, చేతులు పూర్తిగా కప్పేలా దుస్తులు వేయండి. అలాగే ప్యాంటును సాక్సుల్లోకి దోపితే పురుగులు చర్మం పైకి పాకకుండా ఆపొచ్చు. పిల్లలు బయట ఆడుకుని ఇంటికి రాగానే కచ్చితంగా స్నానం చేయించండి. వారి చంకలు, మోకాళ్ల వెనుక భాగం, తల జుట్టులో ఎక్కడైనా పురుగులు ఉన్నాయేమో ఒకసారి క్షుణ్ణంగా పరిశీలించండి.

పేలు కనిపిస్తే ఏం చేయాలి?

ఒకవేళ పిల్లల ఒంటిపై ఎక్కడైనా పురుగు అతుక్కుని కనిపిస్తే.. కంగారులో వాటిని చేత్తో లాగడం లేదా నలిపేయడం అస్సలు చేయకండి. అలా చేస్తే ఆ పురుగులో ఉండే విషం మరింత వేగంగా శరీరంలోకి వెళ్లే ప్రమాదం ఉంది. ఒక చిన్న పుల్లతో పురుగును నెమ్మదిగా కిందకు తోసేయాలి. ఆ తర్వాత పేలే అతుక్కున్న చోట సోపు నీళ్లతో శుభ్రం చేయాలి. ఒకవేళ ఆ తర్వాత జ్వరం వచ్చినా, ఒళ్లు నొప్పులు ఉన్నా ఏమాత్రం ఆలస్యం చేయకుండా వెంటనే డాక్టరు దగ్గరకు తీసుకెళ్లండి.

Also Read: వెన్ను నొప్పి బాధిస్తోందా? మందులు వాడకుండానే ఇలా సులభంగా తగ్గించుకోండి!

Join WhatsApp Channel

Share

• 
• 
• 
• 
• 
•