Hair Dye: జుట్టుకు రంగు వేస్తున్నారా? అయితే మీకు క్యాన్సర్ వచ్చినట్టే..

Hair Dye: ప్రస్తుత కాలంలో చిన్న వయసు నుంచే తెల్ల జట్టు వస్తుంది. దీంతో చిన్న వయసు నుంచే జుట్టుకు రంగులు వేస్తున్నారు. జుట్టుకు రంగు వేసిన తర్వాత లుక్ పూర్తిగా మారిపోతుంది. హెయిర్ కలర్ తర్వాత చాలా స్టైలిష్‌గా కనిపిస్తారు. అయితే ఇది అనేక రకాల దుష్ప్రభావాలను కలిగిస్తుందని మీకు తెలుసా..? సాధారణంగా జుట్టుకు రంగు వేసిన వెంటనే సైడ్ ఎఫెక్ట్స్ తరచుగా కనిపిస్తాయి. వీటిని ముందే పసిగట్టకపోతే తీవ్రంగా మారే అవకాశం ఉందని పలువురు నిపుణులు హెచ్చరిస్తున్నారు.

చర్మం దురద

జుట్టు రంగు కొన్నిసార్లు చర్మ ప్రతిచర్యకు కారణమవుతుంది. మంట, ఎరుపు బారడం, పొరలుగా చర్మం ఊడిపోవడం, దురద, అసౌకర్యం లాంటి కొన్ని సాధారణ లక్షణాలు కనిపిస్తాయి. అటువంటి పరిస్థితిలో మీ జుట్టుకు రంగు వేయడానికి 48 గంటల ముందు ప్యాచ్ టెస్ట్ చేయించుకోవడం మంచిది.

శ్వాసకోశ సమస్యలు

కొన్ని హెయిర్‌ కలర్స్‌లో అమ్మోనియా అనే రసాయనాన్ని ఉపయోగిస్తారు. అయితే, దీనివల్ల కొందరిలో శ్వాస తీసుకోవడంలో ఇబ్బంది వంటి సమస్యలు ఎదురవుతాయని నిపుణులు హెచ్చరిస్తున్నారు.

పొడి జుట్టు

జుట్టు రంగులో ఉన్న రసాయనాల కారణంగా ఇది మరింత ప్రాసెస్ చేయబడుతుంది. ఇలాంటి పరిస్థితిలో రసాయనాలు మీ జుట్టు నుంచి తేమను దూరం చేస్తాయి. దీని కారణంగా జుట్టు నుంచి తేమ అదృశ్యమై మెరుపును కోల్పోతుంది.

అలెర్జీలు

తెల్ల జుట్టును దాచడానికి లేదా స్టైలిష్‌గా కనిపించడానికి జుట్టుకు రంగు వేయవచ్చు. కానీ దీని కారణంగా అలెర్జీకి గురవుతారు. దీని అత్యంత సాధారణ లక్షణాలు తలలో దురద, ఎరుపు, వాపు లాంటివి కనిపిస్తాయి. ఇది కాకుండా తేలికపాటి చుండ్రు, కళ్ల దగ్గర వాపు కనిపిస్తుంది.

దద్దుర్లు

హెయిర్ డైతో అలెర్జీ వచ్చిన వ్యక్తులు తలపై ఎర్రటి దద్దుర్లు ఉన్నట్లు ఫిర్యాదులు అందుతున్నట్లు నిపుణులు పేర్కొంటున్నారు. దద్దుర్లు రంగు వేసిన ప్రాంతంలో.. లేదా రంగు ఉన్న ప్రాంతాల్లో కనిపిస్తాయి.

ఆస్తమా

హెయిర్ డై వేసుకునే వారు చర్మ అలెర్జీలు, ఆస్తమాకు ఎక్కువగా గురవుతారని అనేక అధ్యయనాలు చూపిస్తున్నాయి. ఈ హెయిర్ డైస్ బ్లీచ్‌లో ఉపయోగించే పెర్సల్ఫేట్‌లలో PPDకి తరచుగా బహిర్గతం కావడం వల్ల ఆస్తమా వస్తుంది.

క్యాన్సర్ ప్రమాదం పెరుగుతుంది

దీర్ఘకాలికంగా జుట్టుకు రంగులు వేసుకోవడం వల్ల కొన్ని రకాల క్యాన్సర్‌ వ్యాధులు వచ్చే ప్రమాదం ఉందని నిపుణులు హెచ్చరిస్తున్నారు. కాబట్టి, హెయిర్‌ కలర్‌ వేసుకునే ముందు ఒకటికి నాలుగు సార్లు ఆలోచించాలని సలహా ఇస్తున్నారు. అంతేకాకుండా జుట్టు రంగులో ఇతర హానికరమైన రసాయనాలు ఉన్నాయని చెప్పారు. ఈ రసాయనాలలో కొన్ని హార్మోన్లను కలవరపెట్టడం ప్రారంభిస్తాయి. దీనిని క్యాన్సర్ లేదా కార్సినోజెన్‌కు కారణమయ్యే ఏజెంట్ అంటారు. మహిళల్లో రొమ్ము క్యాన్సర్‌ను పెంచడంలో ఈస్ట్రోజెన్ హార్మోన్లు ముఖ్యమైన పాత్ర పోషిస్తాయి. అందువల్ల, హార్మోన్లు చెదిరిపోతే, ఈస్ట్రోజెన్ ప్రభావం వల్ల మహిళల్లో బ్రెస్ట్ క్యాన్సర్ వస్తుందని అర్థం.

జాగ్రత్తలు

జుట్టుకు రంగు వేయాలనుకుంటే, హెన్నా, హెర్బాటింట్, మరియు మొక్కల ఆధారిత రంగులు వంటి సహజమైన ఎంపికలు సురక్షితమైనవి.