Homemade Face Cream: ఇంట్లోనే ఫేస్ క్రీమ్ తయారు చేసుకుందామా !

Homemade Cream: ప్రస్తుతం స్కిన్ కేర్ టిప్స్ పాటించడం చాలా ముఖ్యమైన విషయం. మార్కెట్లో దొరికే అనేక రకాల ఫేస్ క్రీములు రసాయనాలతో నిండి ఉండటం వల్ల వాటిని వాడటానికి చాలామంది భయపడుతుంటారు. అయితే ఇంట్లోనే సహజసిద్ధమైన పదార్థాలతో ఫేస్ క్రీమ్ తయారు చేసుకోవడం చాలా సులభం.

అంతే కాకుండా సురక్షితం కూడా. ఇంట్లో తయారు చేసుకున్న క్రీములు మీ చర్మానికి పోషణను అందించి, కాంతివంతంగా, ఆరోగ్యంగా ఉంచుతాయి. మరి ఇన్ని ప్రయోజనాలు ఉన్న ఫేస్ క్రీమ్ ఇంట్లోనే ఎలా తయారు చేసుకుని వాడాలనే విషయాలను గురించిన పూర్తి వివరాలను గురించి ఇప్పుడు తెలుసుకుందాం.

ఇంట్లో ఫేస్ క్రీమ్ తయారు చేసుకోవడానికి అవసరమైన పదార్థాలు:

షీ బటర్ (Shea Butter): 2 టేబుల్ స్పూన్లు (చర్మం మృదువుగా, తేమగా ఉండటానికి సహాయపడుతుంది)
కొబ్బరి నూనె (Coconut Oil): 1 టేబుల్ స్పూన్ (యాంటీ బ్యాక్టీరియల్ గుణాలు కలిగి, చర్మానికి పోషణను అందిస్తుంది)
బాదం నూనె (Almond Oil): 1 టేబుల్ స్పూన్ (విటమిన్ ఇ పుష్కలంగా ఉంటుంది, చర్మ ఆరోగ్యాన్ని మెరుగుపరుస్తుంది)
అలోవెరా జెల్ (Aloe Vera Gel): 2 టేబుల్ స్పూన్లు (చర్మంపై మంటను తగ్గిస్తుంది. తేమను అందిస్తుంది)
రోజ్ వాటర్ (Rose Water): 1 టేబుల్ స్పూన్ (చర్మానికి టోనర్ గా పనిచేస్తుంది, సహజమైన సువాసనను ఇస్తుంది)
విటమిన్ ఇ క్యాప్సూల్ (Vitamin E Capsule): 1 (యాంటీ ఆక్సిడెంట్ గుణాలు కలిగి, చర్మ ఆరోగ్యాన్ని కాపాడుతుంది )
లావెండర్ ఎసెన్షియల్ ఆయిల్ (Lavender Essential Oil): 5-6 చుక్కలు (ఇష్టమైతే సహజమైన సువాసన కోసం)

తయారీ విధానం:
1. మొదటగా.. ఒక డబుల్ బాయిలర్ (లేదా ఒక గిన్నెలో నీళ్లు పోసి, దానిపైన ఇంకో గిన్నెను ఉంచడం) ఏర్పాటు చేసుకోండి. కింది గిన్నెలో నీళ్లు మరిగించి, పైన ఉన్న గిన్నెలో షీ బటర్, కొబ్బరి నూనె, బాదం నూనెను వేయండి.

2. ఈ నూనెలు పూర్తిగా కరిగి, కలిసిపోయే వరకు సన్నని మంటపై కరగనివ్వండి. ఎప్పటికప్పుడు గరిటెతో కలుపుతూ ఉండండి.

3. నూనెలు పూర్తిగా కరిగిన తర్వాత, స్టవ్ ఆఫ్ చేసి, గిన్నెను పక్కన పెట్టండి. ఈ మిశ్రమం కొద్దిగా చల్లబడే వరకు ఉండండి. ఇది పూర్తిగా చల్లార కూడదు. కేవలం వెచ్చగా ఉండాలి.

4. ఇప్పుడు.. ఈ నూనె మిశ్రమానికి అలోవెరా జెల్, రోజ్ వాటర్, విటమిన్ ఇ క్యాప్సూల్ లోని నూనెను కలపండి.

5. ఒక ఎలక్ట్రిక్ హ్యాండ్ బీటర్ లేదా ఫోర్క్ సహాయంతో ఈ మిశ్రమాన్ని బాగా బీట్ చేయండి. ఇది క్రీముగా, మెత్తగా మారే వరకు బీట్ చేయాలి. బీట్ చేస్తున్నప్పుడు అది గట్టి పడుతూ ఉంటుంది.

6. చివరగా.. మీకు కావాలంటే లావెండర్ ఎసెన్షియల్ ఆయిల్ చుక్కలను వేసి మళ్ళీ ఒకసారి బాగా కలపండి.

7. ఈ క్రీమ్ ను గాలి చొరబడని శుభ్రమైన డబ్బాలో నిల్వ చేసుకోండి. దీన్ని ఫ్రిజ్‌లో దాచుకుంటే ఎక్కువ కాలం నిల్వ ఉంటుంది.

ఈ క్రీమ్ ను ఎలా వాడాలి ?

ప్రతిరోజూ రాత్రి పడుకునే ముందు ముఖాన్ని శుభ్రంగా కడుక్కుని, ఈ క్రీమ్ ను కొద్దిగా తీసుకుని ముఖానికి, మెడకు సున్నితంగా మసాజ్ చేయండి. ఉదయం నిద్రలేవగానే మీ చర్మం మృదువుగా, ఉంటుంది.

ఈ ఇంట్లో తయారు చేసుకున్న ఫేస్ క్రీమ్ యొక్క ప్రయోజనాలు:

సహజమైనది: రసాయనాలు లేకుండా పూర్తిగా సహజమైన పదార్థాలతో తయారు చేయడం వల్ల చర్మానికి ఎటువంటి హాని ఉండదు.

Also Read: ముఖంపై నల్ల మచ్చలా ? ఇవి వాడితే.. ప్రాబ్లమ్ సాల్వ్

తేమను అందిస్తుంది: ఇందులో ఉన్న షీ బటర్, కొబ్బరి నూనె చర్మానికి లోతైన తేమను అందించి, పొడిబారకుండా కాపాడుతాయి.

చర్మ ఆరోగ్యం: విటమిన్ ఇ, బాదం నూనె చర్మ ఆరోగ్యాన్ని మెరుగుపరిచి, కాంతివంతంగా చేస్తాయి.

సురక్షితం: సున్నితమైన చర్మం ఉన్నవారు కూడా దీన్ని ఎలాంటి సందేహం లేకుండా ఉపయోగించవచ్చు.

ఖర్చు తక్కువ: మార్కెట్లో దొరికే క్రీముల కంటే ఇది చాలా తక్కువ ఖర్చుతో తయారవుతుంది.
ఇంట్లోనే ఈ సహజసిద్ధమైన ఫేస్ క్రీమ్ తయారు చేసుకుని, ఆరోగ్యవంతమైన, కాంతివంతమైన చర్మాన్ని పొందండి.