Monsoon Health Tips: ఎండల తీవ్రత నుంచి ఉపశమనం కలిగించడానికి ఇప్పుడిప్పుడే వర్షాలు మొదలయ్యాయి. దీంతో మన చుట్టూ ఉన్న ప్రకృతితో పాటు మనకు కూడా ఎంతో ప్రశాంతంగా అనిపిస్తుంది. అయితే, ఇదే సమయంలో వాతావరణంలో వచ్చే మార్పుల వల్ల ఇన్ఫెక్షన్లు, జీర్ణక్రియ సమస్యలు, శ్వాసకోశ ఇబ్బందులు పెరిగే అవకాశం కూడా ఎక్కువగా ఉంటుంది.
అందుకే ఈ సీజన్లో కాస్త అప్రమత్తంగా ఉండటం అవసరమని నిపుణులు చెబుతున్నారు. దీనికోసం పెద్దగా కష్టపడకుండా, రోజూవారీ అలవాట్లలో కొన్ని చిన్న చిన్న మార్పులు చేసుకోవడం ద్వారా వర్షాకాలంలో వచ్చే జబ్బుల బారిన పడకుండా మనల్ని మనం కాపాడుకోవచ్చు.
వర్షాకాలంలో వచ్చే చాలావరకు వ్యాధులు కలుషిత నీరు, ఆహారం వల్లే వస్తాయి. అందుకే ఈ రోజుల్లో ఎల్లప్పుడూ కాచి చల్లార్చిన నీటిని లేదా శుద్ధి చేసిన నీటిని మాత్రమే తాగాలి. బయట దొరికే తెరిచి ఉంచిన ఆహార పదార్థాలకు ఎంత దూరంగా ఉంటే అంత మంచిది. నిల్వ ఉంచిన పదార్థాల కంటే, అప్పటికప్పుడు వండుకున్న వేడి వేడి ఆహారాన్ని తినడానికి ప్రాధాన్యత ఇవ్వాలి. అలాగే మార్కెట్ నుండి తెచ్చిన కూరగాయలు, పండ్లను శుభ్రంగా కడిగిన తర్వాతే వాడుకోవాలి.
Also Read: వ్యాక్సింగ్, షేవింగ్ లేదా లేజర్? చర్మానికి ఏది సేఫ్.. డెర్మటాలజిస్ట్ రేటింగ్స్ ఇవే!
ఈ సీజన్లో మన జీర్ణవ్యవస్థ కాస్త మందగిస్తుంది. అందుకే తేలికగా అరిగే సూప్లు, కిచిడీ, తాజా కూరగాయల వంటకాలను ఆహారంలో చేర్చుకోవాలి. రోగనిరోధక శక్తిని పెంచే పండ్లు, కూరగాయలు ఎక్కువగా తీసుకోవడం వల్ల శరీరం ఇన్ఫెక్షన్లతో పోరాడగలుగుతుంది. వర్షం పడుతున్నప్పుడు వేడివేడిగా బజ్జీలు, సమోసాలు వంటి నూనె పదార్థాలు తినాలనిపించడం సహజమే అయినా, వాటిని అతిగా తీసుకోకపోవడమే మంచిది. అలాగే ఫ్రిడ్జ్లో ఉంచిన చల్లటి పానీయాలకు కూడా దూరంగా ఉండాలి.
ఇన్ఫెక్షన్ల నుండి దూరంగా ఉండటానికి చేతులను శుభ్రంగా ఉంచుకోవడం అన్నిటికంటే సులువైన మార్గం. బయటి నుంచి ఇంటికి వచ్చినప్పుడల్లా, అలాగే భోజనానికి ముందు చేతులను సబ్బుతో బాగా కడుక్కోవాలి. సబ్బు అందుబాటులో లేనప్పుడు హ్యాండ్ శానిటైజర్ ఉపయోగించవచ్చు. ఇంటి పరిసరాల్లో నీరు నిల్వ ఉండకుండా చూసుకోవడం ద్వారా దోమల వల్ల వచ్చే డెంగ్యూ, మలేరియా వంటి వ్యాధులను అరికట్టవచ్చు.
ఆస్తమా వంటి శ్వాసకోశ సమస్యలు ఉన్నవారికి వర్షాకాలంలో ఇబ్బందులు పెరగొచ్చు. వాతావరణంలో వచ్చే మార్పులకు అనుగుణంగా జాగ్రత్తలు తీసుకోవాలి. వర్షంలో తడిస్తే వెంటనే శరీరాన్ని, తలని బాగా ఆరబెట్టుకోవాలి. అవసరమైన మందులు, ఇన్హేలర్లను ఎల్లప్పుడూ దగ్గరే ఉంచుకోవాలి. స్వల్ప జ్వరం, దగ్గు, గొంతు నొప్పి లేదా కడుపు నొప్పులను నిర్లక్ష్యం చేయకుండా వెంటనే డాక్టర్ను సంప్రదించాలి. ముఖ్యంగా డయాబెటిస్, గుండె జబ్బులు ఉన్నవారు ఈ సీజన్లో మరింత అప్రమత్తంగా ఉండాలి.
Also Read: టాయిలెట్లో ఫోన్ వాడుతున్నారా? చేతులారా దరిద్రాన్ని కొనితెచ్చుకోవడమే.. వాస్తు ఏం చెబుతోంది?
Share
Irfan Pathan: ఎయిర్ బేస్ ల లాగానే పాకిస్తాన్ వికెట్లు కూప్పకూలాయి
పాక్ ప్లేయర్లపై దీప్తి శర్మ మర్డర్ అటెమ్ట్ ? జేబులో స్ప్రే బాటిల్ పెట్టుకుని ప్లాన్
