Almond Oil For Skin: బాదం నూనె ఇలా వాడితే.. గ్లోయింగ్ స్కిన్ మీ సొంతం !

Almond Oil For Skin: చర్మం రంగును మెరుగు పరుచుకోవడానికి అనేక మార్గాలు ఉన్నప్పటికీ.. సహజ పద్ధతులను ఉపయోగించడం వల్ల ఎటువంటి సైడ్ ఎఫెక్ట్స్ లేకుండా మంచి ఫలితాలను పొందవచ్చు. అలాంటి సహజమైన పద్ధతులలో బాదం నూనె వాడకం ఒకటి. పోషకాలతో నిండిన బాదం నూనె చర్మానికి అద్భుతమైన ప్రయోజనాలను అందిస్తుంది. విటమిన్ E, విటమిన్ A, కొవ్వు ఆమ్లాలు, యాంటీ ఆక్సిడెంట్లు పుష్కలంగా ఉన్న ఈ నూనె చర్మాన్ని తేమగా ఉంచడమే కాకుండా.. మచ్చలను తగ్గించి, కాంతివంతంగా మార్చడంలో సహాయ పడుతుంది.

బాదం నూనె చర్మం రంగును ఎలా మెరుగుపరుస్తుంది ?

విటమిన్ E:
బాదం నూనెలో ఉండే విటమిన్ E చర్మానికి సహజమైన యాంటీ ఆక్సిడెంట్‌గా పనిచేస్తుంది. ఇది సూర్యరశ్మి వల్ల కలిగే నష్టం నుంచి చర్మాన్ని రక్షించి, మచ్చలను తగ్గించడంలో సహాయ పడుతుంది.

చర్మాన్ని తేమగా ఉంచుతుంది:
పొడి చర్మం నిర్జీవంగా కనిపిస్తుంది. బాదం నూనె చర్మాన్ని లోతుగా తేమగా ఉంచి, మృదువుగా, కాంతివంతంగా మారుస్తుంది.

మచ్చలను తగ్గిస్తుంది:
బాదం నూనెలో ఉండే పోషకాలు నల్ల మచ్చలు, మొటిమల గుర్తులు తగ్గించడంతో పాటు.. రంగు పెంచడంలో సహాయపడతాయి. తద్వారా చర్మం రంగు సమంగా మారుతుంది.

రక్త ప్రసరణను మెరుగుపరుస్తుంది:
మసాజ్ చేయడం ద్వారా బాదం నూనె చర్మంలో రక్త ప్రసరణను పెంచుతుంది. ఇది చర్మానికి సహజమైన మెరుపును ఇస్తుంది.

బాదం నూనెను చర్మం రంగు మెరుగుదలకు ఎలా ఉపయోగించాలి ?

బాదం నూనెను అనేక విధాలుగా ఉపయోగించవచ్చు. మీ చర్మ రకం, అవసరాన్ని బట్టి ఏదైనా పద్ధతిని ఎంచుకోవచ్చు.

నిద్రపోయే ముందు:

రాత్రి పడుకునే ముందు ముఖాన్ని శుభ్రం చేసుకోండి.

కొద్ది మొత్తంలో స్వచ్ఛమైన బాదం నూనెను మీ అరచేతిలో వేసి కొద్దిగా వేడి చేయండి.

ఈ నూనెతో మీ ముఖం, మెడపై సున్నితంగా 5-10 నిమిషాలు మసాజ్ చేయండి.

రాత్రంతా అలాగే ఉంచి.. ఉదయం గోరువెచ్చని నీటితో శుభ్రం చేయండి. ఇది రాత్రిపూట చర్మం పోషకాలను గ్రహించడానికి సహాయపడుతుంది.

1. బాదం నూనె, నిమ్మరసం:
ఒక టీస్పూన్ బాదం నూనెలో కొన్ని చుక్కల నిమ్మరసం కలపండి. ఈ మిశ్రమాన్ని మచ్చలు లేదా నల్లగా ఉన్న ప్రాంతాలపై అప్లై చేయండి. 15-20 నిమిషాల తర్వాత చల్లటి నీటితో కడిగేయండి. నిమ్మరసంలో విటమిన్ సి ఉంటుంది. ఇది చర్మాన్ని తేలికపరచడంలో సహాయపడుతుంది. అంతే కాకుండా.. నిమ్మరసం వాడిన తర్వాత సూర్యరశ్మి తగలకుండా చూసుకోండి.ఎందుకంటే ఇది చర్మాన్ని సున్నితంగా మారుస్తుంది.

2. బాదం నూనె, తేనె:
ఒక టీస్పూన్ బాదం నూనె..ఒక టీస్పూన్ తేనె, అర టీస్పూన్ పాలు కలమి మిశ్రమం తయారు చేయండి. ఈ మిశ్రమాన్ని ముఖానికి ప్యాక్‌లా వేసి 15-20 నిమిషాల తర్వాత కడిగేయండి. తేనె చర్మానికి తేమను అందిస్తుంది, పాలు చర్మాన్ని శుభ్రపరుస్తాయి.

3. బాదం నూనె, పసుపు:
ఒక టీస్పూన్ బాదం నూనెలో చిటికెడు పసుపు కలపండి. ఈ పేస్ట్‌ను ముఖానికి రాసి 15 నిమిషాల తర్వాత కడిగేయండి. పసుపు చర్మ రంగును మెరుగుపరచడంలో అంతే కాకుండా మచ్చలను తగ్గించడంలో సహాయపడుతుంది.

Also Read: ఈ ఒక్క జ్యూస్ తాగితే చాలు.. జుట్టు వద్దన్నా పెరుగుతుంది !

ముఖ్య గమనికలు:

1. ఎల్లప్పుడూ మంచి బాదం నూనెను ఉపయోగించండి. ఎందుకంటే ఇది చర్మంపై సున్నితంగా ఉంటుంది.

2. ఏదైనా కొత్త పద్ధతిని ప్రారంభించే ముందు.. మీ చర్మంపై చిన్న ప్రాంతంలో ప్యాచ్ టెస్ట్ చేసి.. ఎలాంటి అలెర్జీలు లేవని నిర్ధారించుకోండి.

3. సూర్యరశ్మి నుంచి చర్మాన్ని రక్షించుకోవడం చాలా ముఖ్యం. బయటకు వెళ్లే ముందు సన్‌స్క్రీన్ ఉపయోగించండి.

4. బాదం నూనెను మీ స్కిన్ కేర్ రొటీన్‌లో భాగంగా చేర్చుకోవడం ద్వారా మీరు ఆరోగ్యకరమైన, కాంతివంతమైన, మృదువైన చర్మాన్ని పొందవచ్చు.

Join WhatsApp Channel

Share

• 
• 
• 
• 
• 
•